Hebrews 11:3 - Sa Ugud Apudyus

³ Gapu si pammati, maawatan taḵu we naḵwa lubung mipagapu si Ugud Apudyus, ta da maila naḻpuda si adipun maila.

Hebrews 11:3 ပူးပေါင်းရင်းမြစ်များ

John 1:3

Mipagapu ḵan siya ḵingwan Apudyus da losan. Naippun naḵwa nu adi gapu ḵan siya.

Acts 14:15

“Susunud, ngaipayu ḵoon ḵaḵnat? Tagu ḵani bose isuyu. Ummali ḵani sina ta iwaḻagawagni ḵan diḵayu Ambaḻu we Damag ta an-awidanyu da annae ippun anudae sinan-apudyus ta amati ḵayu ḵan Apudyus we matattagu we nangwa si langit, luta, baybay ya da losane awad.

Acts 17:24

Siya Apudyus we nangwa'tte lubung ya da losane awad sina. Ḵad adipun inggaw atte templo we ḵingwan di tagu te siya Apu'd langit ya ad luta.

Romans 4:17

Ḵanan ni nigili ye Ugud Apudyus, “Nambalinoḵ siḵa'ḵ aman da adu we ili.” Siya ama taḵu si antotollong Apudyus we pinatin Abraham, siya maḵabooḻe anagu'tta natoy ḵan angwa'tta banage naippun.

1 Corinthians 2:7

Te sa nilimode ḵinalaing Apudyus we ibagabagani, siya simsimmoḵna si daan ni lubung maḵwaan ta midoga taḵu si ḵabaḻuwane antatagu ḵan Apudyus ad langit.

1 Timothy 4:5

Te mibelange ampoḻḵas maḵan gapu'tte Ugud Apudyus ḵan luwaḻu taḵu.

Hebrews 1:2

Yaḵon sa sanae anungus ni aḻgaw, nan-ugud aḵ Apudyus ḵan ditaḵu mipagapu si Abengna. Siya dinutuḵan Apudyus aḵ anawid atta losane anna si lubung ya mipagapu si Abengna ḵingwana lubung.

2 Peter 3:5

Sadi ibagabagan da umang-angyag yaḵon gagaḻ-onda maliwatane sa awe, ḵingwan Apudyus langit ya sa luta mipagapu si ugudna woḵ danum inusarnae nangwa si lubung woḵ nallotaw lutae naḻpu si danum.

Revelation 4:11

“Siḵa Apu we Apudyusni, ḵaḻabbongame awaton dayawni, ḵinapatogni ya bigbigonni ḵabooḻam. Te siḵa nangwa'tta losan. Ḵad gapu'tte panggobnu, naḵwada ya matattaguda.”