Hebrews 11:16 - Sa Ugud Apudyus

¹⁶ Yaḵon siya amaamayonda nabaḻu we ili ye siya'd langit. Pun sadi gapunae adipun mabain aḵ Apudyus si awaganda'ḵ Apudyusda te insaganaana dida'ḵ siyudad ad langit.

Hebrews 11:16 ပူးပေါင်းရင်းမြစ်များ

Matthew 25:34

“Pun saḵone Ari, asiḵ ḵanane angibaga'tta tagu we awad si madawinanḵu, ‘Awwayyu, diḵayu we binindisyunan Amaḵ ta gangganasonyu da laḵsunyu we midog-anyu si ampangatan Apudyus we nisaganae inggawanyu inggan ni naḵwaan ni lubung.

Mark 12:26

Ḵad sa mipanggob atte umuliyan da natoy, iḵagasmoḵyu oḵyan binasayu'tte inggilin Moses mipanggob si umapuapuye ḵayu we ḵanana, ‘Saḵon Apudyus da Abraham, Isaac ya aḵ Jacob?’

Mark 8:38

Ngaimane angibain ḵan saḵone Abeng Di Tagu ya da tuttuduḵ si sanae ḵabasbassuḻane lunap, ibainḵu bos dida nu mipauliyaḵ ad luta. Te nu mipauliyaḵ buḻunanaḵ atta nasantuwane anghel ya ipailaḵ dayaw Amaḵ.”

Luke 12:32

“Adi ḵayu maḵimut, taḵon ay nu aḵit ḵayu we disipuluḵ te aḵ Apudyus we Ama taḵu allaylayade nanomsomoḵe midoga ḵayu si ampangatana.

Luke 20:37

“Taḵon ay aḵ Moses pinanoḵnoḵana umuliyan da natoy. Te sa inggilin Moses si mipanggob atte umapuapuye ḵayu we ḵanana, aḵ Apu siya Apudyus da Abraham, Isaac ya aḵ Jacob.

John 14:2

Aduadu maigawan atte boḻoy Amaḵ. Ḵad iyyaḵ isagana da inggawanyu. Ḵad nu daḵampun aḵ tuttuwa, ibagaḵ ḵamman ḵan diḵayu we iyyaḵ angisagana'ḵ inggawanyu?

Acts 7:32

‘Saḵon aḵ Apudyus we Apudyus da Abraham, Isaac ya aḵ Jacob.’ Dingngoḻ ḵad Moses sadi, namilpil si ḵimutna woḵ adipun maḵatuḻode angitollong.

Philippians 3:20

Yaḵon ḵan ditaḵu, ad langit ustu we ili taḵu ḵad siya bos maḻpuwan ni uuwayon taḵu we aḵ Apu Jesu Kristu we anagu ḵan ditaḵu.

2 Timothy 4:18

Ḵad igammuḵe saḻaḵnibanaḵ ḵan Apu atta losane lawweng ya taguwona saḵon ad langit si ampangatana. Madaydayaw oḵyan aḵ Apudyus aḵ inggana. Amen.

Hebrews 10:34

Te ḵinadaguwanyu da buḻunyu we nibabaḻud. Ḵad taḵon ay nu sinamsamda da ḵuḵuwayu, inan-anusanyu ginangganas te mismu we igammuyu we awad de nabaḻbaḻu ya annanayune ḵuḵuwayu'd langit.

Hebrews 11:10

Te ninamnamana siyudade annanayun nisaadanae implanun Apudyus ya tinaḵadna.

Hebrews 11:14

Da tagu we angugud atte ḵaḵna, nalawage angngitda'ḵ mismu we ilida.

Hebrews 11:40

Te awad de nabaḻu we planun Apudyus para ḵan ditaḵu losan. Sa planuna, buḻun taḵu didae angawat si inkarina ta ambalinona dida'ḵ ippun angkuranganda.

Hebrews 12:22

Yaḵon ummadani ḵani si beleg Zion ya sa siyudad ni matattagu we Apudyus ya sa baru we Jerusalem we awad ad langite madagudagupan da ḵalibulibu we anghel we andayaw ḵan siya.

Hebrews 13:14

Te daḵampun si annae lubung inggawan taḵu'ḵ inggana yaḵon siya singsington taḵu siyudade inggawan taḵu si umali ye aḻgaw.

Hebrews 2:11

Aḵ Jesus we namapoḻḵas atta basuḻ taḵu ya ditaḵu we pinapoḻḵasna, ossaan Ama taḵu we aḵ Apudyus. Ḵad sadi gapunae adimpun Jesus ibaine angawag ḵan ditaḵu'ḵ susunudna.

Revelation 21:2

Innilaḵ os baru we Jerusalem we sa siyudad Apudyus. Sa baru we Jerusalem we maḻpu ḵan Apudyus ad langit. Sa sanae siyudad, naganggangpute nisaganae isuna bubai ye nansilup atte maḵaawise silupe umoy miyabot atte angasawa ḵan siya.