Hebrews 10:39 - Sa Ugud Apudyus

³⁹ Yaḵon adi taḵu miyisu'tta nangiwaḻang atta pammatida ya nadusada ḵan Apudyus aḵ inggana. Yaḵon ditaḵu da namati ya matagu'ḵ inggana.

Hebrews 10:39 ပူးပေါင်းရင်းမြစ်များ

Mark 16:16

Ngaimane amati ḵan saḵon ya mabonyagan, matagu. Yaḵon sa adipun amati, maḵoddongan aḵ madusa.

Luke 11:26

Ḵad umoyna ayagan da pitu we aḻane daldallu lawwengda nu siya ta miḵamboḻoyda. Ḵad amo ḵaddagu sadi ye tagu nu sa damu.”

John 17:12

Sa inninggawaḵ ḵan dida, inayyuwanaḵ dida mipagapu'tte ḵabooḻame innatodnu ḵan saḵon. Naippun nataḻaḵ ḵan dida abus sadi ye tagu we naḵoddongan aḵ mataḻaḵ ta mituttuwa nigili ye Ugud Apudyus.

John 20:31

Yaḵon nigili da anna ta amati ḵayu we aḵ Jesus siya Kristu we Abeng Apudyus ḵad sa amatiyanyu awad ḵan diḵayu biyag gapu ḵan siya.

John 5:24

“Ibagaḵ ḵan diḵayu ḵatuttuwaan, ngaimane amati'tta ugudḵu ya amati'tte nangibuun ḵan saḵon, awad ḵan siya biyag aḵ inggana. Adipun ogon maḵuwis te illasatna dusa woḵ awad ḵan siya biyag aḵ inggana.

John 6:40

te sa pinion Amaḵ, losane angimatune saḵon Abengna ya amati ḵan saḵon, maittanda si biyag aḵ inggana. Ḵad pauliyoḵ dida taguwon si anungus ni aḻgaw.”

1 Thessalonians 5:9

Te adimpun ditaḵu pinili ḵan Apudyus aḵ midoga si umamdane sangana. Yaḵon pinilina ditaḵu'ḵ matagu mipagapu ḵan Jesu Kristu we Apu taḵu,

2 Thessalonians 2:3

Adi ḵayu maallelaw atta ngaimane ibagada ḵan diḵayu. Te adipun dumatong sanate aḻgaw inggana'ḵ umaduadu da tagu we sumusullagi ḵan Apudyus ḵad mipaila ḵaḻawengane niḵoddonge madusa'd Infiernu.

1 Timothy 6:9

Yaḵon da tagu we piondae bumaḵnang, allasu we masubsubda ya matappoḵanda'tte dinodong-og ya maḵadadail atte pion ni long-ag. Ḵad siya anadail ḵan angilugut ḵan dida'tte dusae ippun anungusna.

Hebrews 10:26

Te nu gagaḻ-on taḵu we bumasuḻ si nagangpute inigammu taḵu mipanggob si ḵatuttuwaan, naippun ogon midatun aḵ amapoḻḵas atta basuḻ.

Hebrews 10:38

Sa taguḵe naun-unan, matagu mipagapu'tte pammati, yaḵon nu an-awidana saḵon, adiyaḵpun mas-om ḵan siya.”

Hebrews 11:1

Ngai pammati nu? Sa pammati ḵad aaddi ye mituttuwa da namnamaon taḵu ḵad antaḻgod taḵu we awad da banage aditaḵupun ilan.

1 Peter 1:5

Gapu'tte ḵabooḻan Apudyus, ayyuwanana diḵayu mipagapu'tte pammatiyu ḵan siya inggana'ḵ mituttuwa anaguwana ḵan diḵayu. Inabusna insagana sanate mataguwane ipailana nu anungus ni timpu.

2 Peter 3:7

Sinsadi, mipagapu bos atte Ugud Apudyus, nisasaggana annae langit ḵan lutae dadailon ni apuy nu dumatong aḻgawe anguwisan Apudyus atta tagu we ḵabasbassuḻan ta madusada'ḵ inggana.

1 John 5:16

Nu awad osa'ḵ angila si sunudna ḵan Kristu we maḵabasuḻ, iluwaḻuna oḵyan ta itton Apudyus ḵan siya biyag aḵ inggana. Sa pioḵ ibaga, iluwaḻuwan taḵu tagu amod ay nu daḵampun aḵ ambanag si ḵatoy naḵabasuḻana. Te awad de basuḻe ambanag si ḵatoy yaḵon daḵampun aḵ ḵanaḵe iluwaḻuwan taḵu oḵyan.

1 John 5:5

Te sa paḵḵog atta tagu we adipun amati ye sumullagi ḵan Apudyus, siya amati ye aḵ Jesus Abeng Apudyus.

Revelation 17:11

Sa ḵaog-ogyat ḵade ayam, siya inninggaw atte awe, naippun sinsadi, siya miḵawaḻu we ari ye mibelang atta pitu. Ḵad aḵ uni umoy atte madusaana'ḵ inggana.

Revelation 17:8

Sa ayame innilam, inninggaw atte awe yaḵon naippun sinsadi. Ḵad sa umali ye aḻgaw, tumoḵwaḻe maḻpu si abute ippun patinggan ni ḵaadaḻomna. Ḵad ḵasapuḻane umoy atte dusae ippun anungusna. Ḵad da losane tagu si lubunge adipun nigili da ngadanda'tte iblu we nigiliyan da awad de biyagda'ḵ ingganae insaganan Apudyus atte daan ni lubung maḵwaan, mataagdae angila'tte sadi ye ḵaog-ogyate ayam te inninggaw atte awe, naippun sinsadi ya asi tumoḵwaḻ atte umali ye aḻgaw.”