Hebrews 10:34 - Sa Ugud Apudyus

³⁴ Te ḵinadaguwanyu da buḻunyu we nibabaḻud. Ḵad taḵon ay nu sinamsamda da ḵuḵuwayu, inan-anusanyu ginangganas te mismu we igammuyu we awad de nabaḻbaḻu ya annanayune ḵuḵuwayu'd langit.

Hebrews 10:34 ပူးပေါင်းရင်းမြစ်များ

Matthew 19:21

Ḵanan Jesus ḵan siya, “Nu piom wadawadda ḵan siḵa, inḵa ingina da ḵuḵuwam ya ittom bayadna'tta ḵaḵapus woḵ awad de binaḵnangnu we inggappot Apudyus ad langit. Ḵad umaliḵa ta tun-udonaḵ.”

Luke 10:42

Taḵon ay nu ḵatti, os-ossaan ḵasasappuḻan. Siya annate pinilin Mary, sa ḵapatogane ippun paat maḵaaḻa.”

Luke 12:33

Pun inginayu da ḵuḵuwayu ta ittonyu'tta ḵapus. Te nu ḵoonyu ḵaḵna, isuyun amompon aḵ binaḵnang ad langite annat atta pitaḵayu we adipun maaminan aḵ pilaḵ ya ippun angaḵaw ḵan anadail.

Luke 9:25

Te ngai ḵad ain maganab ni tagu nu anḵuwana da losane binaḵnang atte lubung yaḵon taḻaḵona ḵalidodwana ya madusa'ḵ inggana? Naippun!

Acts 21:33

Pun dinoḵmaan ni kumander aḵ Paul woḵ imbilinna'tta suḻdadu we ḵawadanda si duwae ḵawad. Naabus ḵad, ḵananae nan-imus, “Ngai annae tagu? Ngai ḵingwana?”

Acts 28:20

Sana gapunae inayagaḵ diḵayu ta an-asiila taḵu ḵan an-uugud taḵu te pioḵ ipaigammu we sa gapun ni naḵawadaḵ sa pammatiḵe siya namnamaon taḵu we ganaḵ Israel.”

Acts 5:41

Tinenan ḵad da apostol da ḵuḵunsisaḻ, amod de layadda te imbelang Apudyus didae labbongdae mapaḵaḻam ḵan mibabbain gapu ḵan Jesus.

2 Corinthians 5:1

Pun igammu taḵu we taḵon ay nu matoy long-ag taḵu we isun ni boḻoy taḵu'd lutae madadail, awad de boḻoye maatod ḵan ditaḵu'd langite sa baru we long-age itton Apudyus. Daḵampun aḵ ḵingwan di tagu te ḵingwan Apudyus we mismu ya ippun patinggana.

Ephesians 3:1

Gapu'tte sana, saḵon aḵ Paul we nambalin aḵ baḻud gapu si nanserbiyaḵ ḵan Jesu Kristu para ḵan diḵayu we Gentil, iluwaḻuwaḵ diḵayu.

Ephesians 4:1

Pun ḵan saḵone nibabaḻud gapu si anserbiyaḵ ḵan Apu, ḵodawoḵ ud ḵan diḵayu ta ibagayyu antataguyu si planun Apudyus we namili ḵan ditaḵu'ḵ taguna.

Ephesians 6:20

Te imbuun Kristu saḵon aḵ angiyugud ḵan siya ta ipaigammuḵ Ambaḻu we Damag we siya gapunae naḵawadanaḵ sinsadi. Pun iluwaḻuwanaḵ ud ta tumuḻodaḵe angiyugud ḵan siya te siya ustu we ḵooḵ oḵyan.

Philippians 1:7

Ḵad ambaḻu bos nu ḵatti sosomkoḵ atte mipanggob ḵan diḵayu te ummamdan ayatḵu ḵan diḵayu. Ḵad nidoga ḵayu ḵan saḵone nangipadas si ḵinabaḻun Apudyus si inninggawaḵ atte babaḻḻudan ya siya bos naḵwa si dam-oḵ namanoḵnoḵan ya tinaḵdoḻaḵe tuttuwa Ambaḻu we Damag mipanggob ḵan Kristu.

Colossians 1:5

Ḵaḵnat te namnamaonyu we awad de inggagappot Apudyus ad langite para ḵan diḵayu. Dingngoḻyu'tte awe mipanggob si anna si nangngoḻanyu'tte ugude ḵatuttuwaane siya Ambaḻu we Damag.

1 Timothy 6:19

Nu ḵatti ḵoonda, isunan anonsonda'ḵ binaḵnang ad langite mipani si ampagdote misaadan ni biyagda si umali ye aḻgaw ta ganabonda annanayun ya tuttuwae biyag.

2 Timothy 1:16

Ḵadaguwan oḵyan Apudyus da Onesiphorus we simbaḻyan te nangampigae sinoḻgagna saḵon. Taḵon ay nibaḻudaḵ sinsadi, adipun mabaine namisita ḵan saḵon.

2 Timothy 2:9

Gapu si nangiwaḻagawagaḵ si annae Ambaḻu we Damag, ampaḵaḻamaḵ ya maḵawadanaḵ sina si annae babaḻḻudane isun di pumappatoy. Yaḵon adipun maḵwae maḵawadan Ugud Apudyus.

2 Timothy 4:8

Pun sinsadi awad de insaganan Apu we para ḵan saḵone gungunae ittona'tta losane naun-unane tagu. Ittona anna si umali ye aḻgawe anguwisana'tta losane tagu sigun si ustu we anḵuḵuwisna. Ḵad daḵampun aḵ abusaḵ aḵ gungunaana nu adi da losane ummayu si mipauliyana.

Hebrews 11:16

Yaḵon siya amaamayonda nabaḻu we ili ye siya'd langit. Pun sadi gapunae adipun mabain aḵ Apudyus si awaganda'ḵ Apudyusda te insaganaana dida'ḵ siyudad ad langit.

Hebrews 13:14

Te daḵampun si annae lubung inggawan taḵu'ḵ inggana yaḵon siya singsington taḵu siyudade inggawan taḵu si umali ye aḻgaw.

Hebrews 13:3

Iḵagasmoḵyu da awad si babaḻḻudane isun di nidoga ḵayu ḵan dida ya da mapaḵaḻame isun di midoga ḵayu ampaḵaḻam ḵan dida.

Hebrews 9:15

Pun sadi gapunae aḵ Kristu angiyugud si Baru we Tuḻag Apudyus atta tagu ta da pinilin Apudyus awatonda annanayune tawide inkarina. Gapu'tte natoyana, sinubutna dida ta mapuḵayan da naḵabasuḻ si ummunae tuḻag.

James 1:2

Susunudḵu ḵan Kristu, ibelangyu we allaylayad ḵayu nu mapadasyu da nansabasabali ye padas atte biyagyu,

1 Peter 1:4

ḵad sana laḵsun taḵu we maḻpu ḵan Apudyus we adipun paat madadail ḵan maḵaissawan ya adipun os umaḵit patognae nigagappot ad langite para ḵan ditaḵu.

1 John 3:2

Ay-ayatoḵe buḻbuḻun, abeng Apudyus ditaḵu sinsadi taḵon ay nu daantaḵupun maawatane ustu ambalinan taḵu si umali ye aḻgaw. Yaḵon inigammu taḵu we nu umali ḵasin aḵ Kristu, miyisu taḵu ḵan siya te ilan taḵu we ustuustu.