Hebrews 10:29 - Sa Ugud Apudyus

²⁹ Maguḻa magay madusaan ni tagu we angam-amsew si Abeng Apudyus ya ibelangnae naippun patog ni daḻae angipanoḵnoḵ si tuḻag Apudyus we siya amapoḻḵas atta basuḻ ḵan an-ugud aḵ lawweng atte Ispiritu Santu we siya angipail-an Apudyus atte ḵinabaḻuna.

Hebrews 10:29 ပူးပေါင်းရင်းမြစ်များ

Matthew 26:28

te sana daḻaḵe amanoḵnoḵ atte Baru we Tuḻag Apudyus atta tagu. Mibuḵbuḵ nu matoyaḵ ta adu da tagu we mapakawan da basuḻda.

Matthew 7:6

Pinagatupan Jesus we nangipani mipanggob si adiyu ituttudu Ugud Apudyus atta tagu we angam-amsew ḵan adipun andongoḻ woḵ ḵanana, “Diḵayu ḵad, adiyu itton da ngaimane ampatog atta ngumoḻngoḻe asu te amo ḵumtobda. Ḵad adiyu bos itton ampatoge bongoḻ atta boḻoḵ te gudagudonda.”

Mark 7:2

Innilada da udume disipulunae nangan yaḵon adidapun inunud ugali si inondae ambuḻu we intuttudun da Pharisee aḵ mibelang aḵ ampoḻḵas.

Luke 12:10

“Sa osa bos, nu awad an-ugud aḵ lawweng mipanggob ḵan saḵone Abeng Di Tagu, maḵwae pakawanon Apudyus. Yaḵon sa an-ugud aḵ lawweng mipanggob si Ispiritu Santu, adimpun Apudyus maḵwae pakawanon.

John 10:36

Ngaipayu ḵanan ḵan saḵone intotoḵḵon ni Ama ya imbuunna si annae lubung, ‘Nan-ugud ḵayu'ḵ lawweng ḵan Apudyus,’ te sa imbagaḵ, ‘Saḵon Abeng Apudyus’?

John 17:19

Gapu ḵan dida, itotoḵḵonḵu long-agḵu ḵan siḵa ta mitotoḵḵonda bose anserbi ḵan siḵa mipagapu'tte ḵatuttuwaan.

Acts 7:51

Pinagatupan Stephen woḵ ḵanana, “Diḵayu we tummungitong! Isuyun pagano we adipun amati ḵan Apudyus ya tuḻtuḻḻongonyu ḵatuttuwaan. Isuyu bos da danaḵḵoḻyu we pasigda sullagiyon Ispiritu Santu.

Romans 16:20

Adipun manunnuwan ya aḵ Apudyus we maḻpuwan ni lin-awa oḻgona'ḵ Satan we isun di gusgusdan taḵu. Awad oḵyan ḵan diḵayu ḵinabaḻu we maḻpu ḵan Apu Jesu Kristu.

1 Corinthians 11:27

Pun ngaimane angan baḵon nu uminum atte natasae bayas ya adinapun somsomḵon ustu we ḵausarana, maḵabasuḻ ḵan Apu te inamsewna long-agna ḵan daḻana.

1 Corinthians 11:29

Te nu maḵaḵan ya maḵainume adinapun maawatan nu ngai pion ni long-ag Kristu ḵanan ya sa ḵapatogna, madusa gapu'tte ḵingwana.

1 Corinthians 15:25

Te ḵasapuḻane ampangat aḵ Kristu inggana'ḵ oḻgona da losane ḵabusuḻna.

1 Corinthians 15:27

Ḵad awad de nigili ye Ugud Apudyus atte awe ye ḵanana, “Impaipangat Apudyus da losane banage ḵingwana si annae lubung.” Ḵad nalawag ose daḵampun aḵ nidoga'ḵ Apudyus atta losane ipangatan Kristu te aḵ Apudyus nampaipangat ḵan Kristu atta ngaiman.

1 Corinthians 6:11

Sa awe, ḵaḵnat ḵoḵoḵḵon da udum ḵan diḵayu. Yaḵon sinsana pummoḻḵas ḵayu'tta losane basuḻyu ya intotoḵḵon Apudyus diḵayu'ḵ taguna ya siya angwa si maun-unanyu mipagapu'tte ḵabooḻan Apu Jesu Kristu ya sa Ispiritun ni Apudyus taḵu.

Ephesians 4:30

Ḵad adi ḵayu oḵyan angwa'ḵ lawweng aḵ adin ni Ispiritu Santu andadauyan te sanat innatod Apudyus we isun di maḻḵae taguna diḵayu. Ḵad sadi angipaigammu we subutona diḵayu si umali ye aḻgaw.

Ephesians 5:26

ta itotoḵḵon ditaḵu we namati'ḵ taguna gapu ta pinapoḻḵasna ditaḵu'tte danum ya sa Ugud Apudyus.

Hebrews 10:10

Pun gapu ta nituttuwa pinion Apudyus, pummoḻḵas taḵu'tta basuḻ taḵu mipagapu si namingpingsane nangidatunan Jesu Kristu si long-agna.

Hebrews 12:25

Ilanyu ta adiyu idiyan aḵ Apudyus we an-ugud. Te nu adipun niligsi da adipun nandongoḻ atta bagbagana sina'd luta, ngai inon taḵu we angiligsi si dusa nu idiyan taḵu namagbaga ḵan didae naḻpu'd langit?

Hebrews 13:20

Aḵ Apudyus we maḻpuwan ni lumin-awaan, tinaguna ḵasin aḵ Jesus we Apu taḵu we ḵangatuwane angayyuwan atta karnero. Mipagapu si daḻan Jesus we pummoy-as si natoyana'tte kros, pinanoḵnoḵana annanayune tuḻag.

Hebrews 2:11

Aḵ Jesus we namapoḻḵas atta basuḻ taḵu ya ditaḵu we pinapoḻḵasna, ossaan Ama taḵu we aḵ Apudyus. Ḵad sadi gapunae adimpun Jesus ibaine angawag ḵan ditaḵu'ḵ susunudna.

Hebrews 2:3

Pun ngai inon taḵu we angiligsi'tte madusaan taḵu nu adi taḵu patgan sanae nakaskasdaawe inonae anagu ḵan ditaḵu? Aḵ Apu Jesus we mismu ummunae nangipaigammu si mipanggob atte mataguwan taḵu. Ḵad da nangngoḻ atta tuttuduna, dida nangipaigammu ḵan ditaḵu'tta dingngoḻdae ḵatuttuwaan.

Hebrews 4:14

Pun gogomgoman taḵu pammati taḵu te aḵ Jesus we Abeng Apudyus siya maḵabooḻe ḵangatuwane padi taḵu we ummoy ḵan Apudyus ad langit.

Hebrews 6:4

Te da tagu we nan-awidanda da pammatida, adipun ogon maḵwae ambabawida'tta basuḻda ya agaydae angwa ta ḵasinda bos amati ḵan Apudyus. Te nalawlawagan da somsomoḵda, napadasanda amode nainlangitane atod Apudyus ya inawatda Ispiritu Santu. Ḵad napadasanda ḵinabaḻun ni Ugud Apudyus ḵan giniḵnada ḵabooḻane mipaila si umali ye timpu.

Hebrews 6:6

Gapu ta nan-awidanda da pammatida, adipun paat maḵwae ambabawida'tta basuḻda ya agaydae angwa te isun di impattoḻda ḵasin Abeng Apudyus atte kros ya imbabbainda si sinagung da adu we tagu.

Hebrews 9:13

Te da tagu we mibelang aḵ ḵaissaw, ḵasapuḻane mawaḻsiyanda'tte daḻan ni kalding ya sa daḻan ni laḵi ye baḵa ya sa dapuḻ ni masgobe bumalasange baḵa yaḵon da anna anserbidae abus aḵ amapoḻḵas atta long-ag da tagu we nibelang aḵ nambalin ḵaissaw ta maḵwae ḵasinda maḵadaydayaw ḵan Apudyus.

Hebrews 9:20

Pune sadi, ḵanana, “Sa annae daḻa siya amanoḵnoḵ si intuḻag Apudyus ḵan diḵayu we imbilinnae ḵasapuḻane tuttuwaonyu.”

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.