Hebrews 10:27 - Sa Ugud Apudyus

²⁷ Naippun udum aḵ uuwayon taḵu nu adi sa ampaḵimute anguwisan Apudyus ya sa gumilagilabe apuye angamin atta losane ḵabusuḻ Apudyus.

Hebrews 10:27 ပူးပေါင်းရင်းမြစ်များ

Matthew 13:42

Ḵad itop-aḻda dida si gumilgillayabe apuye adipun masobsoban, ḵad umibiibilda ḵan ngumalitod da babada gapu si ampaḵaḻamanda.

Matthew 13:50

Ḵad iballuda dida si apuye adipun masobsoban ya amod de ibilda ḵan ngumalitod da babada te ampaḵaḻamda.”

Matthew 25:41

“Ḵad ibagaḵ atta tagu si madawigiḵ ḵanane, ‘Diḵayu we naḵoddongan aḵ madusa, inḵayun! Inḵayu si annanayune apuye nisasaggana ḵan Satan ya da bubuḵ-unona.

Matthew 3:10

Sa mipaniyan ni madusaanyu, isun ni wasaye nisasagganae ampoḵpoḵ atte ḵayu ya losane ḵayu we adipun amunga'ḵ ambaḻu mapoḵpoḵda ya miballuda'tte apuy.

Matthew 3:12

Naḵasaganae anguwis atta tagu ḵad mipani anḵuḵuwisna'tte tagu we naḵasaganae antopa si de wheat. Sa bogas ni de wheat, dagupona ya igappotna'tte aḻangna. Yaḵon sa losane dugi, aminona aḻan ya soggona'tte apuye adipun masobsoban.”

Matthew 8:29

Inadanida ḵad aḵ Jesus, napapḵaawda woḵ ḵananda ḵan siya, “Siḵae Abeng Apudyus, Anii! Ngaipaḵa umali ḵan diḵani? Ummaliḵa ḵamman sina ta inḵa diḵani dusaon si daampun dumatong ustu we timpu?”

Luke 16:24

Pune sadi nampoḵaw woḵ ḵanana, ‘Ama Abraham, ḵadaguwanaḵ ḵappos ta ibuunnu'ḵ Lazarus ta ilinongna tammuduna'tte danum ta itodtodna si delaḵ ta matungninan. Te annan ummamdan ampaḵaḻamaḵ si apuy.’

Luke 19:27

Yaḵon nu mipanggob os atta ḵabusuḻḵu we adi maḻyad ḵan saḵon aḵ an-arida, idatongyu dida sina ta gongatonyu dida si sinagungḵu.’ ”

Luke 21:26

Ḵade sadi, maalimudong ya mapittuwaḵ da tagu'tte ḵimutda si anguuwayanda'tte maḵwa'tte lubung te mayugayug da losane awad ad langit.

Luke 23:30

Te sa sanate timpu, ḵodawon da tagu'tta beleg ḵanane, ‘Magday ḵayu ta mabumbunan ḵani.’

John 5:29

umulida ya lumoswada'tta libonda. Ḵad da nangwa'tta ambaḻu, umulida ta maittanda'tte biyag aḵ inggana. Yaḵon da nangwa'tta lawweng, umulida ta maḵoddonganda madusa'ḵ inggana.

Hebrews 12:25

Ilanyu ta adiyu idiyan aḵ Apudyus we an-ugud. Te nu adipun niligsi da adipun nandongoḻ atta bagbagana sina'd luta, ngai inon taḵu we angiligsi si dusa nu idiyan taḵu namagbaga ḵan didae naḻpu'd langit?

Hebrews 12:29

Te aḵ Apudyus we daydayawon taḵu, nu dusaona da tagu isun ni apuye dagadagona losan.

Hebrews 2:3

Pun ngai inon taḵu we angiligsi'tte madusaan taḵu nu adi taḵu patgan sanae nakaskasdaawe inonae anagu ḵan ditaḵu? Aḵ Apu Jesus we mismu ummunae nangipaigammu si mipanggob atte mataguwan taḵu. Ḵad da nangngoḻ atta tuttuduna, dida nangipaigammu ḵan ditaḵu'tta dingngoḻdae ḵatuttuwaan.

Hebrews 9:27

Niḵoddonge amingsan tagu matoy, magangput ḵad, maḵuwis ḵan Apudyus.

James 5:3

Naḻatiyan da buḻawan ḵan pilaḵyu ḵad sa latida angipanoḵnoḵe misullagi ḵan diḵayu ya isun di apuye soggona long-agyu. Nanonson ḵayu'ḵ binaḵnang si madam-an anungus ni aḻgaw.

Revelation 20:15

Ḵad ngaimane adipun nigili ngadanna'tte iblu we nigiliyan da ngadan da awad da biyagda'ḵ inggana, niballuda si igaw ni gumilgillayabe apuy ḵan sulfur.