Hebrews 10:22 - Sa Ugud Apudyus

²² Umadani taḵu ḵan Apudyus we sipupusu ya antaḻgod pammati taḵu ḵan siya, ḵad pummoḻḵas da somsomoḵ taḵu'tta lawweng te isun di nawaḻsiyan taḵu si daḻan Kristu ya nadaḻusan da long-ag taḵu si an-imlonge danum.

Hebrews 10:22 ပူးပေါင်းရင်းမြစ်များ

Matthew 3:11

“Bonyagaḵ diḵayu'tte danum aḵ angipailae nambabawi ḵayu'tta basuḻyu ya agayyu we angwa. Yaḵon sa dumatonge miyun-unud ḵan saḵon, bonyagana diḵayu si Ispiritu Santu ya sa apuy. Nangatngatu nu saḵon ya gapu si ḵinangatuna, naippun labbongḵu we angaptin atte sandalna.

Luke 1:1

Madaydayawe Theophilus, Adu da tagu we nangipapangoge nangigili'tta losane naḵwa ḵan diḵani'ḵ mituttuwaan da imbagan Apudyus.

John 3:5

Ḵanan Jesus, “Ibagaḵ ḵan siḵa ḵatuttuwaan, adipun maḵwae midoga tagu si ampangatan Apudyus nu adi miyanaḵ atte danum ya sa Ispiritu Santu.

John 8:9

Dingngoḻda ḵad ay insongbat Jesus, nasin-ossadae ummoyon, ummuna da anḵamaḻong-ag. Pun ummabus aḵ Jesus ya sa bubai ye sisiḵad.

Acts 22:16

Sinsadi, ngai bos uwayom? Lumibbatḵa ta inḵa pabonyag ḵad iluwaḻum ḵan Apudyus ta pakawanona da basuḻnu mipagapu'tte anḵodawam aḵ ḵadagu ḵan Apu.’

Acts 8:21

Ippun biyangnu'tte ḵewaaḻni te daḵampun aḵ ustu ansosomsomoḵnu si sinagung Apudyus.

1 Corinthians 6:11

Sa awe, ḵaḵnat ḵoḵoḵḵon da udum ḵan diḵayu. Yaḵon sinsana pummoḻḵas ḵayu'tta losane basuḻyu ya intotoḵḵon Apudyus diḵayu'ḵ taguna ya siya angwa si maun-unanyu mipagapu'tte ḵabooḻan Apu Jesu Kristu ya sa Ispiritun ni Apudyus taḵu.

2 Corinthians 7:1

Susunudḵu ḵan Kristu we ay-ayatoḵ, gapu'tta sanae inkarin Apudyus ḵan ditaḵu, iginoḵ taḵu we angwa'ḵ lawweng ya iginoḵ taḵu we ansomsomoḵ aḵ lawweng. Sa matattaguwan taḵu, isipog taḵu'ḵ Apudyus ta bumaḻubaḻu naapudyusane antatagu taḵu.

Ephesians 3:12

Pun maḵwa antuḻod taḵu we umadani ya alluwaḻu ḵan Apudyus mipagapu'tte niyossaanan taḵu ḵan Kristu Jesus ya sa pammati taḵu ḵan siya.

Ephesians 5:26

ta itotoḵḵon ditaḵu we namati'ḵ taguna gapu ta pinapoḻḵasna ditaḵu'tte danum ya sa Ugud Apudyus.

Ephesians 6:5

Ḵan diḵayu we musassu, tuttuwaonyu oḵyan da ap-apuwonyu sina'd luta. Patganyu ḵan dayawonyu oḵyan didae maḻpu'tta pusuyu ya ipapuutyu we angwa'tta paḵwada ḵan diḵayu we isun ni ḵoonyu nu aḵ Apu Jesu Kristu angibaga ḵan diḵayu.

1 Timothy 4:2

Sa annae tuttudu, naḻpu'tta ḵapappailae tagu we adipun ansigab somsomoḵda nu antultullida te ummingsadae antultulli.

Titus 3:5

tinaguna ditaḵu. Daḵampun aḵ gapu'tta naun-unane ḵingwa taḵu nataguwan taḵu, nu adi gapu si ḵummadaguwana. Tinaguna ditaḵu'tte namapoḻḵasana'tta basuḻ taḵu ḵad isun di niyanaḵ taḵu ḵasin ya naittan taḵu'ḵ baru we biyag gapu'tte ḵabooḻan ni Ispiritu Santu.

Hebrews 10:1

Sa Lintog ḵad Moses aniniwan da ambaḻu we banage dumatong, daḵampun aḵ tuttuwae ḵais-isun da annae ḵatuttuwaan. Pun taḵon ay tinawone pagapagatupan da andaydayaw ḵan Apudyus we angidatun si imbilin ni lintog, adipun maḵwae ambalin da tagu'ḵ ippun angkuranganda mipagapu'tta datun.

Hebrews 10:19

Pun susunudḵu ḵan Kristu, napuḵayan taḵu we lumnoḵ si tuttuwae igaw Apudyus we isun ni Ḵasantuwane Kuwartu atte tulda si awe te napakawan da basuḻ taḵu mipagapu ḵan Jesu Kristu we natoy para ḵan ditaḵu si pummoy-asan ni daḻana.

Hebrews 11:28

Gapu'tte pammatina, insaḻadna Gayagayae ngannonda Nallausan. Pun binilinna da buḻunnae Judyu we waḻsiyanda si daḻan ni karnero da ngatun da onob da boḻoyda ta lumaus ḵad anghel ni ḵatoy adinapun gongaton da panguḻu we abenge laḻaḵi.

Hebrews 12:24

Pun ummadani taḵu ḵan Jesus we angiyugud si Baru we Tuḻag ḵan Apudyus ya pummoy-as daḻanae angipaigammu si nabaḻbaḻu we banag nu sa daḻan Abel.

Hebrews 4:16

Ḵad antaḻgod taḵu we umadani alluwaḻu ḵan Apudyus we ampangat ad langit gapu'tte ḵinabaḻuna ta awaton taḵu ḵadagu ḵan ḵinabaḻu ḵan siyae bumadang ḵan ditaḵu si timpu we anḵasapuḻ taḵu.

Hebrews 6:11

Ḵad sa pionni, sin-ossaossa ḵan diḵayu ipapatiyu pagatupan namnamayu ta laḵ-amonyu'ḵ inggana si anungusna.

Hebrews 7:19

Sa sanae lintog Moses ippun ḵabooḻanae ambalinona da tagu'ḵ maun-unan. Pun sinsadi, naatod ḵan ditaḵu nabaḻu we namnamae maḵwae umadaniyan taḵu ḵan Apudyus.

Hebrews 9:10

Yaḵon da annae tuttudu abuse mipanggob atta maḵan, mainum ya da kalasin da inon taḵu we amapoḻḵas si long-ag. Losan atta anna ḵasapuḻane mituttuwada inggana'ḵ dumatong timpu we baliwan Apudyus da losan.

Hebrews 9:19

Te ginangput ḵad Moses impaigammu da bilin ni Lintog Apudyus atta tagu, nangaḻa'tte daḻan ni ubbun di baḵa ya sa daḻan ni kalding woḵ inḵamosna si danum. Pun nangaḻa'tte pangan ni hyssop woḵ intaḵodna dilaage dutdut ni karnero woḵ niwaḻsiyana iblun ni lintog ya da losane tagu.

James 1:6

Yaḵon nu alluwaḻu ḵayu, ḵasapuḻane amati ḵayu ḵan adi ḵayu anduwaduwa te ngaimane anduwaduwa isuna tupiyaḵ atte baybaye ipappaulin ni bibbid.

James 4:8

Umadani ḵayu ḵan Apudyus woḵ umadani bos ḵan diḵayu. Diḵayu we ḵabasbassuḻan, papoḻḵasonyu da antataguyu ya diḵayu bose anduwaduwa, isisimoḵyu we angunud ḵan Apudyus.

1 Peter 1:2

Pinilin Apudyus we Ama diḵayu mibatay si gagangaye inigammuna woḵ intotoḵḵon diḵayu'ḵ taguna ta bumaḻu ugaliyu mipagapu'tte Ispiritu Santu ta tumuttuwa ḵayu gapu si amatiyanyu ḵan Jesu Kristu ya pumoḻḵas ḵayu mipagapu'tte daḻana si natoyana. Awad oḵyan ḵan diḵayu amode ḵinabaḻu ḵan lin-awae maḻpu ḵan Apudyus.

1 Peter 3:21

Sa sadi ye danum, mipani si bonyag. Gapu'tte nampabonyaganyu, taguwon Apudyus diḵayu'tte mipagapu si ummuliyan Jesu Kristu. Ḵad sa bonyag, daḵampun aḵ sa naamosan ni long-agyu ta maḵaan ḵaissaw nu adi sa alluwaḻuwanyu ḵan Apudyus ta daḻusana da somsomoḵyu.

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.