Hebrews 1:8 - Sa Ugud Apudyus

⁸ Yaḵon ḵanana si mipanggob si Abengna, “Siḵa Apudyus, ampangatḵa'ḵ inggana! Ḵad naun-unan inome ampangat.

Hebrews 1:8 ပူးပေါင်းရင်းမြစ်များ

Matthew 1:23

“Baag-en, mabugi babaḻasange ippun natnattoḵana. Umanaḵ aḵ laḻaḵi ḵad mangadanan aḵ Emmanuel.” Sa piona ugudon, “Anna ḵan ditaḵu'ḵ Apudyus.”

Luke 1:75

Ta ambaḻu ugali taḵu ya unudon taḵu maun-unane antatagu we piniona inggana'ḵ matoy taḵu.”

John 10:30

Saḵon ya aḵ Amaḵ, ossaan ḵani.”

John 10:33

Ḵanan da Judyu we summongbat, “Daḵampun atta ambaḻu we ḵingwam amatuwanni ḵan siḵa nu adi sa nangiyisuwam si long-agnu ḵan Apudyus te taguḵae abus ya nambalinom long-agnu'ḵ Apudyus.”

John 20:28

Summongbat aḵ Thomas ḵan siya woḵ ḵanana, “Apuḵ ḵan Apudyusḵu!”

Romans 9:5

Ḵad dida bos ganaḵ da ampapatoge tagun Apudyus si awe. Dida da iyIsrael we naḻpuwan Kristu. Siya angipangat atta losan ya siya Apudyus we madaydayaw aḵ inggainggana! Amen.

1 Corinthians 15:25

Te ḵasapuḻane ampangat aḵ Kristu inggana'ḵ oḻgona da losane ḵabusuḻna.

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

2 Peter 1:11

Ḵad allaylayad os aḵ Apudyus we amaḻonoḵ ḵan diḵayu si annanayune ampangatan Jesu Kristu we Apu taḵu ya Anagu ḵan ditaḵu.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.