Hebrews 1:4 - Sa Ugud Apudyus

⁴ Nu tumuḵdu Abeng Apudyus atte madawinannae ampangat, sana amanoḵnoḵe nangatngatu nu da anghel ya madaydayaw ngadanna nu dida.

Hebrews 1:4 ပူးပေါင်းရင်းမြစ်များ

Ephesians 1:21

Sidi ampangatana sinsana ḵad nangatngatu'ḵ adayu ḵabooḻana nu da anna ḵaḻabbonganda ḵan ḵabooḻanda ya da ngadan da ngaimane pangat si annae lubung ya da losane adipun maila'd langite awad de ampangatanda. Naippun paat nangatngatu nu siya sinsana ya sa umali ye timpu.

Colossians 1:18

Siya isun di uḻu taḵu we namati, ḵad ditaḵu isun di long-agna. Ḵad siya bos maḻpuwan ni mataguwan taḵu te siya panguḻu we Abeng Apudyus we ummuli ta ambalin aḵ ḵangatuwan atta losan.

Colossians 2:10

Ḵad gapu si niyossaananyu ḵan Kristu we pangat da losane pangat ya ḵaḻabbongan, naatod da losane awad ḵan diḵayu ta ippun angkuranganyu.

2 Thessalonians 1:7

Sa sadi bose timpu, paginḵon Apudyus da ampaḵaḻaman taḵu we sana. Ḵoona da sana nu ampaila'ḵ Apu Jesus atte umaliyana ḵasine maḻpu'd langite buḻunna da maḵabooḻe anghelna.

Hebrews 1:9

Allaylayadḵa nu ilam da tagu we ḵoonda da naun-unan ya andadauyḵa nu ilam didae angwa'ḵ lawweng. Pun sa Apudyusnu, dinutuḵana siḵa'ḵ maittan aḵ dayaw ḵan amode layad nu da buḻunnu.”

Hebrews 12:17

Inigammuyu we naabus ḵad sadi, piona pagaye tawidon bindisyun amana yaḵon indiyan amana. Te adipun maḵwae pasantan nagagangpute naḵwa, taḵon ay ummibil si piona oḵyan tawidon bindisyun.

Hebrews 2:9

Inigammu taḵu we nituttuwa anna gapu ḵan Jesus. Te nipababaḵ sin-aḵitan nu da anghel ta mapadasana matoy para ḵan ditaḵu losan mipagapu si ḵinabaḻun Apudyus. Pun sinsadi gapu si nampaḵaḻamana ya natoyana, amo pinadayawam ya pinatgame isun ni patog ni ari.

1 Peter 3:22

Nipauli'ḵ Kristu ad langit woḵ awad si madawinan Apudyus we maḵapangat ḵan siya ya ipangatana da losane anghel ya da udume adipun mailae ḵingwanae awad de saadda ḵan ḵabooḻanda.