Hebrews 1:3 - Sa Ugud Apudyus

³ Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

Hebrews 1:3 ပူးပေါင်းရင်းမြစ်များ

Matthew 22:24

Ḵananda ḵan siya, “Mistulu, annaya intuttudun Moses si awe. Nu awad laḻaḵi'ḵ angasawa ya natoye ippun abengda, ḵasapuḻane asaw-on os ni sunudna baḻu. Ḵad nu awad abengda, mibelang aḵ abeng ni natoy.

Mark 16:19

Nagangput ḵad da imbagan Apu Jesus ḵan dida, nipangatu'd langit woḵ tummuḵdu'tte madawinan Apudyus.

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

John 1:29

Mabigat ḵad, innilan John aḵ Jesus we annate umali woḵ ḵanana, “Ilanyu! Annaya Karneron Apudyus we innatodna'ḵ midatun ta angaan atta basuḻ da tagu'tte lubung.

John 1:4

Siya naḻpuwan ni biyag ya sa sanae biyag siya anilaw atta somsomoḵ da tagu.

Acts 2:33

Nipangatu'ḵ Jesus atte madawinan Apudyus woḵ innatod Amana ḵan siya ḵaḻabbongane angitod ḵan diḵani si Ispiritu Santu we inkarina ya imbuunna ḵan diḵani ta ilanyu ḵan dongngonyu da ḵingwan ni Ispiritu Santu.

Acts 7:56

Pun ḵanana, “Ilanyu ḵad! Ilaḵ ad langite nabuḵtan ya sa Abeng Di Tagu we naḻpu'd langite niyanaḵ sina'd lutae sisiḵad atte madawinan Apudyus.”

Romans 1:16

Adiḵpun ibaine angiwaḻagawag atte Ambaḻu we Damag te siya Ugud Apudyus we maḵabooḻ anagu'tta losane amati, umuna'tta Judyu ya asiyot da Gentil.

Romans 8:34

Ngai ḵad ain maḵwae angoddong ḵan ditaḵu'ḵ madusa? Naippun te aḵ Jesu Kristu natoy woḵ ummuli. Pun siya tutuḵdu si madawinan Apudyus we maḵapangat ya angiyugud ḵan ditaḵu.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

Colossians 3:1

Gapu ta nidoga ḵayu si ummuliyan Kristu, singtonyu da banage awad ad langit si igaw Kristu we tutuḵdu si madawinan Apudyus we maḵapangat ḵan siya.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Hebrews 1:13

Ḵad naippun nangibag-an Apudyus atta anghelna'tte isun ni annae imbagana'tte Abengna we ḵanana, “Tumuḵduḵa'tte madawinanḵu we ampangat inggana'ḵ oḻgoḵ da ḵabusuḻnu.”

Hebrews 10:12

Yaḵon aḵ Kristu, namingpingsane indatunna long-agna para'tta basuḻ taḵu'ḵ inggana. Nagangput ḵad, tummuḵdu si madawinan Apudyus.

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.

Hebrews 4:14

Pun gogomgoman taḵu pammati taḵu te aḵ Jesus we Abeng Apudyus siya maḵabooḻe ḵangatuwane padi taḵu we ummoy ḵan Apudyus ad langit.

Hebrews 7:27

Daḵampun aḵ isun da udume ḵangatuwane papadi ye inaḻgawe andatun ḵan Apudyus, gapu'tte basuḻna ya da basuḻ da tagu. Yaḵon aḵ Jesus, namingpingsane indatunnae mismu long-agna ḵad lamogna'ḵ bayad da basuḻ da tagu'ḵ inggana.

Hebrews 8:1

Annaya pionni ye ibaga: Awad de ḵangatuwane padi taḵu we tutuḵdu si madawinan ni tronon Apudyus we ḵangatuwan ad langit ya maḵapangat ḵan siya.

Hebrews 9:16

Nu awad inggilin ni osae tagu'ḵ ḵasuḻatan mipanggob atta tawid, naippun maḵaaḻa si tawidna inggana'ḵ mapanoḵnoḵane natoy nangwa si sadi ye ḵasuḻatan.

Hebrews 9:26

Te nu ḵatti ḵingwana, iḵasiḵasinna ampaḵaḻam inggan ni naḵwaan ni lubung. Yaḵon sa anungus ni timpu namingsan ummali'ḵ Kristu si annae lubung ta ḵaanona da basuḻ da tagu si nangidatunana si mismu we long-agna.

1 Peter 1:21

Mipagapu ḵan siya, antaḻgod ḵayu ḵan Apudyus we nanagu ḵasin ya nangipangatu ḵan siya. Ta sa pammatiyu ḵan namnamayu awad ḵan Apudyus.

1 Peter 3:22

Nipauli'ḵ Kristu ad langit woḵ awad si madawinan Apudyus we maḵapangat ḵan siya ya ipangatana da losane anghel ya da udume adipun mailae ḵingwanae awad de saadda ḵan ḵabooḻanda.

2 Peter 1:16

Te sa impaigammuni ḵan diḵayu mipanggob si ḵabooḻan Apu taḵu we Jesu Kristu ya sa ḵasinna umaliyan, adinipun imbatay atta daḵampun aḵ tuttuwae ug-uggud da nalalaing ḵan nasiḵape tagu. Te diḵani ye mismu nangila si ḵinangatuna ya sa ḵinaapudyusna.

2 Peter 1:17

Te diḵani da buḻunna'tte beleg Apudyus si nangidayawan ya nangipatogan Apudyus we Ama ḵan siya ya sa nangipail-ana si sumilisilinge ḵinaapudyusna. Dingngoḻni ye mismu gingan ni maḵabooḻe Apudyus we naḻpu'd langite ḵanana, “Annaya ay-ayatoḵe Abengḵu we mas-omaḵ.”

1 John 1:7

Yaḵon nu sissiyae mabiyag taḵu'tte paddae isun Apudyus we anna'tte padda, maḵabuḻbuḻun taḵu'tta doga taḵu we namati ḵad pumoḻḵas losan da basuḻ taḵu gapu'tte daḻan Jesus we Abengna.

1 John 3:5

Igammuyu we ummali'ḵ Kristu ta ḵaanona da basuḻ te siya ḵad naippun paat basuḻna.

Revelation 3:21

Da tagu we angngog si lawweng, ittaḵ dida'ḵ ḵaḻabbongane maḵatuḵdu ḵan saḵone ampangate isun ni nangngogaḵ ḵan Satan woḵ naḵatuḵduwaḵ ḵan Amaḵ atte tronona.

Revelation 4:11

“Siḵa Apu we Apudyusni, ḵaḻabbongame awaton dayawni, ḵinapatogni ya bigbigonni ḵabooḻam. Te siḵa nangwa'tta losan. Ḵad gapu'tte panggobnu, naḵwada ya matattaguda.”