Hebrews 1:1 - Sa Ugud Apudyus

¹ Sa awe adu we timpu ḵan nansabasabali inon Apudyus we nan-ugud atta danaḵḵoḻ taḵu mipagapu'tta profetanae an-uuggudona.

Hebrews 1:1 ပူးပေါင်းရင်းမြစ်များ

Luke 1:55

On, ḵummadagu tuwa atta danaḵḵoḻe ummunae aḵ Abraham we ama, ya da ganaḵna'ḵ inggana.”

Luke 1:72

Pune sadi, mituttuwa inkarin Apudyus atta danaḵḵoḻ taḵu we mipanggob si ḵadaguna, ya aaddi ye ituttuwana ḵabaḻuwane intuḻagna ḵan dida,

Luke 24:27

Pun impaḵaawat Jesus ḵan dida da losane nigili'tte Ugud Apudyus mipanggob si long-agna, nisaḻad atte umunae iblun Moses inggana'tta losane inggilin da profetan Apudyus.

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

John 16:13

Nu umali Ispiritu Santu we angituttudu si ḵatuttuwaan mipanggob ḵan Apudyus, idaḻanna diḵayu ta maawatanyu da losane ḵatuttuwaan te adipun an-ugud atte ḵuwanae ḵaḻabbongan yaḵon ngaimane dongngona siya ugudona. Ḵad ipaigammuna ḵan diḵayu da maḵwa si umali ye aḻgaw.

John 7:22

Innatod Moses lintoge inawatna'tta danaḵḵoḻnae ḵasapuḻane sogyatanyu abengyu we laḻaḵi si ḵumawaḻu we aḻgaw. Pun nu niyaspuḻ ḵumawaḻu we aḻgaw ni abeng atte umillongan, isunae sogyatanyu.

John 9:29

Igammuni ye naḵaugud aḵ Apudyus ḵan Moses. Yaḵon aḵ Jesus ḵad, ippun igammuni si naḻpuwana.”

Acts 13:32

“Anna ḵani sina ta ibagani ḵan diḵayu Ambaḻu we Damag we inkarin Apudyus atta danaḵḵoḻ taḵu.

Acts 2:30

Gapu ta osae profetan Apudyus, inigammuna gattoḵe inkarin Apudyus ḵan siyae awad de osae ganaḵnae iggana si tronona.

Acts 28:23

Pun imbagada aḻgawe andaḵdaḵnganda. Dummatong ḵad sadi ye aḻgaw, aduadu da tagu we ummoy si inggawan Paul. Pun insaḻadna'tte bigbigat inggana'ḵ lummabi ye nangipaḵaawat ya nangipanoḵnoḵ si mipanggob atte ampangatan Apudyus. Impadasna inawis dida ta amatida ḵan Jesus atte nangiwaḻagawaganna'tte lintog Moses ya da inggilin da udume profetan Apudyus.

Acts 3:21

Ḵasapuḻane inggaw aḵ Jesus ad langit inggana'ḵ dumatong timpu we pabaruwon Apudyus da losan te siya inkarina mipagapu'tta profetanae nanserbi ḵan siya si awe.

Hebrews 11:18

taḵon ay nu imbagan Apudyus ḵan siya ḵanane, “Da abeng Isaac mibelang aḵ ganaḵnu.”

Hebrews 11:2

Gapu si pammatin da danaḵḵoḻ taḵu si awe, inawatdae inon-onan Apudyus dida.

Hebrews 12:25

Ilanyu ta adiyu idiyan aḵ Apudyus we an-ugud. Te nu adipun niligsi da adipun nandongoḻ atta bagbagana sina'd luta, ngai inon taḵu we angiligsi si dusa nu idiyan taḵu namagbaga ḵan didae naḻpu'd langit?

Hebrews 2:2

Napanoḵnoḵane tuttuwa da bilinnae impaigammun da anghel si awe ya ngaimane adipun tummuttuwa, nilaḵ-amda dusae ustu baḵon nu mibagay.

Hebrews 2:3

Pun ngai inon taḵu we angiligsi'tte madusaan taḵu nu adi taḵu patgan sanae nakaskasdaawe inonae anagu ḵan ditaḵu? Aḵ Apu Jesus we mismu ummunae nangipaigammu si mipanggob atte mataguwan taḵu. Ḵad da nangngoḻ atta tuttuduna, dida nangipaigammu ḵan ditaḵu'tta dingngoḻdae ḵatuttuwaan.

Hebrews 3:5

Aḵ Moses tuttuwae mataḻgodane sammilu we nanserbi'tta losane tagu we namati ḵan Apudyus. Ḵad taḵdoḻana da banage ipaigammun Apudyus we maḵwa si umali ye aḻgaw.

Hebrews 4:8

Te nu impuyut Joshua da danaḵḵoḻ taḵu si sadi ye umillongane inkarin Apudyus, adimpun oḵyan Apudyus imbagae awad de sabali ye umillongan.

Hebrews 5:5

Isuna bos ḵan Kristu we daḵampun aḵ intaḻayagna long-agna'ḵ ambalin aḵ ḵangatuwane padi. Yaḵon aḵ Apudyus dinutuḵanae mismu ya siya bos nangibaga ḵan siya ḵanane, “Siḵa Abengḵu, inggana sinsadi saḵon Amam.”

Hebrews 9:19

Te ginangput ḵad Moses impaigammu da bilin ni Lintog Apudyus atta tagu, nangaḻa'tte daḻan ni ubbun di baḵa ya sa daḻan ni kalding woḵ inḵamosna si danum. Pun nangaḻa'tte pangan ni hyssop woḵ intaḵodna dilaage dutdut ni karnero woḵ niwaḻsiyana iblun ni lintog ya da losane tagu.