Galatians 6:14 - Sa Ugud Apudyus

¹⁴ Yaḵon ḵan saḵon, ippun udum aḵ isḵaḻḵu, abus natoyan Jesu Kristu we Apu taḵu'tte kros te gapu si sanate natoyana, da patpatgon da tagu we adipun amati ippun patogda ḵan saḵon ya ippun os patogḵu ḵan dida.

Galatians 6:14 ပူးပေါင်းရင်းမြစ်များ

Luke 20:16

Dumatong ḵad, gongatona dida ya impaayyuwanna'tta udume tagu mumuḻḻaan atta de grape.” Dingngoḻ ḵad da tagu sana, ḵananda, “Adi oḵyan maḵwa da ḵaḵna!”

Romans 1:16

Adiḵpun ibaine angiwaḻagawag atte Ambaḻu we Damag te siya Ugud Apudyus we maḵabooḻ anagu'tta losane amati, umuna'tta Judyu ya asiyot da Gentil.

Romans 6:2

Adipun maḵwa! Te naabuse natoy taḵu mipanggob atte basuḻ, ngai inonae sissiya taḵu we bumasubasuḻ?

Romans 6:6

Igammu taḵu we sa dadaane ḵinatatagu taḵu nidoga nipattoḻ atte kros ta madadail amaamay taḵu we angwa'ḵ basuḻ ḵad daḵantaḵupun ogon aḵ ammusassun ni basuḻ.

1 Corinthians 1:23

Yaḵon siya iwwaḻagawagni mipanggob atte natoyan Kristu atte kros ḵad siya nisubuḵan da Judyu ya dinodong-og atta Gentil.

1 Corinthians 15:58

Pun susunudḵu ḵan Kristu we ay-ayatoḵ, popotpotanyu da pammatiyu ya adi oḵyan magitot. Ḵad ipapatiyu bose angwa'tta ngaimane pinion Apudyus paḵwa ḵan diḵayu te igammu taḵu we losane ḵoon taḵu we para ḵan siya adipun matangga.

1 Corinthians 2:2

Te simsimmoḵḵu we sa inninggawaḵ ḵan diḵayu, naippun udum aḵ intuttuduḵ yaḵon abus mipanggob ḵan Jesu Kristu ya sa nipattoḻana'tte kros.

1 Corinthians 3:21

Pun ippun oḵyan osa'ḵ isḵaḻna ḵaḻabbongan di tagu te ḵuwayu da losane awad ḵan diḵayu.

2 Corinthians 11:12

Ḵad pagapagatupaḵ ḵoon ḵaḵna ta ippun wayan da awad sinate apostolyu we angiyisḵaḻ atte mipanggob si ḵewaaḻda ḵan an-isu ḵoonda si ḵoonni.

Galatians 1:4

we nangitod si long-agna'tte natoyana ta mapakawan da basuḻ taḵu. Ḵingwana sadi ye mibatay si pinion Apudyus we Ama taḵu ta matagu taḵu ḵan mapuḵayan taḵu ta adi taḵu igunay ya adi taḵu ansomsomoḵ atta isun da ḵoḵoḵḵon da tagu si sanae timpu.

Galatians 2:17

Pun namnamaon taḵu we aḵ Apudyus angwa si maun-unan taḵu gapu'tte niyossaanan taḵu ḵan Kristu. Yaḵon da udume Judyu, ibelang ditaḵu'ḵ ḵabasbassuḻane tagu gapu'tte pammati taḵu ḵan Kristu ya aditaḵupun unudon lintogda ta maun-unan taḵu si antotollong Apudyus, piona ḵad ain ḵanane aḵ Kristu gapun ni maḵabasuḻan da tagu? Daḵampun paat!

Galatians 2:19

Te gapu si lintoge adiḵpun lamog unudon, inigammuḵe naḵoddonganaḵ aḵ matoy ya misinaaḵ ḵan Apudyus. Pun ibelangḵu we natoyaḵ mipanggob atte lintog ta mataguwaḵ para ḵan Apudyus.

Galatians 2:20

Te mibelange naḵaḵatoyaḵ ḵan Kristu atte kros. Pun sinsadi, daḵampun ogon aḵ saḵon matattagu yaḵon aḵ Kristu we anna ḵan saḵon. Sa biyagḵu sinsadi, matattaguwaḵ si pammati atte Abeng Apudyus we nangayat ḵan saḵon ya nangitod si biyagna gapu ḵan saḵon.

Galatians 3:21

Piona ḵad ain ugudone misullagi lintog atta inkarin Apudyus? Naid! Adipun maḵwa! Adidapun misullagi, abus nansabali da panggob Apudyus we nangipaigammu ḵan dida. Te nu innatodna oḵyan lintoge maḵwae angitod si biyag aḵ inggana, maḵwa maun-unan da tagu gapu si anuttuwaanda'tte sadi ye lintog.

Galatians 5:24

Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros.

Philippians 3:18

Te adu da ḵabusuḻ Kristu we angngesnges-elanda natoyana'tte kros gapu'tta antataguda. Nangampigae imbagaḵ sana ḵan diḵayu si awe yaḵon iḵasinḵu ibagae sana ya maḵaluwaaḵ si somsomḵoḵ mipanggob ḵan dida.

Philippians 3:3

Yaḵon sa ḵatuttuwaan ditaḵu ibelang Apudyus aḵ tuttuwae taguna daḵampun ḵan dida te ditaḵu ḵad dayawon taḵu'ḵ Apudyus si ḵabooḻan ni Ispirituna. Allaylayad taḵu bos gapu'tte taḻgod taḵu ḵan Jesu Kristu. Ḵad adi taḵu bos antaḻgod atta ngaimane ḵoḵoḵḵon taḵu'tte long-ag taḵu we anagu ḵan ditaḵu.

Colossians 2:20

Nu naḵaḵatoy ḵayu ḵan Kristu, napuḵayan ḵayu'tta biline ḵingwan da tagu sina'd luta. Pun ngaipa sissiyae unudonyu da ug-ugalin da tagu si annae lubung mipanggob atta lawwenge ispiritu? Ḵad ngaipayu tuttuwaon da bilindae isun da anna: