Galatians 6:13 - Sa Ugud Apudyus

¹³ Te taḵon ay didae nasogyatan, adidapun tuttuwaon da lintog Moses yaḵon piondae ampasogyat ḵayu ta awad isḵaḻdae nampasogyat ḵayu'tte gapu ḵan dida.

Galatians 6:13 ပူးပေါင်းရင်းမြစ်များ

Matthew 23:15

“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te andoḻdoḻmang ḵayu'tta baybaye umoy atta adayu we ili ta awad awisonyu'ḵ taḵon ay ossaan ta ambalin aḵ disipuluyu. Ḵad nu gangputonyu tuttuduwan sadi ye tagu, nambalin aḵ lawwelawweng ḵad amo madusa'd infiernu nu sa madusaanyu.

Matthew 23:23

“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te ittonyu ḵasimpuḻun ni apityu ḵan Apudyus, taḵon ay da muḻae amapiya'tta tipoy. Yaḵon adiyupun tuttuwaon ḵapatogane biline ituttudun ni lintog, isun da angwaanyu'tta maun-unan atta asintataguyu, ḵumadagu'tta asintataguyu ya mataḻgodan ḵayu. Ḵasapuḻane ḵoonyu da anna ḵad adiyu bos maliwatan da udum.

Matthew 23:3

Pun ḵasapuḻane tuttuwaonyu ḵan unudonyu da losane ituttududa, yaḵon adiyu ḵoon da ḵoḵoḵḵonda te adidapun ḵoone mismu ḵan unudon da ituttududa.

Luke 5:38

Yaḵon ḵasapuḻane ibilung oḵyan inabuyu si baru we geddange bibillungan.

1 Corinthians 3:21

Pun ippun oḵyan osa'ḵ isḵaḻna ḵaḻabbongan di tagu te ḵuwayu da losane awad ḵan diḵayu.

1 Corinthians 5:6

Daḵampun aḵ ambaḻu ansoḵaḻ ḵayu. Adiyupun ḵamman igammu we sa poose yeast pabotaḻona losan niḵamsanae arina?

2 Corinthians 11:18

Yaḵon gapu ta adu da angiyisḵaḻ atta long-agda, ansoḵaḻaḵ os.

Philippians 3:3

Yaḵon sa ḵatuttuwaan ditaḵu ibelang Apudyus aḵ tuttuwae taguna daḵampun ḵan dida te ditaḵu ḵad dayawon taḵu'ḵ Apudyus si ḵabooḻan ni Ispirituna. Allaylayad taḵu bos gapu'tte taḻgod taḵu ḵan Jesu Kristu. Ḵad adi taḵu bos antaḻgod atta ngaimane ḵoḵoḵḵon taḵu'tte long-ag taḵu we anagu ḵan ditaḵu.

2 Peter 2:19

Ikaridae mapuḵayan da sanae tagu nu unudonda da ituttududa. Yaḵon sa ḵatuttuwaan, didae mismu musassu'tta basuḻe angaissaw ya anadail ḵan dida. Te sa tagu, ambalin aḵ musassu si ngaimane angngog ḵan siya.