Galatians 6:12 - Sa Ugud Apudyus

¹² Da angipatute ampasogyat ḵayu, dida da maḻyad angipaila si ḵinabaḻuda'tte antotollong da tagu. Ipatutda sadi te adidapun pione ampaḵaḻamda. Te igammudae nu ituttududae umanay natoyan Kristu'tte kros, ampaḵaḻamon da buḻunda dida.

Galatians 6:12 ပူးပေါင်းရင်းမြစ်များ

Matthew 23:27

“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te siya iissuyu da libone napintuḻan aḵ itaḵ, ḵad ambaḻubaḻu ḵatollonganda'k lasin. Yaḵon ad daḻom, napnuda'tta tung-aḻ da nanḵaḵatoy ya da losane ḵaḵaissawan.

Matthew 23:28

Sanat iissuyu we sa ḵatollonganyu'tta tagu, naun-unan ḵayu. Yaḵon ad daḻom si somsomoḵyu, napnu si ḵapappaila ya adiḵayupun tumuttuwa'tta pinion Apudyus.”

Matthew 23:5

Losane ḵoonda, ḵoonda ta angitollongan da tagu ḵan dida. Te da udum, padaḵoḻonda iiggaan da ḵopele nagiliyan si Ugud Apudyus we imbaḻangatda'tta ḵidayda baḵon nu intaḵodda'tta taḵḵayda. Ḵad piondae alliḵliḵwose ansisillup atta langgoyod.

Matthew 5:10

Pian da ampaḵaḻam gapu'tte maun-unanda te midogada'tte ampangatan Apudyus.

Matthew 6:16

Pun pinagatupan Jesus woḵ ḵanana, “Ḵad nu allaun ḵayu, adiyu ipailae andadauy ḵayu we isun da ḵapappaila. Te ipailadae andadauyda ta ipailada'tta tagu we nallaunda. Ibagaḵ ḵan diḵayu ḵatuttuwaan, nagagangpute inawatda gungunada.

Matthew 6:2

“Pun nu awad ibadangnu si anḵasapuḻe tagu, adim umoy ipalapalawag ḵingwame ambaḻu, isun ni ḵoon da ḵapappaila'tta sinagoga ya da ḵaḻsa. Ḵoonda da sana ta midayawanda'tta tagu. Ibagaḵ ḵan diḵayu ḵatuttuwaan, nagagangpute inawatda da gungunada.

Matthew 6:5

Pinagatupan Jesus woḵ ḵanana, “Ḵad nu alluwaḻu ḵayu, adi ḵayu oḵyan miyisu'tta ḵapappaila te pipiondae sumisiḵade alluwaḻu'tta sinagoga ya da ḵaḻsa ta ilan da tagu dida. Ibagaḵ ḵan diḵayu ḵatuttuwaan, nagagangpute inawatda da gungunada.

Luke 16:15

Pun ḵanan Jesus ḵan dida, “Diḵayu ḵad, ambalinonyu long-agyu'ḵ naun-unan si antotollong da tagu yaḵon iniiggammun Apudyus da somsomoḵyu. Ummanyu te sa ibelang da tagu we ampatog, lawwelawweng atte antotollong Apudyus.

Luke 20:47

Te allelawonda da baḻu ta aḻanda da ḵuḵuwada ya da boḻoyda ḵad anduanduwonda da luwaḻuda si sinagung da adu we tagu ta analingodda'tta ḵoḵoḵḵonda. Sa umali ye aḻgaw amo nadagdagson dusada.”

John 7:18

Sa tagu we antuttudu we maḻpu si somsomoḵna, siya singtona midayawana. Yaḵon sa tagu we siya singtona dayaw ni nangibuun ḵan siya, pasige ustu ya tuttuwa da ibagana.

Acts 15:1

Pun inninggaw da laḻaḵi ye dummatong ad Antioch we naḻpu'tte probinsiya'd Judea we ummoy nantuttudu'tta susunud ḵan Kristu. Ḵananda, “Adiḵayupun matagu nu adi ḵayu pasogyat sigun si intuttudun Moses.”

Acts 15:5

Yaḵon inninggaw da udume namati ye naḻpu'tte grupun da Pharisee ye summiḵadda woḵ ḵananda, “Ḵasapuḻane pasogyat da Gentil ya ibilin taḵu we tuttuwaonda da lintog Moses.”

2 Corinthians 10:12

Adiḵanipun antuḻode angiyisu'tte long-agni'tta tagu sinate angiyisḵaḻ atta mismu we long-agda. Yaḵon adidapun maḵimute angiyisu'tta long-agda ḵad ḵanandae sa ambaḻu, siya ḵoonda. Pun anḵadong-ogda, didae mismu angiyis-isu'tta long-agda, dida bose mismu anguwis atta long-agda.

2 Corinthians 11:13

Te da annae tagu sinan apostolda, allelawonda da tagu'tta losane ḵoonda ḵad ipailadae isun di tuttuwae apostol Kristu dida.

Galatians 2:14

Yaḵon innilaḵ sumullagi si ḵatuttuwaan ni Ambaḻu we Damag we ḵoonda, ḵanaḵ ḵan Peter si sinagung da losan, “Taḵon ay nu Judyuḵa, nalligligammuḵa si udume ugalin da Judyu we isun di daḵanḵapun aḵ Judyu. Ḵad nu ḵingwam ḵatti, ngaipam os ay ipatut paunud atta Gentil ugali taḵu?”

Galatians 2:3

Taḵon ay aḵ Titus we buḻunḵu we Gentil, adidapun impatute ampasogyat.

Galatians 5:11

Yaḵon saḵon ḵad susunudḵu ḵan Kristu, awad da udume angibagae sissiyae ituttuduḵe ḵasapuḻane tuttuwaon taḵu lintog mipanggob si sogyat ta mibelang taḵu'ḵ naun-unan ḵan Apudyus. Yaḵon sa ḵatuttuwaan, adiḵpun ituttudu sogyat te da Judyu sissiyae ampaḵaḻamonda saḵon. Ḵad nu ituttuduḵe ḵasapuḻane masogyatan da tagu, ippun ogon lasunda'ḵ anasanga ḵan saḵon te adiyaḵpun ogon antuttudu we siya abus aḵ mataguwan taḵu mipagapu si natoyan Kristu atte kros.

Galatians 6:13

Te taḵon ay didae nasogyatan, adidapun tuttuwaon da lintog Moses yaḵon piondae ampasogyat ḵayu ta awad isḵaḻdae nampasogyat ḵayu'tte gapu ḵan dida.

Philippians 1:15

Tuttuwae annat da angiwaḻagawag si mipanggob ḵan Kristu gapu si aposda ḵan maḵaas-asselanda ḵan saḵon. Yaḵon annat pos pagay da udume ambaḻu panggobda.

Philippians 2:4

Sa sosomḵonyu oḵyan, daḵampun si bumaḻuwanyu we abus yaḵon sa bumaḻuwan oḵyan os da buḻunyu.

Philippians 3:18

Te adu da ḵabusuḻ Kristu we angngesnges-elanda natoyana'tte kros gapu'tta antataguda. Nangampigae imbagaḵ sana ḵan diḵayu si awe yaḵon iḵasinḵu ibagae sana ya maḵaluwaaḵ si somsomḵoḵ mipanggob ḵan dida.

Colossians 2:23

Sa annae lintog ambaḻu te da angunud ipapuutdae angidaydayaw atta anghel ḵad ipakumbabada da long-agda ta tuttuwaonda da ug-ugalida ḵad ampaḵaḻamonda da long-agda. Yaḵon naippun anun da sanae bilin te da tagu adidapun maḵatupod si pion ni long-agda.