Galatians 5:4 - Sa Ugud Apudyus

⁴ Pun diḵayu we amappadas anuttuwa'tte lintog ta maun-unan ḵayu, naabuse nisina ḵayu ḵan Kristu ḵad nan-awidanyu ḵinabaḻun Apudyus.

Galatians 5:4 ပူးပေါင်းရင်းမြစ်များ

Romans 11:6

Yaḵon nu gapu'tte ḵinabaḻun Apudyus namiliyana ḵan dida, daḵampun ogon atta ambaḻu we ḵingwada. Te nu gapu'tta ambaḻu we ḵingwada namiliyan Apudyus ḵan dida, daḵampun aḵ mipagapu'tte ḵinabaḻuna.

Romans 3:20

Te naippun tagu'ḵ naun-unan atte antotollong Apudyus gapu'tte anuttuwaana'tte lintog te sa usar ni lintog ipaigammunae naḵabasuḻ losan da tagu.

Galatians 2:21

Adiḵpun idiyan ḵinabaḻun Apudyus. Nu maun-unan tagu si sinagung Apudyus gapu'tte anuttuwaana'tte lintog, naippun ain anun ni natoyan Kristu!

Galatians 5:2

Andongoḻ ḵayu! Saḵon aḵ Paul. Ibagaḵ ḵan diḵayu we nu ampasogyat ḵayu, piona ugudone ippun anun Kristu ḵan diḵayu.

Hebrews 12:15

Ḵasapuḻane ilanyu ta naippun oḵyan osa ḵan diḵayu'ḵ an-awidana ḵinabaḻun Apudyus gapu'tte angiyagayanae amati ḵan siya. Te ngaimane angwa ḵan diḵayu'tte ḵaḵnat isuna ampaite muḻae tumubu'ḵ madadailan da adu.

Hebrews 4:1

Pun gapu ta sissiya sanae inkarin Apudyus we umillongan, ḵasapuḻane umman taḵu ta ippun oḵyan osa ḵan ditaḵu'ḵ adi maḵaḻnoḵ si sanate umillongan.

Revelation 2:5

Pun ḵasapuḻan oḵyane iḵagasmoḵyu ampigsae ayatyu si damu. Ambabawi ḵayu'tta basuḻyu ya agayyu we angwa ya ḵoonyu ḵasin da ḵingwayu si damu. Te nu adi ḵayu ambabawi, umaliyaḵ sinat ta ḵaanoḵ sasap-aḻan da silawyu'tta ustu we igawda.