Galatians 5:25 - Sa Ugud Apudyus

²⁵ Pun gapu ta naḻpu si Ispiritu Santu baru we biyag taḵu, ḵasapuḻan ose siya angidaḻan ḵan ditaḵu.

Galatians 5:25 ပူးပေါင်းရင်းမြစ်များ

John 6:63

Sa angitod atte biyag, sa Ispiritu Santu. Naippun lamog ni long-ag itton. Ḵad da inugudḵu ḵan diḵayu, naḻpuda'tte Ispiritu ḵad siya angitod si biyag aḵ inggana.

Romans 8:10

Yaḵon nu aḵ Kristu awad ḵan diḵayu, taḵon ay matoy ḵayu te sa ḵatoy dusan ni basuḻ, sa Ispiritu Santu angitod si biyag aḵ inggana te siya nangwa si naun-unanyu.

Romans 8:2

Gapu si niyossaanan taḵu ḵan Jesu Kristu, anturay Ispiritu Santu ḵan ditaḵu ya innatodna baru we biyag ḵan ditaḵu ya pinuḵayan ditaḵu'tte ḵabooḻan ni basuḻ ḵan ḵatoy.

1 Corinthians 15:45

Te sa nigili ye Ugud Apudyus ḵanana, “Sa ummunae tagu we aḵ Adam, innattan Apudyus aḵ biyag,” yaḵon aḵ Jesu Kristu we maawagan aḵ naudi ye Adam, siya Ispiritu we angitod si naispirituwane biyage ippun anungusna.

2 Corinthians 3:6

we siya nangitod atte ḵabooḻanni ye angituttudu si mipanggob atte Baru we Tuḻag Apudyus atta tagu. Ḵad sa sadi ye Baru we Tuḻagna, daḵampun aḵ mibatay si nigili ye lintog nu adi mibatay si ḵewaaḻ ni Ispiritu Santu. Sa ambanagan ni nigili ye lintog, ḵatoy aḵ inggainggana. Yaḵon sa Ispiritu Santu angitod si biyag aḵ inggana.

Galatians 5:16

Annaya ibagaḵ ḵan diḵayu, paidaḻan ḵayu si Ispiritu Santu te nu ḵatti ḵoonyu, adiyupun tuttuwaon pipion da long-agyu.

Philippians 3:3

Yaḵon sa ḵatuttuwaan ditaḵu ibelang Apudyus aḵ tuttuwae taguna daḵampun ḵan dida te ditaḵu ḵad dayawon taḵu'ḵ Apudyus si ḵabooḻan ni Ispirituna. Allaylayad taḵu bos gapu'tte taḻgod taḵu ḵan Jesu Kristu. Ḵad adi taḵu bos antaḻgod atta ngaimane ḵoḵoḵḵon taḵu'tte long-ag taḵu we anagu ḵan ditaḵu.

1 Peter 4:6

Sadi gapunae da tagu we naabus natoy, niwaḻagawag Ambaḻu we Damag ḵan dida ta taḵon ay nu maḵuwisdae isun da losane tagu, mataguda si naispirituwane biyage isun Apudyus.

Revelation 11:11

Yaḵon maḻaḵpus ḵad tuḻun aḻgaw ya gogwa, sa angose maḻpu ḵan Apudyus we angitod atte biyag lumnoḵ ḵan dida ya summiḵadda. Ḵad amod de ogyat da angila ḵan dida.