Galatians 5:23 - Sa Ugud Apudyus

²³ napakumbaba ya tupodona long-agna. Sa angunud atta sanae ugali, naippun ḵoona'tta iyadin ni lintog.

Galatians 5:23 ပူးပေါင်းရင်းမြစ်များ

Acts 24:25

Yaḵon intuttudun ḵad Paul mipanggob atte maun-unane antatagu, sa anupodan atta long-ag ta adi angwa'ḵ basuḻ ya sa umali ye aḻgawe anḵuwisan Apudyus atta tagu, naḵimtan aḵ Felix woḵ ḵanana, “Inḵan! Asiḵ ay siḵa paayag nu awad timpuḵ.”

1 Corinthians 9:25

Da ngaimane maḵaaḵ-abaḵ, ḵasapuḻane disiplinaonda da long-agda ta maaḻada gungunae allasu we madadail. Yaḵon ditaḵu we namati, sa gungunae annanayun maaḻa taḵu.

Galatians 5:18

Yaḵon nu sa Ispiritu Santu angidaḻan ḵan diḵayu, adiḵayupun mapatute anuttuwa'tta bilin ni lintog.

1 Timothy 1:9

Annaya maawatan taḵu, daḵampun aḵ naḵwa lintog para'tta naun-unan yaḵon para'tta tagu, da adipun anuttuwa si lintog, da ippun pammatida ḵan Apudyus, da ḵabasbassuḻan, da adipun andaydayaw ḵan Apudyus ya da angang-angyag ḵan Apudyus. Da angongat atta amada ḵan inada. Da angongat atta asintataguda,

Titus 1:8

Yaḵon ḵasapuḻane ḵamamangili ya siya pasige piona ḵoon da ambaḻu. Lamogna tupodon long-agna, naun-unan, ampoḻḵas somsomoḵna ya adipun bumasuḻ ya nadisiplina.

Titus 2:2

Da anḵamaḻong-ag ḵad, ummam dida bagbagaan ta noandae uminum si bayas ya da udume ḵoḵoḵḵonda ta mibagaye mapatganda gapu'tta ambaḻu we ugalida ya tupodonda da long-agda. Bagbagaam os dida ta ipapatida pammatida, sipupusu oḵyan ayatda ya naattomda.