Galatians 5:22 - Sa Ugud Apudyus

²² Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

Galatians 5:22 ပူးပေါင်းရင်းမြစ်များ

Matthew 12:33

Impanin os Jesus woḵ ḵanana, “Sa ḵayu we ngannonda ambaḻu, ambaḻu ambubungana. Sa ḵayu we ngannonda lawweng, lawweng ambubungana. Te sa ibungan ni ḵayu angipaila si kalasina.

Luke 13:9

Ḵad nu amunga'ḵ tawon, baḻuna bos. Yaḵon nu adipun pagay, gabbaoḵ.’ ”

John 15:16

Daḵampun aḵ diḵayu namili ḵan saḵon yaḵon saḵon namili ḵan diḵayu. Ḵad dinutuḵaḵ diḵayu'ḵ umoy amunga'ḵ adu ya annanayun oḵyan bungayu. Ta ngaimane ḵodawonyu ḵan Amaḵ mipagapu'tte ḵaḻabbongaḵ, ittona.

John 15:2

Ḵaanona da pangae adipun amunga. Ḵad da amungae panga, daḻusana dida ta amo umadu ambubungada.

John 15:5

“Saḵon puun ni waḵaḻ ya diḵayu pangana. Ngaimane iinggaw ḵan saḵon ya iinggawaḵ os ḵan siya, aduadu ibungana. Te nu misina ḵan saḵon, ippun lamogna ḵoon.

Romans 14:17

Te sa ampangatan Apudyus atta taguna, daḵampun aḵ ampatog ḵanon taḵu ḵan inumon taḵu. Yaḵon sa ampatog, ḵoona ditaḵu'ḵ maun-unan, sa allin-awaan taḵu'tta sin-ossaossa ya sa laylayad taḵu we maḻpu si Ispiritu Santu.

Romans 15:14

Susunudḵu ḵan Kristu, mat-opaḵ si mipanggob ḵan diḵayu te ambabaḻu ḵayu, adu da igammuyu ya lamogyu an-asituttudu.

Romans 15:3

Te taḵon ay aḵ Jesu Kristu adinapun mas-oman long-agna yaḵon sa ḵanan ni nigili ye Ugud Apudyus, “Da amsew da tagu ḵan siḵa Apudyus, saḵon inamsewda.”

Romans 15:30

Susunudḵu ḵan Kristu, anna ud ḵodawoḵ ḵan diḵayu, gapu ḵan Apu taḵu we Jesu Kristu ya gapu si ayate itton ni Ispiritu Santu, losan taḵu pumangoge alluwaḻu para ḵan saḵon ta bumadang aḵ Apudyus.

Romans 6:22

Yaḵon sinsana napuḵayan ḵayu'tte basuḻ ya nambalin ḵayu'ḵ musassun Apudyus. Ḵad sa ginanabyu, mitotoḵḵon ḵayu'ḵ taguna ta bumaḻu ugaliyu ḵad sa ambanagana awad ḵan diḵayu biyag aḵ inggana.

Romans 7:4

Ḵad isuna bos ḵan diḵayu susunudḵu ḵan Kristu, napuḵayan ḵayu si ḵaḻabbongan ni lintog mipagapu'tte natoyan Kristu we nidatun para ḵan ditaḵu woḵ nidoga ḵayu ḵan siya si nataguwana. Pun sinsana, nawaya taḵu we anserbi ḵan siya'ḵ madayawan Apudyus.

Romans 8:5

Te sa tagu we isisimoḵna pion ni long-agna, paituray atte pion ni long-agna. Yaḵon sa tagu we angwa'tta pion ni Ispiritu Santu, sa Ispiritu Santu angituray ḵan siya.

1 Corinthians 13:13

Pun sana da tuḻu we iinggaw aḵ inggana: sa pammati, namnama ya sa ayat. Yaḵon sa ḵapatogan atta anna ayat.

Galatians 5:13

Ḵan diḵayu susunudḵu ḵan Kristu, pinilin Apudyus diḵayu ta mapuḵayan ḵayu ta daḵampun aḵ ḵasapuḻane tuttuwaonyu lintog ta taguwon Apudyus diḵayu. Yaḵon adiyu usaron napuḵayanyu'ḵ lasunyu we angwa'tta pipion da long-agyu. Yaḵon siya oḵyan ḵoonyu an-asiserbi ḵayu gapu si an-asiayatanyu.

Ephesians 4:23

Ḵad ḵasapuḻane mapabaru we ustu somsomoḵyu,

Ephesians 5:9

Te nu nasilawan somsomoḵ ni tagu, bumaḻu ugalina ya naun-unan ḵan tuttuwa.

Philippians 1:11

Gapu ḵan Jesu Kristu, adu da naun-unane banage ḵoonyu. Te nu ḵatti, dayawon da tagu'ḵ Apudyus ya bigbigonda ḵinabaḻuna.

Colossians 1:10

Te nu ḵatti, maḵwae unudonyu antatagu we mibagay atte ḵinabaḻun Apu ya pasigyu ḵoon da amalayad ḵan siya. Ḵad ambaḻu ibungan da losane ḵoonyu ya madog-an igammuyu mipanggob ḵan Apudyus.

2 Thessalonians 3:2

Iluwaḻuyu ta saḻaḵniban diḵani ḵan Apudyus atta lawwelawwenge tagu te tuttuwae daḵampun aḵ losane tagu namati ḵan Apudyus.

1 Timothy 3:11

Da asawada ḵad, ḵasapuḻane labbongdae mapatgan ya adida an-ugud aḵ lawweng atta udum. Ḵasapuḻane naannadda ḵan mataḻgodanda'tta losane ḵoonda.

1 Timothy 4:12

Adim iyunude potogonda siḵa gapu'tte ḵinaabengnu. Yaḵon iggam ḵabooḻame ambalin aḵ unudon da namati'tte an-uugudnu, sa ambaḻu we antatagum, sa an-aayatnu, sa angogomgomam atte pammatim ya sa ḵinapoḻḵasnu.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 Peter 1:8

Adiyupun innila'ḵ Jesu Kristu yaḵon inay-ayatyu. Taḵon ay nu adiyupun ilan sinsadi, amati ḵayu ḵan siya. Pun amo allaylayad ḵayu'tte adipun mibungangay ya ippun miyisuwanae laylayad.

1 Peter 5:12

Inggiliḵ anna gapu si badang Silas we imbelangḵu'ḵ mataḻgodane sunud taḵu ḵan Kristu. Inggiliḵ annae abobbae suḻat ḵan diḵayu ta papigsaoḵ pammatiyu ḵan panoḵnoḵaḵ ḵan diḵayu annae tuttuwae ḵinabaḻun Apudyus. Sosomḵonyu we ustu sadi ye ḵinabaḻuna ta adiyu an-awidan.