Galatians 5:21 - Sa Ugud Apudyus

²¹ An-aḵ-apaḻda, ambarbartekda, maḵaḵwada'tta mapatuḻ-ayane laylayad ya da udume isun da sana. Imbagabagaḵ ḵan diḵayu si awe ya anna bose ibagaḵe da angwa'tta isun da anna, adidapun gangganason da laḵsunda si midog-anda si ampangatan Apudyus.

Galatians 5:21 ပူးပေါင်းရင်းမြစ်များ

Matthew 25:34

“Pun saḵone Ari, asiḵ ḵanane angibaga'tta tagu we awad si madawinanḵu, ‘Awwayyu, diḵayu we binindisyunan Amaḵ ta gangganasonyu da laḵsunyu we midog-anyu si ampangatan Apudyus we nisaganae inggawanyu inggan ni naḵwaan ni lubung.

Luke 21:34

Pinagatupan Jesus woḵ ḵanana, “Ummanyu ta adi ḵayu midoga'tta umamdane gangganas ni bartek ya adi ḵayu ambinsaw atta ḵasapuḻanyu'tte biyag ta adi ḵayu maaddagan nu mapoḵḵatan umaliyaḵ te adiḵayupun naḵasagana. Sa aḻgawe mipauliyaḵ sina'd luta isun di silu we mapoḵḵatan maboḵas.

Romans 13:13

Sa antatagu we ḵasapuḻane unudon taḵu, sa ampoḻḵas ḵan ambaḻu we mibagay atte tagu we awad si padda. Adi taḵu mabartek, adi taḵu maḵadagdagas ya adi taḵu ḵoon da udume ḵaḵaissawan ya ḵababbain ya adi taḵu ansusubog ḵan an-asiapos.

Romans 8:13

Te nu tuttuwaon taḵu da pipion da long-ag taḵu, matoy taḵu ḵad misina taḵu ḵan Apudyus aḵ inggana. Yaḵon nu an-awidan taḵu da pipion da long-ag taḵu mipagapu'tte ḵabooḻan ni Ispiritu Santu, matagu taḵu'ḵ inggana.

1 Corinthians 15:50

Susunudḵu ḵan Kristu, annaya pioḵ ibaga ḵan diḵayu. Sa long-ag taḵu ḵan daḻa taḵu, adidapun gangganason da laḵsunda si midog-anda si ampangatan Apudyus te da long-ag taḵu madadail, adidapun maḵwae midoga'tte igaw da losane matagu'ḵ inggana.

1 Corinthians 5:11

Sa pioḵ ḵanan ḵan diḵayu, adi ḵayu maḵabuḻbuḻun atta ibelangda da long-agdae sunud taḵu ḵan Kristu yaḵon dida da angadaḻug atta daḵampun aḵ asawada, ḵamommodda, andaydayawda'tta sinan-apudyus, an-ugudda'ḵ lawweng atta udume tagu, da bartekero ya da tulisan. Ḵad taḵon ay ḵaḵan, adi ḵayu miyubung ḵan dida.

Ephesians 5:18

Ḵad adi ḵayu ambarbartek te dumadail yaḵon iyunudyu oḵyane sa ḵabooḻan ni Ispiritu Santu awad ḵan diḵayu.

Colossians 3:6

Gapu'tta sana, dida allaḵ-am si ḵaog-ogyate sangan Apudyus atta adipun tumuttuwa gapu si adida amatiyan ḵan siya.

1 Thessalonians 5:7

Te da masuyop, labi masuyopanda ya da mabartek, labi mabartekanda.

2 Thessalonians 2:5

Adiyupun ḵamman iḵagasmoḵe sa inninggawaḵ ḵan diḵayu, imbagaḵ da sana?

Hebrews 13:4

Ḵasapuḻane patgan taḵu nan-as-asaw-an taḵu ya ippun oḵyan ḵadellawan taḵu ya pagatupan taḵu we antaḻgod atta asawa taḵu we naippun maḵadagdagas. Te dusaon Apudyus da maḵadagdagas ya da adaḻugonda da daḵampun aḵ asawada.

1 Peter 4:3

Sa awe, amod de tinangtanggayu we timpu si nangwaanyu'tta pipion da adipun amati ḵoon. Te ḵingwayu da isun da ḵaissaw ḵan ḵababbaine pipion da long-agyu, da bartek, natuḻ-ayane gangganas ya sa nanaydayawanyu'tta sinan-apudyus we misullagi si bilin Apudyus.

Revelation 21:27

Yaḵon naippun maḵaḻnoḵ atta ngaimane ibelang Apudyus aḵ ḵaissawe isun da angwa'tta ampabain ya da losane tuliyan yaḵon abus da nigili da ngadanda si iblun ni Ubbu we Karnero we nigiliyan da awad da biyagda'ḵ inggana'ḵ maḵwae lumnoḵ.

Revelation 22:15

Yaḵon adipun maḵaḻnoḵ sidi da ngaimane angwa'tta lawweng, da andadawaḵ, da angadaḻug atta daḵampun aḵ asawada, da pumappatoy, da andaydayaw atta sinan-apudyus ya da losane tuliyan ya da ḵapappaila.”