Galatians 5:11 - Sa Ugud Apudyus

¹¹ Yaḵon saḵon ḵad susunudḵu ḵan Kristu, awad da udume angibagae sissiyae ituttuduḵe ḵasapuḻane tuttuwaon taḵu lintog mipanggob si sogyat ta mibelang taḵu'ḵ naun-unan ḵan Apudyus. Yaḵon sa ḵatuttuwaan, adiḵpun ituttudu sogyat te da Judyu sissiyae ampaḵaḻamonda saḵon. Ḵad nu ituttuduḵe ḵasapuḻane masogyatan da tagu, ippun ogon lasunda'ḵ anasanga ḵan saḵon te adiyaḵpun ogon antuttudu we siya abus aḵ mataguwan taḵu mipagapu si natoyan Kristu atte kros.

Galatians 5:11 ပူးပေါင်းရင်းမြစ်များ

Acts 16:3

Pion Paul we mibuḻun aḵ Timothy ḵan dida woḵ impasogyatna te igammun da losane Judyu we inggaw sidi ye Gentil amana.

Acts 21:21

Imbagada mipanggob ḵan siḵae intuttudum atta losane Judyu we naḵaumili'tta Gentil we iwaḻangda da lintog Moses ya adida pasogyat da abengda ya adida unudon ugali taḵu we Judyu.

Acts 21:28

pun ḵanandae simbobogga, “Diḵayu we ganaḵ Israel, bumadang ḵayu! Annaya tagu we ummoy nangituttudu'tta losane tagu'tta ḵinailin di ili ye sumullagi ḵan ditaḵu we Judyu, sa lintog taḵu ya sa templo. Ḵad amo ummoyna ḵinaissawan templo taḵu te inniyoyna da udume Gentil sidi.”

1 Corinthians 1:18

Te sa damag mipanggob si natoyan Kristu atte kros, dinodong-og atta tagu we naḵoddongan aḵ madusa. Yaḵon ḵan ditaḵu we taguwon Apudyus, siya ḵabooḻan Apudyus we anagu ḵan ditaḵu.

1 Corinthians 1:23

Yaḵon siya iwwaḻagawagni mipanggob atte natoyan Kristu atte kros ḵad siya nisubuḵan da Judyu ya dinodong-og atta Gentil.

1 Corinthians 15:30

Ḵad ḵan diḵani, nu adipun umuli da matoy, ngai anun ni anḵatoyanni ye antuttudu?

Galatians 2:3

Taḵon ay aḵ Titus we buḻunḵu we Gentil, adidapun impatute ampasogyat.

Galatians 3:1

Nadongdong-ogan ḵayu we iGalatia! Ngai ḵad ain da nangallelaw ḵan diḵayu? Nalawag ḵad ose nipaila ḵan diḵayu we nipattoḻ aḵ Jesu Kristu atte kros!

Galatians 4:29

Atte sadi ye timpu, sa abenge daḵampun aḵ nakaskasdaaw niyanaḵana, nampaḵaḻamona'ḵ Isaac we niyanaḵ gapu si ḵabooḻan ni Ispiritu Santu. Siya bos maḵwa sinsana te da musassun ni lintog, ampaḵaḻamonda ditaḵu we daḵampun aḵ musassu.

Galatians 6:12

Da angipatute ampasogyat ḵayu, dida da maḻyad angipaila si ḵinabaḻuda'tte antotollong da tagu. Ipatutda sadi te adidapun pione ampaḵaḻamda. Te igammudae nu ituttududae umanay natoyan Kristu'tte kros, ampaḵaḻamon da buḻunda dida.

Galatians 6:17

Inggana sinsadi, ippun oḵyan pos ogon amaḵaḻam ḵan saḵon gapu'tte nangituttuduwaḵ si mipanggob atte kros te sa long-agḵu we napillapillatan, sana angipailae tuttuwae nanserbiyaḵ ḵan Jesus.