Galatians 5:10 - Sa Ugud Apudyus

¹⁰ Antaḻgodaḵ ḵan Apu we adiyupun patiyon daḵampun aḵ tuttuwae tuttudu. Dusaon Apudyus alliwong ḵan diḵayu taḵon ay ngai ḵasasaadna.

Galatians 5:10 ပူးပေါင်းရင်းမြစ်များ

Acts 15:24

Dingngoḻni ye annat da udume grupuni ye ummoy sinat nantuttudu ḵan diḵayu ḵad da intuttududa nasaliduduwan da somsomoḵyu. Yaḵon ippun innatodni ḵan dida'ḵ ḵaḻabbongane angwa'tte ḵatti.

1 Corinthians 5:5

Ipuḻangyu sanate laḻaḵi ḵan Satan ta dadailona long-agna, ta matagu ispirituna'tte aḻgawe angulinan Apu.

2 Corinthians 1:15

Gapu ta aaddi ye antaḻgod ḵayu ḵan saḵon, simsimmoḵḵu we iyyaḵ unaon diḵayu gaggaḵayon ya asiḵaniyot angaw-as ad Macedonia ḵad angoyaḵ ḵasin sinat nu angulinaḵe maḻpu'd Macedonia ta amigwa amadangaḵ ḵan diḵayu ta masoḻgaganyu ya pioḵ ose ampabadang ḵan diḵayu si sanae ayonaḵ atte probinsiya'd Judea.

2 Corinthians 10:2

andagdaguwaḵ ḵan diḵayu ta adipun ḵasapuḻane ipailaḵ tuḻodḵu ḵan diḵayu nu umaliyaḵ sinat. Te naḵasaganaaḵe anuppaḵ atta ḵanandae nainlubungan da ugalini ḵan panggobni.

2 Corinthians 10:6

Nu ipailayu we losan ḵayu tumuttuwae ustu ḵan Kristu, naḵasagana ḵani ye anusa'tta ngaimane adipun tumuttuwa ḵan siya.

2 Corinthians 13:10

Siya gapunae insuḻatḵu da annae ibagaḵ si ippunaḵ ḵan diḵayu ta umaliyaḵ ḵad sinat, daḵampun oḵyan aḵ ḵasapuḻane ipailaḵ ḵaḻabbongaḵe innatod Apu Jesus ḵan saḵon si anuppaḵaḵ ḵan diḵayu. Te sa angusaraḵ oḵyan si annae ḵaḻabbongaḵ sa pumigsaan ni pammatiyu, daḵampun aḵ madadailanyu.

2 Corinthians 2:3

Ḵad sadi gapunae intaḻyanḵu umaliyaḵ woḵ nanuḻataḵ ḵan diḵayu yaḵon umaliyaḵ oḵyan sinat ta sa umaliyaḵ sinat, adipun lumaweng somsomoḵḵu gapu ḵan diḵayu we amalayad oḵyan ḵan saḵon. Te aaddi ye nu allaylayadaḵ, allaylayad ḵayu bos losan.

2 Corinthians 2:6

te umanay ḵingwan da ḵaaduwan ḵan diḵayu ḵan siya'ḵ ḵadusaana.

2 Corinthians 5:16

Pun inggana sinsadi, adinipun bigbigon ngaimane tagu we ambatay si nainlubungane ḵasomsomḵan. Taḵon ay nu ḵatti inonni ye namigbig ḵan Kristu si awe, adinipun ogon ḵoon sinsana.

2 Corinthians 7:16

Allaylayadaḵ sinsana te iniiggammuḵe antaḻgodaḵ ḵan diḵayu.

2 Corinthians 8:22

Ḵad anna bos osae sunud taḵu ḵan Kristu we ibuunni ḵan da Titus we umali sinat. Napadasni ḵan napanoḵnoḵanni ye bumabbadange tagu ya pipionae umali sinat te daḵoḻ taḻgodna ḵan diḵayu.

Galatians 1:7

Sa ḵatuttuwaan, ippun udum aḵ Ambaḻu we Damag yaḵon ibagaḵ anna te awad da udume angulu'tta somsomoḵyu ya padpadasonda baliḵtadon Ambaḻu we Damag mipanggob ḵan Kristu.

Galatians 2:4

Ummoy ḵani sidi gapu'tta allolloḵḵone namatida ḵan Kristu, da sanae tagu nidogada ḵan diḵani ta ansiputda ta igammuwonda nawayawayaanni gapu'tte niyossaananni ḵan Jesu Kristu. Piondae ambalin ḵani'ḵ musassu.

Galatians 2:6

Yaḵon da sadi ye niyiyap aḵ papangat, ippun ḵanana ḵan saḵon nu ngai ḵasasaadda te an-iisuwon Apudyus da tagu, ippun paat intuḻ-ayda si intuttuduḵ.

Galatians 3:1

Nadongdong-ogan ḵayu we iGalatia! Ngai ḵad ain da nangallelaw ḵan diḵayu? Nalawag ḵad ose nipaila ḵan diḵayu we nipattoḻ aḵ Jesu Kristu atte kros!

Galatians 4:11

Pun iyogyatḵu mipanggob ḵan diḵayu te ippun nin anun ni pangogḵu we nantuttudu ḵan diḵayu.

Galatians 4:17

Da sadi ye angituttudu si daḵampun aḵ tuttuwa, paspas-oman diḵayu si an-awisanda yaḵon lawweng panggobda, piondae misina ḵayu ḵan saḵon ta dida abus aḵ dongngonyu.

Galatians 4:20

Pioḵ pagay oḵyane awadaḵ ḵan diḵayu sinsadi ya pabaḻuwoḵ an-uugudḵu te annan ambinsawaḵ ḵan diḵayu.

Galatians 5:12

Da sadi ye alliwong ḵan diḵayu, nu ampatog oḵyan ḵan dida sogyat, ḵumaanda oḵyan pagaye mismu atte gimungyu.

Galatians 5:7

Ambaḻubaḻu sinaḻdanyu ḵingwa! Ngai ḵad ain namaginoḵ ḵan diḵayu we anuttuwa si ḵatuttuwaan? Ngai inonae nangawis ḵan diḵayu?

Galatians 6:17

Inggana sinsadi, ippun oḵyan pos ogon amaḵaḻam ḵan saḵon gapu'tte nangituttuduwaḵ si mipanggob atte kros te sa long-agḵu we napillapillatan, sana angipailae tuttuwae nanserbiyaḵ ḵan Jesus.

Philippians 3:15

Ḵatti oḵyan sosomḵon taḵu losane nanaḵman si pammati. Yaḵon nu awad nisabali somsomoḵna ḵan diḵayu, aḵ Apudyus angipaigammu ḵan siya si ustu.

2 Thessalonians 3:4

Ḵad antaḻgod ḵani ḵan Apu atte mipanggob ḵan diḵayu we pagatupanyu we angwa'tta bilinni ḵan diḵayu.

1 Timothy 1:20

Ḵaḵna isun ni naḵwa ḵan da Hymenaeus ḵan Alexander we impuḻangḵu ḵan Satan ta adaḻondae adida an-ugud aḵ lawweng mipanggob ḵan Apudyus.

Philemon 1:21

Insuḻatḵu da anna te namnamaoḵe tuttuwaom da ḵodawoḵ, ḵad igammuḵe ad-adu da ḵoome nabaḻu nu da annae ḵodawoḵ.