Galatians 5:1 - Sa Ugud Apudyus

¹ Pun tuttuwae pinuḵayan Kristu ditaḵu! Piona ugudone napuḵayan taḵu. Pun gogomgomanyu oḵyan ya adiyu ogon iyunude ambalin ḵayu'ḵ musassu.

Galatians 5:1 ပူးပေါင်းရင်းမြစ်များ

Matthew 23:4

Ipabuḵudda'tta tagu andagsone mabuḵud yaḵon adidapun pione bumadang ḵan dida taḵon ay aḵit.

Luke 5:38

Yaḵon ḵasapuḻane ibilung oḵyan inabuyu si baru we geddange bibillungan.

Acts 15:10

Sinsadi, ngaipayu padason aḵ Apudyus atte angibag-anyu we ḵasapuḻane tuttuwaonda da losane ugali taḵu? Te taḵon ay da danaḵḵoḻ taḵu ya ditaḵu sinsana, aditaḵupun lamog tuttuwaon dida.

Romans 6:14

Te daḵampun ogon aḵ sa basuḻ angituray ḵan ditaḵu te sinsadi, sa mibatayan ni mataguwan taḵu daḵampun si anuttuwaan taḵu'tte lintog yaḵon sa ḵinabaḻun Apudyus.

Romans 6:18

Napuḵayan ḵayu'tte basuḻ ḵad nambalin ḵayu'ḵ musassun ni maun-unan.

Romans 7:3

Pun nu sissiyae matattagu asawana ya niḵamboḻoy si sabali ye laḻaḵi, naḵabasuḻ atte dagdagas. Yaḵon nu matoy asawana, mapuḵayan atte sadi ye lintog ḵad nu ḵasin angasawa, daḵampun aḵ dagdagas.

Romans 7:6

Yaḵon sinsana, gapu'tte nidog-an taḵu ḵan Kristu si natoyana, napuḵayan taḵu si lintog Moses we namabaḻud ḵan ditaḵu. Ḵad anserbi taḵu ḵan Apudyus ya daḵampun ogon aḵ sa dadaane lintog yaḵon sa baru we biyage naḻpu si Ispiritu Santu.

Romans 8:15

Te sa Ispiritu we innatod Apudyus ḵan ditaḵu, adinapun ditaḵu nambalinon aḵ musassu we umogyate isun ni ḵasasaad taḵu si awe yaḵon nambalinon ditaḵu'ḵ abeng Apudyus. Pun gapu'tte ḵabooḻan ni Ispiritu Santu, maḵwa ḵanan taḵu ḵan Apudyus we Ama!

Romans 8:2

Gapu si niyossaanan taḵu ḵan Jesu Kristu, anturay Ispiritu Santu ḵan ditaḵu ya innatodna baru we biyag ḵan ditaḵu ya pinuḵayan ditaḵu'tte ḵabooḻan ni basuḻ ḵan ḵatoy.

1 Corinthians 15:58

Pun susunudḵu ḵan Kristu we ay-ayatoḵ, popotpotanyu da pammatiyu ya adi oḵyan magitot. Ḵad ipapatiyu bose angwa'tta ngaimane pinion Apudyus paḵwa ḵan diḵayu te igammu taḵu we losane ḵoon taḵu we para ḵan siya adipun matangga.

1 Corinthians 16:13

Dadaḵḵagonyu ya popotpotanyu bos da pammatiyu, tumuḻod ḵayu oḵyan ya pumigsa ḵayu.

1 Corinthians 7:22

Te nu musassuḵa'tte napiliyam ta niyossaanḵa ḵan Apu, napuḵayanḵa'tte basuḻ gapu ḵan Kristu. Ḵad nu daḵanḵapun aḵ musassu'tte napiliyam, nambalinḵa'ḵ musassun Kristu sinsadi.

2 Corinthians 11:20

Te anuanusanyu dida nu ambalinon diḵayu'ḵ musassu baḵon nu gundawayan diḵayu, siḵapanda diḵayu, ampasindayawda ḵan diḵayu ya lipaḵonda da bosaḻyu.

2 Corinthians 3:17

Sinsadi sa Apu siya Ispiritu Santu ḵad ngaimane tagu we iinggawan ni Ispiritu Santu, mapuḵayan.

Galatians 2:4

Ummoy ḵani sidi gapu'tta allolloḵḵone namatida ḵan Kristu, da sanae tagu nidogada ḵan diḵani ta ansiputda ta igammuwonda nawayawayaanni gapu'tte niyossaananni ḵan Jesu Kristu. Piondae ambalin ḵani'ḵ musassu.

Galatians 3:25

Yaḵon sinsadi te annae ummali'ḵ Kristu we pinati taḵu, daḵampun ogon aḵ sa lintog isun di angipupugod ḵan ditaḵu.

Galatians 4:26

Yaḵon sa bubai ye daḵampun aḵ musassu, mipani'tte baru we Jerusalem we siyudade inggawan Apudyus. Siya isun di ina taḵu losane namati.

Galatians 4:31

Pun susunudḵu ḵan Kristu, annaya mungimung ni inugudḵu: aditaḵupun nibelange abeng ni musassu yaḵon ditaḵu da abeng ni daḵampun aḵ musassu.

Galatians 4:9

Yaḵon sinsana inigammuyu'ḵ Apudyus baḵon nu inigammuna diḵayu, ngaipayu bos ḵasin sanguwon da ug-ugalin da tagu si annae lubunge inunudyu? Adiyupun ḵamman igammu we naippun ḵabooḻandae anagu ḵan diḵayu ya naippun ittonda'ḵ bindisyun? Ngaipayu bos pione anserbi ḵasin ḵan didae isun di musassu?

Galatians 5:13

Ḵan diḵayu susunudḵu ḵan Kristu, pinilin Apudyus diḵayu ta mapuḵayan ḵayu ta daḵampun aḵ ḵasapuḻane tuttuwaonyu lintog ta taguwon Apudyus diḵayu. Yaḵon adiyu usaron napuḵayanyu'ḵ lasunyu we angwa'tta pipion da long-agyu. Yaḵon siya oḵyan ḵoonyu an-asiserbi ḵayu gapu si an-asiayatanyu.

Ephesians 6:14

Pasig ḵayu maḵasagana ta itaḵdogyu sagangon ḵan sullagiyon da ḵabusuḻ atte amatiyanyu'tte ḵatuttuwaane maḻpu ḵan Apudyus. Sa ḵatuttuwaane maḻpu ḵan Apudyus isun di taḵyade iḵabot da suḻdadu si ansaganaandae umoy maḵagubat. Unudonyu bos maun-unane antatagu we maḻpu ḵan Apudyus. Sanat isun di taḵupaḻe anaḻaḵnib atta baḻuḵung da suḻdadu.

Philippians 1:27

Yaḵon taḵon ay nu ngai maḵwa, ilanyu ta mibagay antataguyu si Ambaḻu we Damag mipanggob ḵan Kristu ta umaliyaḵ ta iyyaḵ diḵayu ilan baḵon nu adiḵpun dongngon oḵyan mipanggob ḵan diḵayu, igammuwoḵ ose sissiyae ampigsa pammatiyu we os-ossaan panggobyu. Ḵad ḵasapuḻane an-os-ossaan os somsomoḵyu we angitaḵdoḻ si pammatiyu we mibatay si ḵatuttuwaan ni Ambaḻu we Damag,

1 Thessalonians 3:8

Te sinsadi, napabaru biyagni si inigammuni ye sissiyae itataḵdogyu pammatiyu ḵan Apu.

2 Thessalonians 2:15

Pun susunudḵu ḵan Kristu, gogomgomanyu ḵan uunnudonyu oḵyan da tuttudu we intuttuduni ḵan diḵayu si inninggawanni sinat ya da insuḻatni ḵan diḵayu.

Hebrews 10:23

Popotpotan taḵu namnama taḵu we adi taḵu anduwaduwa te mataḻgodan aḵ Apudyus we angituttuwa'tta inkarina.

Hebrews 3:14

Te buḻun taḵu'ḵ Kristu nu gogomgoman taḵu pammati taḵu si inggan ni namatiyan taḵu inggana si anungus ni timpu.

Hebrews 3:6

Yaḵon aḵ Jesu Kristu, mataḻgodane Abeng we angayyuwan atta tagun Apudyus. Ḵad ditaḵu da tagun Apudyus nu pagatupan taḵu tuḻod taḵu ḵan sissiyae antaḻgod taḵu si namnama taḵu ḵan Kristu.

Hebrews 4:14

Pun gogomgoman taḵu pammati taḵu te aḵ Jesus we Abeng Apudyus siya maḵabooḻe ḵangatuwane padi taḵu we ummoy ḵan Apudyus ad langit.

1 Peter 2:16

Ipailayu si antataguyu we napuḵayan ḵayu we tagu yaḵon adiyu usaron napuḵayanyu'ḵ lasunyu we angwa si lawweng yaḵon maila oḵyan si antataguyu we sammilun diḵayu ḵan Apudyus.

2 Peter 2:19

Ikaridae mapuḵayan da sanae tagu nu unudonda da ituttududa. Yaḵon sa ḵatuttuwaan, didae mismu musassu'tta basuḻe angaissaw ya anadail ḵan dida. Te sa tagu, ambalin aḵ musassu si ngaimane angngog ḵan siya.

Jude 1:3

Ay-ayatoḵe buḻbuḻun, ansagsaganaaḵe anuḻat ḵan diḵayu si mipanggob atte mataguwan taḵu losane namati. Yaḵon sinsadi, ḵasapuḻane anuḻataḵ ta bagbagaaḵ diḵayu we iggayu ḵabooḻanyu we angitaḵdog si pammati taḵu we namingpingsane intaḻgod Apudyus atta taguna.

Revelation 2:25

Sa abuse ibagaḵ ḵan diḵayu, ipapatiyu unudon tuttuwae tuttudu inggana'ḵ umaliyaḵ.

Revelation 3:3

Sosomḵonyu da nituttudu ḵan inawatyu'tte awe. Ḵasapuḻane patiyonyu dida ya ibabawiyu da basuḻyu ya agayyu we angwa. Te nu adiḵayupun bumangon, umaliyaḵe mapoḵḵatane isun ni aḵḵawan ta dusaoḵ diḵayu ya adiyupun igammu timpu we umaliyaḵ.