Galatians 4:9 - Sa Ugud Apudyus

⁹ Yaḵon sinsana inigammuyu'ḵ Apudyus baḵon nu inigammuna diḵayu, ngaipayu bos ḵasin sanguwon da ug-ugalin da tagu si annae lubunge inunudyu? Adiyupun ḵamman igammu we naippun ḵabooḻandae anagu ḵan diḵayu ya naippun ittonda'ḵ bindisyun? Ngaipayu bos pione anserbi ḵasin ḵan didae isun di musassu?

Galatians 4:9 ပူးပေါင်းရင်းမြစ်များ

Matthew 11:27

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan laing. Iniiggammuna saḵon ya naippun udum aḵ nangigammu ḵan saḵon. Ḵaḵna bos aḵ Amaḵ we naippun angigammu ḵan siya malaksid ḵan saḵon ya da ngaimane tagu we pioḵ angipaigammuwan.”

Luke 5:38

Yaḵon ḵasapuḻane ibilung oḵyan inabuyu si baru we geddange bibillungan.

John 10:14

Saḵon ambaḻu we antangḵon atta karnero. Igammuḵ da karneroḵ ya igammuda bos saḵon.

John 10:27

Te da karneroḵ dongngonda gingaḵ. Ḵad igammuḵ dida ya tun-udonda saḵon.

John 17:3

Ḵad sana biyag aḵ inggana, siya angigammuwandae siḵa abus aḵ tuttuwae Apudyus ya saḵon aḵ Jesu Kristu we imbuunnu.

Romans 8:29

Te da pinilin Apudyus misaḻad atte laplapu, inunana dida dinutuḵan aḵ ambalin aḵ isun Jesu Kristu we Abengna ta aḵ Jesus nambalin aḵ panguḻu'tta adu we susunud ḵan Kristu.

Romans 8:3

Sa lintog daḵampun aḵ lamogna ditaḵu puḵayan atte ḵabooḻan ni basuḻ te tagu taḵu we abuse aditaḵupun lamog tuttuwaon da imbilin ni lintog. Yaḵon ḵingwan Apudyus adimpun ni lintog lamog ḵoon. Imbuunna abengnae isun da tagu we ḵabasbassuḻan ta maḵoddongan aḵ madusa para'tta basuḻ taḵu. Ḵad sadi inon Apudyus we nangaan atte ḵabooḻan ni basuḻe anturay atta tagu.

1 Corinthians 13:12

Isuna ḵan ditaḵu we namati te sa antotollong taḵu ḵan Apudyus sinsana an-ugabbae isun di alladawan si an-ugabbae ladawan. Yaḵon sa umali ye timpu ilan taḵu we mismu. Sinsana aḵit igammu taḵu ḵan siya yaḵon sa umali ye timpu igammuwon taḵu losan mipanggob ḵan siyae isun ni nangigammuwana mipanggob ḵan ditaḵu.

1 Corinthians 15:34

Pabaḻuwonyu ḵappos da somsomoḵyu ta iwaḻangyu we bumasuḻ. Te awad da udum ḵan diḵayu we ippun igammuda ḵan Apudyus. Ibagaḵ anna ta mabainan ḵayu.

1 Corinthians 8:3

Yaḵon da angayat ḵan Apudyus, ibelang Apudyus dida'ḵ taguna.

2 Corinthians 11:20

Te anuanusanyu dida nu ambalinon diḵayu'ḵ musassu baḵon nu gundawayan diḵayu, siḵapanda diḵayu, ampasindayawda ḵan diḵayu ya lipaḵonda da bosaḻyu.

2 Corinthians 4:6

Te aḵ Apudyus nangibaga ḵanane, “Awad oḵyan padda” ta papaddaona anggiḵbot. Siya bos amapadda'tte somsomoḵni ta igammuwonni dayaw ḵan ḵabooḻan Apudyus we maila ḵan Kristu.

Galatians 3:3

Nadongdong-ogan ḵayu ḵamman? Ummunae namati ḵayu ḵan Apudyus mipagapu'tte Ispiritu Santu. Pun sinsadi, ngaipayu ḵanane lamogyu baliwan da long-agyu ta naippun angkuranganyu mipagapu'tta mismu we ḵabooḻanyu?

Galatians 4:3

Ḵatti naḵwa ḵan ditaḵu, sa timpu we isu taḵun abeng te daantaḵupun yan maawatan tuttuwae mituttudu, nammusassuwon ditaḵu gapu'tta ug-ugali mipanggob atta lawwenge ispiritu si annae lubung.

Ephesians 1:17

Ḵad ḵodaḵodawoḵ si madaydayawe Ama taḵu we Apudyus ḵan aman Apu taḵu we Jesu Kristu mipagapu si Ispiritu Santu we ittona oḵyan ḵan diḵayu ḵinalaing ḵan ipaigammuna mipanggob ḵan siya.

2 Timothy 2:19

Yaḵon taḵon ay nu awad da isudae angituttudu si tinutuli, adipun paat mabaliwan tuttuwae Ugud Apudyus te isun di ampagdot nisaadanae tinaḵad Apudyus we adipun paat magitot. Awad de nigili ye ḵanana, “Igammun Apudyus da tagu we ḵuwana.” Sa osa bose nigili si awe, ḵanana, “Nu ngai ḵananae namati ḵan Apu, ḵasapuḻane an-awidana da lawweng.”

Hebrews 7:18

Pun niwalin dadaane lintog te anḵuya ya naippun anuna.

2 Peter 2:20

Nu maabuse miligsida'tte ḵinalawenge antatagun da tagu we adipun amati mipagapu si nangigammuwanda ḵan Jesu Kristu we Apu taḵu ya Anagu ḵan ditaḵu ya mipaulida bose ambalin aḵ musassu ḵan maabaḵ atta gagangaye basuḻda, sillumaweng anungus ni ḵasasaadda nu sa damu.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.