Galatians 4:3 - Sa Ugud Apudyus

³ Ḵatti naḵwa ḵan ditaḵu, sa timpu we isu taḵun abeng te daantaḵupun yan maawatan tuttuwae mituttudu, nammusassuwon ditaḵu gapu'tta ug-ugali mipanggob atta lawwenge ispiritu si annae lubung.

Galatians 4:3 ပူးပေါင်းရင်းမြစ်များ

Matthew 11:28

“Diḵayu losane naayong ḵan ampaḵaḻam, awwayyu ḵan saḵon ta paillongoḵ diḵayu.

John 8:31

Pun ḵanan Jesus atta Judyu we namati ḵan siya, “Nu pagatupanyu patiyon da losane intuttuduḵ, diḵayu da tuttuwae disipuluḵ.

Acts 15:10

Sinsadi, ngaipayu padason aḵ Apudyus atte angibag-anyu we ḵasapuḻane tuttuwaonda da losane ugali taḵu? Te taḵon ay da danaḵḵoḻ taḵu ya ditaḵu sinsana, aditaḵupun lamog tuttuwaon dida.

Romans 7:14

Igammu taḵu we sa lintog naispirituwan. Yaḵon taguwaḵe abus, ninginae isun di musassun ni basuḻ.

Romans 8:15

Te sa Ispiritu we innatod Apudyus ḵan ditaḵu, adinapun ditaḵu nambalinon aḵ musassu we umogyate isun ni ḵasasaad taḵu si awe yaḵon nambalinon ditaḵu'ḵ abeng Apudyus. Pun gapu'tte ḵabooḻan ni Ispiritu Santu, maḵwa ḵanan taḵu ḵan Apudyus we Ama!

2 Corinthians 11:20

Te anuanusanyu dida nu ambalinon diḵayu'ḵ musassu baḵon nu gundawayan diḵayu, siḵapanda diḵayu, ampasindayawda ḵan diḵayu ya lipaḵonda da bosaḻyu.

Galatians 2:4

Ummoy ḵani sidi gapu'tta allolloḵḵone namatida ḵan Kristu, da sanae tagu nidogada ḵan diḵani ta ansiputda ta igammuwonda nawayawayaanni gapu'tte niyossaananni ḵan Jesu Kristu. Piondae ambalin ḵani'ḵ musassu.

Galatians 3:19

Gapu ta aditaḵupun inawat da inkarin Apudyus si nanuttuwaan taḵu si lintog, ḵanan da udume an-imus ngai tuttuwae usar ni lintog? Iyyun-unud Apudyus indoga'tta inkarina ta maawatan da tagu we naḵabasuḻda. Sa panggobna ḵad, mapagatupan sanae lintog inggana si umaliyan ni ganaḵ Abraham, siya'ḵ Kristu we inkarina. Sa lintog, imbuun Apudyus da anghelna'ḵ umoy angiyugud ḵan Moses ya asin Moses imbaga'tta tagu.

Galatians 4:2

Yaḵon sissiyae awad de anatangḵon ḵan siya ya awad os de anatangḵon atta binaḵnang amana inggana'ḵ dumatong timpu we iyawat amana ḵan siya da tawidona.

Galatians 4:24

Sa annae naḵwa, naadaḻom piona ḵanan te da duwae bubai maḵwae mipanida'tta duwae tuḻage ḵingwan Apudyus atta tagu. Sa osae tuḻag siya lintoge innatodna ḵan Moses atte beleg Sinai ye awad ad Arabia. Sa nipani si annae tuḻag, aḵ Hagar te siya ya da abengna musassuda ḵad isuna bose da abeng ni tuḻag, musassuda bos, sa piona ḵanan, da angibatay si mataguwanda si angunudanda'tte lintog.

Galatians 4:25

Aḵ Hagar, maḵwa bose mipani si beleg Sinai ad Arabia we naḻpuwan ni lintog ya sa siyudad ad Jerusalem sinsana te da umili'd Jerusalem ya da losan ose Judyu we antaḻgod atte lintog Moses, anserbida'tte sadi ye lintoge isun ni musassu.

Galatians 4:31

Pun susunudḵu ḵan Kristu, annaya mungimung ni inugudḵu: aditaḵupun nibelange abeng ni musassu yaḵon ditaḵu da abeng ni daḵampun aḵ musassu.

Galatians 4:8

Sa awe ye daanyupun angigammuwan ḵan Apudyus, isuyu musassu we anserserbi'tta sinan-apudyus.

Galatians 4:9

Yaḵon sinsana inigammuyu'ḵ Apudyus baḵon nu inigammuna diḵayu, ngaipayu bos ḵasin sanguwon da ug-ugalin da tagu si annae lubunge inunudyu? Adiyupun ḵamman igammu we naippun ḵabooḻandae anagu ḵan diḵayu ya naippun ittonda'ḵ bindisyun? Ngaipayu bos pione anserbi ḵasin ḵan didae isun di musassu?

Colossians 2:20

Nu naḵaḵatoy ḵayu ḵan Kristu, napuḵayan ḵayu'tta biline ḵingwan da tagu sina'd luta. Pun ngaipa sissiyae unudonyu da ug-ugalin da tagu si annae lubung mipanggob atta lawwenge ispiritu? Ḵad ngaipayu tuttuwaon da bilindae isun da anna:

Colossians 2:8

Ilanyu ta adi ḵayu maallelawe angunud si daḵampun aḵ tuttuwae tuttudu we naippun anuna te da sanae tuttudu we maḵaallelaw atta tagu, daḵampun ḵan Kristu naḻpuwana yaḵon da ug-ugalin da tagu si awe ya da bilin sina'd luta.

Hebrews 5:12

Nabayage namati ḵayu ya labbongyu oḵyane antuttudu'tta udum yaḵon inggana sinsadi ḵasapuḻanyu bos ḵasin angituttudu ḵan diḵayu si ummunae tuttudu mipanggob si Ugud Apudyus. Isuyu da abenge ḵasapuḻan da gatas ya adidapun lamog ḵanon anḵosdoḻ.

Hebrews 7:16

Nambalin aḵ padi mipagapu si ḵabooḻan ni biyage ippun patinggana, daḵampun aḵ gapu'tte lintoge mipanggob atte ḵapuun.