Galatians 4:29 - Sa Ugud Apudyus

²⁹ Atte sadi ye timpu, sa abenge daḵampun aḵ nakaskasdaaw niyanaḵana, nampaḵaḻamona'ḵ Isaac we niyanaḵ gapu si ḵabooḻan ni Ispiritu Santu. Siya bos maḵwa sinsana te da musassun ni lintog, ampaḵaḻamonda ditaḵu we daḵampun aḵ musassu.

Galatians 4:29 ပူးပေါင်းရင်းမြစ်များ

John 15:9

“Ayatoḵ diḵayu we isun ni an-aayat Amaḵ ḵan saḵon. Pun iinggaw ḵayu ḵan saḵon ta padasonyu ayatḵu.

John 3:5

Ḵanan Jesus, “Ibagaḵ ḵan siḵa ḵatuttuwaan, adipun maḵwae midoga tagu si ampangatan Apudyus nu adi miyanaḵ atte danum ya sa Ispiritu Santu.

Romans 8:1

Pun sinsadi ḵan ditaḵu losane nidoga ḵan Jesu Kristu, aditaḵupun maḵoddongan aḵ madusa.

Romans 8:13

Te nu tuttuwaon taḵu da pipion da long-ag taḵu, matoy taḵu ḵad misina taḵu ḵan Apudyus aḵ inggana. Yaḵon nu an-awidan taḵu da pipion da long-ag taḵu mipagapu'tte ḵabooḻan ni Ispiritu Santu, matagu taḵu'ḵ inggana.

Galatians 4:23

Sa abeng ḵad ni musassu, daḵampun aḵ nakaskasdaaw niyanaḵana yaḵon sa abeng ni gattoḵe asawanae daḵampun aḵ musassu, niyanaḵ gapu si inkarin Apudyus ḵan Abraham.

Galatians 5:11

Yaḵon saḵon ḵad susunudḵu ḵan Kristu, awad da udume angibagae sissiyae ituttuduḵe ḵasapuḻane tuttuwaon taḵu lintog mipanggob si sogyat ta mibelang taḵu'ḵ naun-unan ḵan Apudyus. Yaḵon sa ḵatuttuwaan, adiḵpun ituttudu sogyat te da Judyu sissiyae ampaḵaḻamonda saḵon. Ḵad nu ituttuduḵe ḵasapuḻane masogyatan da tagu, ippun ogon lasunda'ḵ anasanga ḵan saḵon te adiyaḵpun ogon antuttudu we siya abus aḵ mataguwan taḵu mipagapu si natoyan Kristu atte kros.