Galatians 4:26 - Sa Ugud Apudyus

²⁶ Yaḵon sa bubai ye daḵampun aḵ musassu, mipani'tte baru we Jerusalem we siyudade inggawan Apudyus. Siya isun di ina taḵu losane namati.

Galatians 4:26 ပူးပေါင်းရင်းမြစ်များ

John 8:36

Pun nu puḵayan ni Abeng Apudyus diḵayu, tuttuwae mapuḵayan ḵayu.

Romans 6:14

Te daḵampun ogon aḵ sa basuḻ angituray ḵan ditaḵu te sinsadi, sa mibatayan ni mataguwan taḵu daḵampun si anuttuwaan taḵu'tte lintog yaḵon sa ḵinabaḻun Apudyus.

Romans 6:18

Napuḵayan ḵayu'tte basuḻ ḵad nambalin ḵayu'ḵ musassun ni maun-unan.

Galatians 4:22

Te nigili si Ugud Apudyus we duwa da abeng Abraham we laḻaḵi. Sa osa abeng Hagar we musassu ya sa osa abeng Sarah we gattoḵe asawanae daḵampun aḵ musassu.

Galatians 4:25

Aḵ Hagar, maḵwa bose mipani si beleg Sinai ad Arabia we naḻpuwan ni lintog ya sa siyudad ad Jerusalem sinsana te da umili'd Jerusalem ya da losan ose Judyu we antaḻgod atte lintog Moses, anserbida'tte sadi ye lintoge isun ni musassu.

Galatians 5:1

Pun tuttuwae pinuḵayan Kristu ditaḵu! Piona ugudone napuḵayan taḵu. Pun gogomgomanyu oḵyan ya adiyu ogon iyunude ambalin ḵayu'ḵ musassu.

Philippians 3:20

Yaḵon ḵan ditaḵu, ad langit ustu we ili taḵu ḵad siya bos maḻpuwan ni uuwayon taḵu we aḵ Apu Jesu Kristu we anagu ḵan ditaḵu.

Hebrews 12:22

Yaḵon ummadani ḵani si beleg Zion ya sa siyudad ni matattagu we Apudyus ya sa baru we Jerusalem we awad ad langite madagudagupan da ḵalibulibu we anghel we andayaw ḵan siya.

1 Peter 2:16

Ipailayu si antataguyu we napuḵayan ḵayu we tagu yaḵon adiyu usaron napuḵayanyu'ḵ lasunyu we angwa si lawweng yaḵon maila oḵyan si antataguyu we sammilun diḵayu ḵan Apudyus.

Revelation 12:1

Pune sadi, nampaila nakaskasdaawe sinyal ad langit. Te nampaila bubai ye nasilupan atte isuna siling ni inite summisiḵad atte soḻag. Nakoronaan atta nasawaḻan aḵ duwae bituwon.

Revelation 17:5

Sa ngadanna ḵade nigili'tte ḵidayna, adipun maigammu piona ḵanan. Ḵanana, “Babylon we nandindinamage inan da puta ya maḻpuwan da losane ḵaissawe naḵwa'd luta.”

Revelation 21:2

Innilaḵ os baru we Jerusalem we sa siyudad Apudyus. Sa baru we Jerusalem we maḻpu ḵan Apudyus ad langit. Sa sanae siyudad, naganggangpute nisaganae isuna bubai ye nansilup atte maḵaawise silupe umoy miyabot atte angasawa ḵan siya.

Revelation 3:12

Sa tagu we oḻgona lawweng, ambalinoḵ aḵ aliḵin ni templo we boḻoy Apudyus ḵad adipun paat magitot aḵ inggana. Maḻḵaaḵ os si ngadan Apudyus we Apuḵ ya sa ngadan ni siyudadna, sa baru we Jerusalem we dumoḻae maḻpu ḵan siya'd langit. Maḻḵaaḵ os atte baru we ngadanḵu.