Galatians 4:25 - Sa Ugud Apudyus

²⁵ Aḵ Hagar, maḵwa bose mipani si beleg Sinai ad Arabia we naḻpuwan ni lintog ya sa siyudad ad Jerusalem sinsana te da umili'd Jerusalem ya da losan ose Judyu we antaḻgod atte lintog Moses, anserbida'tte sadi ye lintoge isun ni musassu.

Galatians 4:25 ပူးပေါင်းရင်းမြစ်များ

Matthew 23:37

Pune sadi ḵanan Jesus, “Atoḵayu paye iJerusalem, diḵayu nanggongat atta profeta ḵan namatubatu'tta imbuun Apudyus! Nangampigae pioḵ dagupon diḵayu ḵan saḵon ta ayyuwanaḵ diḵayu we isun ni analsaliponponan ni mangaḻaḵ atta issiwna'tta payaḵna yaḵon adiyupun pion.

Luke 13:34

Pune sadi ḵanan Jesus, “Atoḵayupaye iJerusalem, diḵayu nanggongat atta profeta ḵan namatubatu'tta imbuunna! Nangampigae pioḵ dagupon diḵayu ta ayyuwanaḵ diḵayu we isun ni analsaliponponan ni mangaḻaḵ atta issiwna'tta payaḵna yaḵon adiyupun pion.

Luke 19:44

Aminonda dadailon iliyu ya da losane tagu. Ḵad maamin miwalis da sana ta naippun mabun-an taḵon ay ossaane batu si igawna te adiyupun binigbig umaliyan Apudyus we anagu ḵan diḵayu.”

Acts 1:11

woḵ ḵananda, “Diḵayu we naḻpu'tte probinsiya'd Galilee, ngaipa ḵayu sisiḵad sinae tatangngadonyu'd langit? Aḵ Jesus we innilayu we nipangatu'd langite naḻpu ḵan diḵayu, mipauli bose iissuna nangil-anyu si ḵesanana'd langit.”

Galatians 1:17

Adiyaḵpun os ummoy ad Jerusalem naḵaug-uggud atta apostol we ummun-una nu saḵon yaḵon ummoyaḵ ad Arabia. Unipun nampauliyaḵ ḵasin ad Damascus.

Galatians 4:24

Sa annae naḵwa, naadaḻom piona ḵanan te da duwae bubai maḵwae mipanida'tta duwae tuḻage ḵingwan Apudyus atta tagu. Sa osae tuḻag siya lintoge innatodna ḵan Moses atte beleg Sinai ye awad ad Arabia. Sa nipani si annae tuḻag, aḵ Hagar te siya ya da abengna musassuda ḵad isuna bose da abeng ni tuḻag, musassuda bos, sa piona ḵanan, da angibatay si mataguwanda si angunudanda'tte lintog.

Galatians 4:26

Yaḵon sa bubai ye daḵampun aḵ musassu, mipani'tte baru we Jerusalem we siyudade inggawan Apudyus. Siya isun di ina taḵu losane namati.

Hebrews 12:18

Sa ummadaniyanyu ḵan Apudyus, daḵampun aḵ isun ni ummadaniyan da iyIsrael si beleg ad Sinai we inggawan ni gumilgillayabe apuy, giḵbot ḵan bali.