Galatians 4:17 - Sa Ugud Apudyus

¹⁷ Da sadi ye angituttudu si daḵampun aḵ tuttuwa, paspas-oman diḵayu si an-awisanda yaḵon lawweng panggobda, piondae misina ḵayu ḵan saḵon ta dida abus aḵ dongngonyu.

Galatians 4:17 ပူးပေါင်းရင်းမြစ်များ

Matthew 23:15

“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te andoḻdoḻmang ḵayu'tta baybaye umoy atta adayu we ili ta awad awisonyu'ḵ taḵon ay ossaan ta ambalin aḵ disipuluyu. Ḵad nu gangputonyu tuttuduwan sadi ye tagu, nambalin aḵ lawwelawweng ḵad amo madusa'd infiernu nu sa madusaanyu.

Romans 10:2

Mataḵdoḻaḵe isisimoḵdae anserbi ḵan Apudyus yaḵon adidapun igammu ustu we inondae anserbi ḵan siya.

Romans 16:18

Te da ḵassadi ye tagu, daḵampun ḵan Apu taḵu we Kristu anserbiyanda yaḵon da long-agda ya da pipionda. Ḵad mipagapu'tte allin-awae an-uugudda ya ḵinasiḵapda, allelawonda da tagu we ippun ḵon igammuda.

1 Corinthians 11:2

Idayawḵu diḵayu te pasigyu saḵon isisimoḵ atta losane ḵoonyu ḵad pagatupanyu unudon da tuttudu we intuttuduḵ ḵan diḵayu.

1 Corinthians 4:18

Awad ḵanu da udume ampasindayaw ḵan diḵayu te ḵanandapun nu adiyaḵpun umali ḵan diḵayu.

1 Corinthians 4:8

Atoḵayu paye iCorinth! Ḵananyu ḵammane wadawad da ḵasapuḻanyu? Bummaḵnang ḵayu tuwa! Ḵad taḵon ay nu naidḵanipun, nambalin ḵayu'ḵ ari! Ambaḻu oḵyan nu tuttuwae nambalin ḵayu'ḵ ari ta midoga ḵani si ampangatanyu!

2 Corinthians 11:3

Yaḵon umogyataḵ aḵ maallelaw somsomoḵyu ya maawis ḵayu'tta sabali ye tuttudu ḵad nan-awidanyu sipupusu ḵan ampoḻḵase somsomoḵyu ḵan Kristu we isuna naḵwa ḵan Eve we inallelaw ni uḻog.

Galatians 4:16

Pun sinsadi, ambalinaḵ aḵ ḵabusuḻyu gapu ta imbagaḵ ḵan diḵayu ḵatuttuwaan.

Galatians 4:18

Ustu masosomḵan tagu si buḻunna amod ay nu ambaḻu panggobnae isun ni ḵooḵ ḵan diḵayu, annaaḵ man baḵon nu naidaḵpun.

Philippians 2:21

Te da udume tagu, siya abus aḵ singsingtonda pipion ni somsomoḵda, daḵampun si pinion Jesu Kristu ḵoonda.

2 Peter 2:18

Amod pagay os soḵaḻdae angibagabaga'tta ippun patogdae ugud. Usaronda da pipion ni long-agda'ḵ anulisug ya angawis atta tagu we ḵaḵ-isaḻaddae namati ya ḵaḵ-iwaḻangda'tta maḵabasuḻan ya da ugali ye ḵoḵoḵḵon da tagu.

2 Peter 2:3

Ḵad gapu si ḵamommodda, da sanae tagu tultulliyan diḵayu si nangnangwada'ḵ ug-uggud ḵad usaronda diḵayu ta angaḻ-anda'ḵ pilaḵda. Yaḵon nabayage naḵasagana dusada ya adipun masuyop anadail ḵan dida.