Galatians 4:15 - Sa Ugud Apudyus

¹⁵ Amod de layadyu! Ngai naḵnaḵwa? Maḵwae ibagaḵ anna mipanggob ḵan diḵayu: Nu maḵwa ḵad oḵyan, inuḵityu da atayu ta ittonyu ḵan saḵon.

Galatians 4:15 ပူးပေါင်းရင်းမြစ်များ

Luke 8:13

Da naottag atte bibbisil, isuda da tagu we dingngoḻda ḵad Ugud Apudyus, allaylayaddae nangawat. Yaḵon adipun lummamut atta somsomoḵda. Amatida'ḵ sin-aḵitan, ḵad nu dumatong ampaḵaḻaman, iwaḻangda pammatida ḵan Apudyus.

Romans 10:2

Mataḵdoḻaḵe isisimoḵdae anserbi ḵan Apudyus yaḵon adidapun igammu ustu we inondae anserbi ḵan siya.

Romans 15:13

Iluwaḻuḵ ḵan Apudyus we maḻpuwan ni namnama taḵu ta ittona ḵan diḵayu amode layad ḵan lin-awan da somsomoḵyu gapu si namatiyanyu ta pumigsa namnamayu mipagapu si ḵabooḻan ni Ispiritu Santu.

Romans 5:2

Gapu si pammati taḵu ḵan siya, nidoga taḵu si ḵinabaḻun Apudyus we laḵlaḵ-amon taḵu sinsana ḵad allaylayad taḵu te namnamaon taḵu we midoga taḵu si ḵinangatun Apudyus.

Romans 9:3

Te nu maḵwa oḵyan, taḵon ay saḵon mipasani'tta susunudḵu we ganaḵ Israel madusa ya misina ḵan Kristu ta mataguda.

2 Corinthians 8:3

Te taḵdoḻaḵe daḵampun aḵ mibatay si labbongdae itton yaḵon amo dinog-anda ḵad naḻpu'tte somsomoḵdae piondae angitod.

Galatians 3:14

Mipagapu ḵan Jesu Kristu, binindisyunan Apudyus da Gentil we isun ni bindisyune inkarina ḵan Abraham ta ditaḵu we namati awaton taḵu oḵyan nikari ye Ispiritu Santu gapu si pammati taḵu.

Galatians 4:14

Ḵad taḵon ay nu nampaḵaḻam ḵayu gapu si anḵuḵuyaaḵ, adiyupun inamsew baḵon nu indiyan saḵon. Yaḵon sa ḵingwayu, minangiliyaḵe isun di anghel Apudyus baḵon nu aḵ Jesu Kristu we mismu.

Galatians 4:16

Pun sinsadi, ambalinaḵ aḵ ḵabusuḻyu gapu ta imbagaḵ ḵan diḵayu ḵatuttuwaan.

Galatians 4:19

Gapu ḵan diḵayu ay-ayatoḵe aabeng, ampaḵaḻamaḵ ose isun ni inae anggumut inggana'ḵ awad ḵan diḵayu ugalin Kristu.

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

Galatians 6:4

Pun ḵasapuḻane sa sin-ossaossa usigona nu ustu pagay da ḵoona. Te nu ustu, maḵwae isḵaḻna long-agnae mismu we adinapun iyis-isu'tta ḵoon da buḻunna.

Colossians 4:13

Taḵdoḻaḵe ipapuutnae anḵewaaḻ para ḵan diḵayu ya da awad ad Laodicea ya Hierapolis.

1 Thessalonians 2:8

Gapu'tte amode ayatni ḵan diḵayu, allaay ḵani ye nangibillay ḵan diḵayu. Ḵad daḵampun aḵ abus Ambaḻu we Damag we naḻpu ḵan Apudyus yaḵon midoga biyagni gapu ta patpatgonni diḵayu.

1 Thessalonians 5:13

Ḵasapuḻane patganyu dida ḵad ipailayu ayatyu gapu'tte ḵewaaḻda ya awad oḵyan atte sin-ossaossa ḵan diḵayu lin-awa.