Galatians 4:13 - Sa Ugud Apudyus

¹³ Sosomḵonyu ḵad, sa gapun ni inunaḵ iwwaḻagawag Ambaḻu we Damag ḵan diḵayu, anḵuya long-agḵu pun inninggawaḵ ḵan diḵayu sinat.

Galatians 4:13 ပူးပေါင်းရင်းမြစ်များ

Matthew 4:23

Ginaḵay Jesus da losane ili'tte probinsiya'd Galilee woḵ nantuttudu'tta sinagogada. Iwwaḻagawagna Ambaḻu we Damag mipanggob si ampangatan Apudyus. Ḵinaanna da nankalakalasi ye saḵit ḵan ampaḵaḻaman da tagu.

Acts 16:6

Pun ummoy da Paul atte probinsiya'd Phrygia ya sa probinsiya'd Galatia te adimpun ni Ispiritu Santu iyyunud didae umoy angiwaḻagawag atte Ugud Apudyus si probinsiya'd Asia.

1 Corinthians 2:3

Sa inninggawaḵ ḵan diḵayu, anḵuya long-agḵu ya amilpilpilaḵ atte ḵimutḵu.

2 Corinthians 10:10

Awad nin da udum ḵan diḵayu we ḵanandae antuḻodaḵe anuḻat atta pioḵ ibaga ḵan diḵayu yaḵon nu annaaḵ si sinagungyu anḵuyaaḵ ya ippun os anun da ibagaḵ.

2 Corinthians 11:30

Nu ḵasapuḻane ansoḵaḻaḵ, siya isḵaḻḵu da banage angipaila si ḵinaḵuyaḵ.

2 Corinthians 11:6

Taḵon ay nu daḵanaḵpun aḵ nalainge an-ugud, adiyaḵpun angkurang atte igammu si mipanggob ḵan Apudyus. Ḵad impaḵaawatni ḵan diḵayu we tuttuwa da sana'tta losane timpu we nantuttuduwanni ḵan diḵayu.

2 Corinthians 13:4

Te taḵon ay nu awad osa'ḵ ḵananae anḵuya'ḵ Kristu atte natoyana'tte kros, matattagu gapu'tte ḵabooḻan Apudyus. Pun isuna bos ḵan diḵani ye isunin anḵuya gapu si niyossaananni ḵan Kristu yaḵon nu mipanggob si ḵoonni ḵan diḵayu, ipailani ḵabooḻanae naḻpu ḵan Apudyus gapu si maḵabuḻbuḻunanni ḵan Kristu atte matattaguwana.

Galatians 1:6

Nataagaḵ si daguse nan-awidanyu'ḵ Apudyus we namili ḵan diḵayu mipagapu si ḵinabaḻun Kristu ḵad siya unudonyu sabali ye tuttudu we ḵanan da udume ambaḻu we damag.

Galatians 4:12

Susunudḵu ḵan Kristu, anusanyu ḵappos unudon saḵon te nambalinaḵ aḵ isuyu we Gentil we napuḵayan si lintog Moses. Ḵad ambaḻu nangwayu ḵan saḵon atte awe.

Galatians 4:14

Ḵad taḵon ay nu nampaḵaḻam ḵayu gapu si anḵuḵuyaaḵ, adiyupun inamsew baḵon nu indiyan saḵon. Yaḵon sa ḵingwayu, minangiliyaḵe isun di anghel Apudyus baḵon nu aḵ Jesu Kristu we mismu.

Galatians 4:18

Ustu masosomḵan tagu si buḻunna amod ay nu ambaḻu panggobnae isun ni ḵooḵ ḵan diḵayu, annaaḵ man baḵon nu naidaḵpun.