Galatians 3:19 - Sa Ugud Apudyus

¹⁹ Gapu ta aditaḵupun inawat da inkarin Apudyus si nanuttuwaan taḵu si lintog, ḵanan da udume an-imus ngai tuttuwae usar ni lintog? Iyyun-unud Apudyus indoga'tta inkarina ta maawatan da tagu we naḵabasuḻda. Sa panggobna ḵad, mapagatupan sanae lintog inggana si umaliyan ni ganaḵ Abraham, siya'ḵ Kristu we inkarina. Sa lintog, imbuun Apudyus da anghelna'ḵ umoy angiyugud ḵan Moses ya asin Moses imbaga'tta tagu.

Galatians 3:19 ပူးပေါင်းရင်းမြစ်များ

Luke 16:31

“Yaḵon ḵanan Abraham, ‘Nu adida amati'tta inggilin Moses ya da profeta, adidapun os maawise amati taḵon ay nu awad umuli ye maḻpu'tta natoy.’ ”

John 1:17

Innatod Apudyus lintog mipagapu ḵan Moses yaḵon mipagapu ḵan Jesu Kristu we pinilin Apudyus aḵ Anagu ya An-ari, impailana ḵinabaḻu ḵan ḵatuttuwaan mipanggob ḵan siya.

John 15:22

Naippun oḵyan maḵabasuḻanda nu adiyaḵ ummali ya naḵaugud ḵan dida. Yaḵon sinsadi, ippun ogon allasunda'tta basuḻda.

Acts 7:38

Inninggaw si gimung da danaḵḵoḻ taḵu si bumbummaawe sa naḵaugudan ni anghel ḵan siya'tte beleg Sinai woḵ inawatna matattagu we Ugud Apudyus ta ittona ḵan ditaḵu.

Acts 7:53

Diḵayu da nanawid atte lintoge innatod Apudyus ḵan ditaḵu mipagapu'tta anghel yaḵon adiyupun tinuttuwa.”

Romans 2:13

Te sa tagu adipun maun-unan atte antotollong Apudyus gapu'tte andongoḻana'tte lintog yaḵon sa anuttuwaana.

Romans 4:15

Te sa lintog ambanag si sumang-an Apudyus ḵan ditaḵu te aditaḵupun lamog tuttuwaon. Yaḵon nu naippun lintog naippun malisalis.

Galatians 3:16

Sinsadi, inkarin Apudyus ḵan Abraham ya sa ganaḵna. Sa ugude ganaḵ atte Ugud Apudyus, daḵampun atta adu we ganaḵ piona ugudon yaḵon sa ossaane ganaḵnae aḵ Kristu.

Hebrews 2:2

Napanoḵnoḵane tuttuwa da bilinnae impaigammun da anghel si awe ya ngaimane adipun tummuttuwa, nilaḵ-amda dusae ustu baḵon nu mibagay.

Hebrews 2:5

Daḵampun atta anghel pinilin Apudyus aḵ angipangat si baru we antatagun da tagu we imbagabagani yaḵon sa tagu.