Galatians 3:17 - Sa Ugud Apudyus

¹⁷ Annaya pioḵ ḵanan: Naḵatuḻag aḵ Apudyus ḵan Abraham woḵ inkarinae ituttuwana sanate tuḻag. Sa lintoge naitod atte naḻaḵpus opat gasut ya tuḻumpuḻu we tawon, adimpun ni sanate tuḻag lamog lisalison inkarin Apudyus.

Galatians 3:17 ပူးပေါင်းရင်းမြစ်များ

John 1:17

Innatod Apudyus lintog mipagapu ḵan Moses yaḵon mipagapu ḵan Jesu Kristu we pinilin Apudyus aḵ Anagu ya An-ari, impailana ḵinabaḻu ḵan ḵatuttuwaan mipanggob ḵan siya.

Acts 7:6

Imbagan Apudyus ḵan siyae da ganaḵna asida umoy atte sabali ye ili. Ḵad ambalinonda dida'ḵ musassu ya mapaḵaḻamda'ḵ opatgasute tawon.

Romans 3:25

Indatun Apudyus aḵ Jesu Kristu aḵ matoy ta pumoy-as daḻana'ḵ mapakawanan da basuḻ da amati. Ḵingwana ḵaḵna'ḵ angipail-ana si ummun-unana te sa awe si daan Jesus umaliyan, inan-anusana da tagu we adinapun daguse dinusa dida'tta basuḻda.

Romans 3:3

Yaḵon ngai inona nu da udum ḵan ditaḵu adidapun mataḻgodan atta ibagada? Piona ḵad ain ḵanane adipun aḵ Apudyus mataḻgodan atta inkarina?

1 Corinthians 1:12

Sa pioḵ ugudon, nansabasabali ibagayu te ḵanan da udum, “Aḵ Paul unudonni,” ḵad ḵanan da udum, “Aḵ Apollos unudonni,” ya ḵanan os da udum, “Aḵ Peter unudonni.” Ḵad ḵanan da udum, “yaḵon diḵani ḵad, aḵ Kristu unudonni.”

1 Corinthians 1:17

Te daḵampun aḵ imbuun Jesu Kristu saḵon aḵ umoy ambonyag yaḵon ta iwaḻagawagḵu Ambaḻu we Damag. Ḵad adiḵpun inusar nainlubungane ḵinalaing nu an-ugudaḵ ta adi maḵaan ḵabooḻan ni natoyan Kristu atte kros.

1 Corinthians 10:19

Pioḵ ḵamman ibagae matattagu da sinan-apudyus ya awad ḵamman nansabaliyan da nidatun ḵan dida ya da udume maḵan?

1 Corinthians 7:29

Susunudḵu ḵan Kristu, sa pioḵ ibaga ḵan diḵayu daḵampun aḵ iinggaw taḵu sina'd lutae anserbi ḵan Apu Jesus. Pun inggana sinsana diḵayu we naasaw-ane laḻaḵi, ibelangyu we isun di ippun asawayu.

2 Corinthians 1:20

Te aḵ Jesu Kristu nituttuwaan da losane inkarin Apudyus. Pun mipagapu ḵan siya, ḵanan taḵu we “Amen” ḵan Apudyus ta madayawana.

2 Corinthians 9:6

Somsomḵonyu anna. Sa tagu we aḵit immuḻana, aḵit os apitona. Yaḵon sa tagu we adu immuḻana, adu bos apitona.

Galatians 3:15

Susunudḵu ḵan Kristu, sosomḵonyu ḵad annae pani ye mipaniyan ni inkarin Apudyus ḵan Abraham. Sa ugali taḵu we tagu, nu awad tuḻagan aḵ napilmaane ustu, adipun maḵwae lisalison baḵon nu dog-an.

Galatians 3:21

Piona ḵad ain ugudone misullagi lintog atta inkarin Apudyus? Naid! Adipun maḵwa! Adidapun misullagi, abus nansabali da panggob Apudyus we nangipaigammu ḵan dida. Te nu innatodna oḵyan lintoge maḵwae angitod si biyag aḵ inggana, maḵwa maun-unan da tagu gapu si anuttuwaanda'tte sadi ye lintog.

Galatians 5:16

Annaya ibagaḵ ḵan diḵayu, paidaḻan ḵayu si Ispiritu Santu te nu ḵatti ḵoonyu, adiyupun tuttuwaon pipion da long-agyu.

Galatians 5:4

Pun diḵayu we amappadas anuttuwa'tte lintog ta maun-unan ḵayu, naabuse nisina ḵayu ḵan Kristu ḵad nan-awidanyu ḵinabaḻun Apudyus.

Ephesians 2:12

Sosomḵonyu we sa awe, nisisina ḵayu ḵan Kristu. Nanaḻsin ḵayu'tta ganaḵ Israel we pinilin Apudyus aḵ taguna. Adiḵayupun os nidoga si intuḻag Apudyus we inkarina'tta tagunae awad de umali ye anagu ḵan dida ya diḵayu we tagu we adipun amati ippun namnamayu ḵan ippun Apudyusyu.

Ephesians 4:17

Pun gapu si ḵaḻabbongane innatod Apu ḵan saḵon, ipatutḵu we adi taḵu oḵyan mabiyage isun da tagu we adipun amati ḵan Apudyus te ippun anun da somsomoḵda.

Colossians 2:4

Imbagaḵ da anna ḵan diḵayu ta adi ḵayu maallelaw atta nalalainge umallelawe daḵampun aḵ tuttuwa da ibagabagada.

Hebrews 11:13

Namati losan da sanae tagu ḵan Apudyus inggana'ḵ natoyda. Ḵad taḵon ay nu adidapun inawat da inkarin Apudyus si matattaguwanda, isun di oottapondae abus nu ngai maatod ḵan dida si umali ye aḻgaw taḵon ay nu manunnuwan mituttuwaanda. Binigbigdae mangilidae abuse naippun ustu'ḵ ilida sina'd luta.

Hebrews 7:18

Pun niwalin dadaane lintog te anḵuya ya naippun anuna.

1 Peter 1:20

Sa daan ni lubung maḵwaan, pinilin Apudyus aḵ Jesu Kristu aḵ anubut ḵan ditaḵu yaḵon nipaigammu si anungus ni aḻgaw para si bumaḻuwanyu.