Galatians 2:21 - Sa Ugud Apudyus

²¹ Adiḵpun idiyan ḵinabaḻun Apudyus. Nu maun-unan tagu si sinagung Apudyus gapu'tte anuttuwaana'tte lintog, naippun ain anun ni natoyan Kristu!

Galatians 2:21 ပူးပေါင်းရင်းမြစ်များ

Mark 7:9

Pune sadi pinagatupan Jesus woḵ ḵanana, “Aginlalaing ḵayu! An-awidanyu bilin Apudyus ta unudonyu ugaliyu.

Romans 10:3

Te adidapun igammu inon Apudyus we angwa'tta tagu'ḵ maun-unan. Pinadasdae mismu unudon lintog si maun-unanda woḵ indiyanda inon Apudyus we angwa'tta tagu'ḵ maun-unan.

Romans 11:6

Yaḵon nu gapu'tte ḵinabaḻun Apudyus namiliyana ḵan dida, daḵampun ogon atta ambaḻu we ḵingwada. Te nu gapu'tta ambaḻu we ḵingwada namiliyan Apudyus ḵan dida, daḵampun aḵ mipagapu'tte ḵinabaḻuna.

Romans 4:25

Impuḻang Apudyus aḵ matoy aḵ Jesus ta bayad da basuḻ taḵu ya tinaguna ta ibelang Apudyus ditaḵu'ḵ naun-unan.

Romans 8:31

Ḵad gapu ta ḵatti, ngai ḵanan taḵu nu? Nu aḵ Apudyus anna ḵan ditaḵu, ngai ḵallabbong sumullagi ḵan ditaḵu?

1 Corinthians 15:14

Ḵad nu adipun ummuli'ḵ Kristu, naippun anun ni iwwaḻagawagni ya naippun os anun ni amatiyanyu ḵan siya.

1 Corinthians 15:17

Ḵad nu adipun ummuli'ḵ Kristu, naippun anun ni namatiyanyu ḵan siya ḵad sissiyae daampun mapakawan da basuḻyu.

1 Corinthians 15:2

Ḵad sadi bos damage mataguwanyu nu popotpotanyu da pammatiyu nu tuttuwae mibatay pammatiyu si intuttuduḵ ḵan diḵayu.

Galatians 2:16

Yaḵon iniiggammu taḵu we sa antotollong Apudyus, daḵampun aḵ siya angwa si maun-unan ni tagu anuttuwaana'tte lintog te sa pammatina ḵan Jesu Kristu sanat angwa si maun-unana. Siya gapunae taḵon ay ditaḵu we Judyu, namati taḵu ḵan Jesu Kristu ta aḵ Apudyus angwa ḵan ditaḵu'ḵ maun-unan gapu si pammati taḵu we daḵampun si anuttuwaan taḵu si lintog. Te ippun pulus naun-unan si antotollong Apudyus gapu si anuttuwaana si lintog.

Galatians 2:18

Te sa ḵatuttuwaan, ipailaḵe naḵabasuḻaḵ nu ansagungaḵ ya unudoḵ os ḵasin lintoge nan-awidaḵ si awe.

Galatians 3:21

Piona ḵad ain ugudone misullagi lintog atta inkarin Apudyus? Naid! Adipun maḵwa! Adidapun misullagi, abus nansabali da panggob Apudyus we nangipaigammu ḵan dida. Te nu innatodna oḵyan lintoge maḵwae angitod si biyag aḵ inggana, maḵwa maun-unan da tagu gapu si anuttuwaanda'tte sadi ye lintog.

Hebrews 7:11

Ḵad igammu taḵu we innatod Apudyus lintog atta ganaḵ Israel we nibatay atte nandutuḵana'tta ganaḵ Levi we papadi. Sa ḵinapadin Levi adinapun lamoge angwa si tagu'ḵ maun-unan, ḵasapuḻane awad osa'ḵ padi ye umali ye isun ni ḵinapadin Melchizedek, we daḵampun aḵ isun ni ḵinapadin Aaron we ganaḵ Levi.