Galatians 2:20 - Sa Ugud Apudyus

²⁰ Te mibelange naḵaḵatoyaḵ ḵan Kristu atte kros. Pun sinsadi, daḵampun ogon aḵ saḵon matattagu yaḵon aḵ Kristu we anna ḵan saḵon. Sa biyagḵu sinsadi, matattaguwaḵ si pammati atte Abeng Apudyus we nangayat ḵan saḵon ya nangitod si biyagna gapu ḵan saḵon.

Galatians 2:20 ပူးပေါင်းရင်းမြစ်များ

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

Matthew 4:3

Aḵ Satan we pasig sumulisug ummadani ḵan siya woḵ ḵanana, “Nu siḵa Abeng Apudyus, bilinom da annae batu ta ambalinda'ḵ tinapay.”

John 1:49

Pun ḵanan Nathanael, “Mistulu, siḵa Abeng Apudyus! Siḵa Ari'd Israel!”

John 10:11

Ḵanan os Jesus, “Saḵon ambaḻu we antangḵon atta karnero. Sa ambaḻu we antangḵon ittona long-agna'ḵ matoy para'tta tangḵonna.

John 15:13

Sa ḵadaḵoḻane ayat ni tagu, ittona long-agna'ḵ matoy gapu'tta buḻbuḻunna.

John 17:21

Iluwaḻuḵe an-os-ossaanom dida losan. Ama, awadḵa ḵan saḵon ya awadaḵ ḵan siḵa ya awadda oḵyan os ḵan dita ta amati da tagu we siḵa nangibuun ḵan saḵon.

John 3:16

Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.

John 3:35

Te aḵ Ama we Apudyus, ayatona abengna woḵ impuḻangna ḵan siya da losan.

John 6:57

Aḵ Amaḵ we naḻpuwan ni biyag, imbuunaḵ woḵ nataguwaḵ gapu ḵan siya. Pun sadi isun ni angan atte long-agḵu, matagu bos gapu ḵan saḵon.

John 6:69

Namati ḵani ḵan iniiggammuni ye siḵa nasantuwane imbuun Apudyus.”

Acts 8:36

Naaḵatda ḵade nallugan, dummatongda'tte igaw ni danum woḵ ḵanan ni opisyal, “Ilam, annaya danum! Ngai maḵatupod ḵan saḵone pabonyag?”

Acts 9:20

Pun ummoy atta sinagogan da Judyu woḵ daguse insaḻadnae nangiwaḻagawage aḵ Jesus Abeng Apudyus.

Romans 1:17

Te gapu si Ambaḻu we Damag, impaigammun Apudyus inonae angwa'tta tagu'ḵ maun-unan gapu'tte tuttuwae pammatida ḵan siya. Te ḵanan ni nigili si Ugud Apudyus, “Sa tagu aḵ Apudyus angwa si maun-unana mipagapu'tte pammatina, awad ḵan siya biyag aḵ inggana.”

Romans 14:7

Te losan ḵan ditaḵu we namati, daḵampun atte madayawan taḵu singsington taḵu si mataguwan taḵu ya taḵon ay matoyan taḵu.

Romans 3:22

Aḵ Apudyus angwa'tta losane tagu'ḵ maun-unan mipagapu si pammatida ḵan Jesu Kristu. Te adimpun Apudyus laḵsigon ngaimane tagu.

Romans 4:25

Impuḻang Apudyus aḵ matoy aḵ Jesus ta bayad da basuḻ taḵu ya tinaguna ta ibelang Apudyus ditaḵu'ḵ naun-unan.

Romans 5:2

Gapu si pammati taḵu ḵan siya, nidoga taḵu si ḵinabaḻun Apudyus we laḵlaḵ-amon taḵu sinsana ḵad allaylayad taḵu te namnamaon taḵu we midoga taḵu si ḵinangatun Apudyus.

Romans 5:6

Sissiyae ippun ḵabooḻan taḵu we angwa si pinion Apudyus, natoy aḵ Kristu atte ustu we timpu para'tta ḵabasbassuḻan.

Romans 5:8

Yaḵon aḵ Apudyus impailana amode ayatna ḵan ditaḵu si sissiyae ḵabasbassuḻan taḵu, natoy aḵ Kristu para ḵan ditaḵu.

Romans 6:13

Ḵad adi taḵu usaron ngaimane ḵamangay da long-ag taḵu we angwa'ḵ lawwenge isun ni dagus taḵu ḵingwa si daan taḵu amatiyan woḵ nibelang taḵu'ḵ nanattoye patilayun angwa'ḵ basuḻ. Yaḵon idatun taḵu da long-ag taḵu ḵan Apudyus we angwa'tta maun-unane panggobna te sinsadi innatod Apudyus ḵan ditaḵu baru we biyage anserbi ḵan siya.

Romans 6:8

Gapu ta naḵaḵatoy taḵu ḵan Kristu, amati taḵu we midoga taḵu bos ḵan siya matagu'ḵ inggana.

Romans 8:10

Yaḵon nu aḵ Kristu awad ḵan diḵayu, taḵon ay matoy ḵayu te sa ḵatoy dusan ni basuḻ, sa Ispiritu Santu angitod si biyag aḵ inggana te siya nangwa si naun-unanyu.

Romans 8:37

Yaḵon taḵon ay nu maḵwa losan da sadi ḵan ditaḵu, aangngog taḵu mipagapu ḵan Jesu Kristu we nangay-ayat ḵan ditaḵu.

1 Corinthians 6:17

Yaḵon ngaimane niyossaan ḵan Apu, nambalinda'ḵ ossaane ispiritu.

2 Corinthians 1:24

Daḵampun aḵ siya panggobni ipangatanni diḵayu mipanggob si pammatiyu. Yaḵon badanganni diḵayu ta amo lumayad ḵayu te ampigsa pammatiyu.

2 Corinthians 10:3

Te taḵon ay nu abuse tagu ḵani si annae lubunge isuyu, adiḵanipun maḵagubat atta bumusuḻ ḵan diḵani ye isun ni ḵoon da adipun namati.

2 Corinthians 11:10

Sa ḵatuttuwaan anna'ḵ Kristu ḵan saḵon, tuttuwa bose naippun ḵallabbong taḵon ay ngaiman atta losane ili si probinsiya'd Achaia aḵ maḵwae amaginoḵ ḵan saḵone angiyisḵaḻ si anna.

2 Corinthians 13:3

Ḵooḵ anna gapu ta pionyu we mapanoḵnoḵane an-ugud aḵ Kristu mipagapu ḵan saḵon. Te daḵampun aḵ anḵuya'ḵ Kristu we anusa ḵan diḵayu yaḵon ipailana ḵabooḻana ḵan diḵayu.

2 Corinthians 13:5

Awad oḵyan osa ḵan diḵayu usigona long-agna ta ilana nu tuttuwae namati si Ambaḻu we Damag mipanggob ḵan Jesu Kristu. Adiyupun ḵamman igammu we awad aḵ Jesu Kristu ḵan diḵayu? Malaksid nu daḵampun aḵ tuttuwae namati ḵayu ḵan siya.

2 Corinthians 5:14

Te sa ayat Kristu angituray ḵan diḵani ye angwa'tta losane ḵoonni. Te igammuni ye sa os-ossaane tagu we aḵ Kristu, natoy para'tta losane tagu ḵad mibelange naḵaḵatoy da losane tagu ḵan siya.

2 Corinthians 5:15

Natoy aḵ para'tta losane tagu ta da matattagu adidapun ogon ḵoon pipion ni long-agda yaḵon sa pinion Kristu we natoy woḵ natagu ḵasin para ḵan dida.

2 Corinthians 5:7

Te sa pammatini, siya angidaḻan atte biyagni, daḵampun atta maila.

Galatians 1:4

we nangitod si long-agna'tte natoyana ta mapakawan da basuḻ taḵu. Ḵingwana sadi ye mibatay si pinion Apudyus we Ama taḵu ta matagu taḵu ḵan mapuḵayan taḵu ta adi taḵu igunay ya adi taḵu ansomsomoḵ atta isun da ḵoḵoḵḵon da tagu si sanae timpu.

Galatians 2:16

Yaḵon iniiggammu taḵu we sa antotollong Apudyus, daḵampun aḵ siya angwa si maun-unan ni tagu anuttuwaana'tte lintog te sa pammatina ḵan Jesu Kristu sanat angwa si maun-unana. Siya gapunae taḵon ay ditaḵu we Judyu, namati taḵu ḵan Jesu Kristu ta aḵ Apudyus angwa ḵan ditaḵu'ḵ maun-unan gapu si pammati taḵu we daḵampun si anuttuwaan taḵu si lintog. Te ippun pulus naun-unan si antotollong Apudyus gapu si anuttuwaana si lintog.

Galatians 3:11

Pun nalawage ippun ossaan aḵ naun-unan si antotollong Apudyus gapu si anuttuwaana si lintog te nigili si Ugud Apudyus we ḵanana, “Sa tagu we aḵ Apudyus angwa si maun-unana mipagapu'tte pammatina, awad ḵan siya biyag aḵ inggana.”

Galatians 5:24

Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros.

Galatians 6:14

Yaḵon ḵan saḵon, ippun udum aḵ isḵaḻḵu, abus natoyan Jesu Kristu we Apu taḵu'tte kros te gapu si sanate natoyana, da patpatgon da tagu we adipun amati ippun patogda ḵan saḵon ya ippun os patogḵu ḵan dida.

Ephesians 3:17

ya iinggaw oḵyan aḵ Kristu atta pusuyu mipagapu si pammatiyu ḵan siya. Ḵodaḵodawoḵ os ta amo lumamut antataguyu we nisaad atte ayat Apudyus,

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

Ephesians 5:25

Ḵan diḵayu bose lallaḻaḵi, ḵasapuḻane ayatonyu da asawayu we isun ni an-aayat Kristu ḵan ditaḵu we namati. Te sa ḵingwana, innatodna biyagna para ḵan ditaḵu si natoyana,

Philippians 1:21

Te ḵan saḵon, naippun udum aḵ panggobḵu'tte mataguwaḵ yaḵon sa madayawan Kristu. Yaḵon nabaḻbaḻu nu matoyaḵ.

Philippians 4:13

Gapu'tte miyossaanaḵ ḵan Kristu we siya amapigsa ḵan saḵon, lamogḵu ḵoon da losan.

1 Thessalonians 1:10

Ḵad imbagada bose anusanyu uuwayon Abengna we maḻpu'd langit. Siya'ḵ Jesus we impaulin Apudyus ya siya angiligsi ḵan ditaḵu'tte ummamdane sangan Apudyus we dumatong.

1 Thessalonians 5:10

we siya natoy para ḵan ditaḵu ta taḵon ay nu natoy taḵu baḵon nu matattagu taḵu si umaliyana, midoga taḵu matagu ḵan siya'ḵ inggana.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Hebrews 8:3

Da nadutuḵan aḵ ḵangatuwane padi, dida angidatun atta atod ya da ayame midatun ḵan Apudyus. Gapu ta aḵ Jesu Kristu ḵangatuwane padi taḵu, ḵasapuḻane awad os idatunna ḵan Apudyus.

1 Peter 1:8

Adiyupun innila'ḵ Jesu Kristu yaḵon inay-ayatyu. Taḵon ay nu adiyupun ilan sinsadi, amati ḵayu ḵan siya. Pun amo allaylayad ḵayu'tte adipun mibungangay ya ippun miyisuwanae laylayad.

1 John 1:7

Yaḵon nu sissiyae mabiyag taḵu'tte paddae isun Apudyus we anna'tte padda, maḵabuḻbuḻun taḵu'tta doga taḵu we namati ḵad pumoḻḵas losan da basuḻ taḵu gapu'tte daḻan Jesus we Abengna.

1 John 4:14

Ḵad innilani ḵan panoḵnoḵanni ye imbuun Apudyus we Ama Abengna aḵ anagu'tta tagu si annae lubung.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.

Revelation 3:20

Dongngonyu, annaaḵe sumisiḵad ya anḵugḵugḵug atta sawang da boḻoyyu. Nu awad angngoḻ atte gingaḵ ya buḵatana lewangan, lumnoḵaḵ ya an-ubung ḵani ye angan.