Galatians 2:2 - Sa Ugud Apudyus

² Ummoyaḵ sidi te impailan Apudyus we sadi ḵasapuḻane ḵooḵ. Dummatong ḵani ḵad, abus aḵ naḵamitingaḵ da papangat woḵ illawlawagḵu ḵan dida Ambaḻu we Damag we iwwaḻagawagḵu'tta Gentil. Adiḵpun pione ippun anun da inayongḵu si awe ya sinsadi.

Galatians 2:2 ပူးပေါင်းရင်းမြစ်များ

Matthew 10:16

Pinagatupan os Jesus woḵ ḵanana, “Sosomḵonyu anna. Ibuunḵu diḵayu'tta lawweng ya ḵaog-ogyate tagu ḵad isuyun karnero we umoy atte lugar we igaw da tanane asu. Ḵad ḵasapuḻane nalaing ḵayu we isun da uḻog ya adiyu ḵoon lawwenge isun da kalapati.

Acts 15:12

Pun gummiginnoḵ da losane naamung woḵ nandodongngoḻda'tta imbagan da Barnabas ḵan Paul mipanggob atta sinyal ḵan nakaskasdaawe ḵingwan Apudyus atta Gentil mipagapu ḵan dida.

Acts 15:2

Yaḵon da Paul ḵan Barnabas, amo naḵasossongbatda ḵan dida. Pun siya dinutuḵanda da Paul ḵan Barnabas ya da udume namati'ḵ umoy ad Jerusalem maḵaugud atta apostol ya da angipangpangu'tta namati atte mipanggob si sadi ye tuttudu.

Acts 15:4

Dummatongda ḵad ad Jerusalem, minangilin da namati ye magimugimung dida, da apostol ya da angipangpangu. Pun imbagan da Paul da losane ḵingwan Apudyus ḵan dida.

Acts 18:9

Sillabiyan ḵad, naḵaugud aḵ Apu ḵan Paul atte in-inop woḵ ḵanana, “Adiḵa umogyat yaḵon pagapagatupame angiwaḻagawag atte ugudḵu ya adim iginoḵ,

Acts 23:11

Sa sadi ye labi, nampaila'ḵ Apu Jesus ḵan Paul woḵ ḵanana, “Papigsaom somsomoḵnu te ḵasapuḻane taḵdoḻam mipanggob ḵan saḵon ad Rome we isun ni nanaḵdoḻam ḵan saḵon sina'd Jerusalem.”

Acts 5:34

Yaḵon inggaw osae Pharisee atta ḵuḵunsisaḻ we nangngadan aḵ Gamaliel we mistulun ni lintog ya mapatgan atta tagu. Summiḵad woḵ ḵanana, “Paḻawaonyu yan dida'ḵ sin-aḵitan.”

Romans 9:16

Pun sadi inon Apudyus we ampili'tte tagu we daḵampun aḵ mibatay si pion ni tagu baḵon nu sa ḵoona yaḵon gapu ta ḵumadagu'ḵ Apudyus.

1 Corinthians 1:23

Yaḵon siya iwwaḻagawagni mipanggob atte natoyan Kristu atte kros ḵad siya nisubuḵan da Judyu ya dinodong-og atta Gentil.

1 Corinthians 2:2

Te simsimmoḵḵu we sa inninggawaḵ ḵan diḵayu, naippun udum aḵ intuttuduḵ yaḵon abus mipanggob ḵan Jesu Kristu ya sa nipattoḻana'tte kros.

1 Corinthians 9:24

Ipaniḵ namatiyan taḵu'tte todtoddaḵ. Igammu taḵu we nu awad todtoddaḵ, padason da losane maḵatodtoddaḵe angngog yaḵon ossaan magungunaan. Pun isuna ḵan ditaḵu we namati, igga taḵu ḵabooḻan taḵu ta maaḻa taḵu gungunae itton Apudyus.

1 Corinthians 9:26

Pun ḵan saḵon, siya unudoḵ ḵingwan da naḵatodtoddaḵe nanaḵpusda'tte pagpag ni totoddaḵane naippun nataḵtaḵanda. Isuḵ os buksinero we ibabattugna santuḵna ta adi miḵawas.

2 Corinthians 12:1

Ḵasapuḻane pagatupaḵe angiyisḵaḻ taḵon ay nu ippun maganabḵu. Yaḵon ug-uggudoḵ mipanggob atta impailan Apu ḵan saḵone isun di in-inop.

Galatians 1:12

Te daḵampun aḵ tagu nangigammuwaḵ si annae Ambaḻu we Damag. Naippun os udum aḵ nangituttudu yaḵon aḵ Jesu Kristu we mismu nangipaigammu ḵan saḵon.

Galatians 1:16

Pun impailana ḵan saḵon abengna ta iwaḻagawagḵu mipanggob ḵan siya'tta Gentil. Naippun tagu'ḵ ummoyḵu nampatuttuduwan.

Galatians 1:6

Nataagaḵ si daguse nan-awidanyu'ḵ Apudyus we namili ḵan diḵayu mipagapu si ḵinabaḻun Kristu ḵad siya unudonyu sabali ye tuttudu we ḵanan da udume ambaḻu we damag.

Galatians 2:6

Yaḵon da sadi ye niyiyap aḵ papangat, ippun ḵanana ḵan saḵon nu ngai ḵasasaadda te an-iisuwon Apudyus da tagu, ippun paat intuḻ-ayda si intuttuduḵ.

Galatians 2:9

Binigbig da James ḵan Peter ya aḵ John we mibelange angipangpangu we intaḻgod Apudyus ḵan saḵon annae ḵewaaḻ gapu'tte ḵinabaḻuna. Sana gapunae nilamanuwanda'ḵ Barnabas ya saḵon ta angipaila si ambuḻbuḻunanni. Nan-uunudanni ye iwaḻagawagni Ambaḻu we Damag atta Gentil ya dida angiwaḻagawag atta Judyu.

Galatians 5:7

Ambaḻubaḻu sinaḻdanyu ḵingwa! Ngai ḵad ain namaginoḵ ḵan diḵayu we anuttuwa si ḵatuttuwaan? Ngai inonae nangawis ḵan diḵayu?

Philippians 2:16

Ḵad popotpotanyu Ugud Apudyus we angitod si biyag aḵ inggana. Te nu ḵoonyu da sadi, diḵayu da isḵaḻḵu si ḵasine umaliyan Kristu. Igammuḵ ose adipun natangga pangogḵu we nanḵewaaḻ.

Philippians 2:29

Pun amod oḵyan layadyu we amadatong ḵan siya te nibelange sinusunnud taḵu gapu si niyossaanana ḵan Apu. Da tagu we isun Epaphroditus bagaynae mapatganda,

1 Thessalonians 3:5

Gapu'tte adiyaḵpun ogon maḵaanus si ayuḵ, imbuunku'ḵ Timothy te pioḵ igammuwon nu ngai inon ni pammatiyu. Nambinsawaḵ te maagyu ḵad ay tinuttuwa da subsub da susubsub, ippun ay anun ni ayongni'tte ḵewaaḻ para ḵan diḵayu.

2 Timothy 4:7

Nu ipaniḵ nanserbiyaḵ ḵan Apudyus atte todtoday, inniggaḵ ḵabooḻaḵ woḵ ḵintadḵu ḵigad ni totoddaḵan. Ummaḵ pinopotpotan ḵatuttuwaan.

Hebrews 12:1

Ditaḵu ḵad, naliḵwos taḵu'tta aduadu we anaḵdoḻ atte pammatida. Pun ḵasapuḻane ḵaanon taḵu da losane maḵatupod atte amatiyan taḵu amod ay basuḻe allaḵod ḵan ditaḵu, we isun di maḵatodtoddaḵe iggana ḵabooḻanae anoddaḵ.