Galatians 2:15 - Sa Ugud Apudyus

¹⁵ Niyanaḵ taḵu we Judyu, daḵampun aḵ isu taḵu da Gentil we ḵabasbassuḻan.

Galatians 2:15 ပူးပေါင်းရင်းမြစ်များ

Matthew 9:11

Innilan ḵad da Pharisee dida, ḵananda'tta disipulun Jesus, “Ngaipa mistuluyu maḵaḵan atta andadagup atta bugis ya da udume ḵabasbassuḻan?”

Luke 24:7

we ḵanana, ‘Sa Abeng Di Tagu, ḵasapuḻane mipuḻang atta ḵabasbassuḻan ya ipattoḻda'tte kros ḵad matagu ḵasin atte miḵaḵlu we aḻgaw?’ ”

Acts 22:21

“Pun ḵanana ḵan saḵon, ‘Inḵan ta ibuunḵu siḵa'tte adayu we igaw da Gentil.’ ”

Romans 3:9

Pun un-unnoy taḵu ḵad aine Judyu nu da Gentil? Naid! Inug-uggud taḵu we losane tagu iturayan ni basuḻ, Judyu man baḵon nu Gentil.

Romans 4:16

Pun sana gapunae mibatay atte pammati ta sa inkarin Apudyus mibatay si ḵinabaḻuna ya aaddi ye mituttuwa'tta losane mibelang aḵ ganaḵna, daḵampun aḵ abus da Judyu aḵ angigammu'tte lintog yaḵon da losane amati ye isun ni pammatin Abraham. Te siya ama taḵu losan.

Galatians 2:17

Pun namnamaon taḵu we aḵ Apudyus angwa si maun-unan taḵu gapu'tte niyossaanan taḵu ḵan Kristu. Yaḵon da udume Judyu, ibelang ditaḵu'ḵ ḵabasbassuḻane tagu gapu'tte pammati taḵu ḵan Kristu ya aditaḵupun unudon lintogda ta maun-unan taḵu si antotollong Apudyus, piona ḵad ain ḵanane aḵ Kristu gapun ni maḵabasuḻan da tagu? Daḵampun paat!

Ephesians 2:3

Ḵatti losan antatagu taḵu si awe ye siya ḵooḵoon taḵu da pipion ni long-ag taḵu. Ngaimane amaamayon ni long-ag taḵu ḵan somsomoḵ taḵu, dida da unudon taḵu. Pun sa gagangaye antatagu taḵu labbongnae nidoga taḵu'tta tagu we dusaon Apudyus.

Philippians 3:4

Taḵon ay nu maḵwae antaḻgodaḵ atta sanae ḵoḵoḵḵon nu pioḵ. Ḵad taḵon ay os nu awad tagu'ḵ angibagae awad lasunnae antaḻgod atta sanae ḵoḵoḵḵona ya ambatayana si mataguwana'ḵ inggana, amo nadaldalluwaḵ.

Titus 3:3

Te taḵon ay ditaḵu we namati, nandongdong-og taḵu si awe ḵad aditaḵupun os tummuttuwa. Gattoḵe naallelaw taḵu ḵan nipuyut taḵu'tta daḵampun aḵ ustu ya nambalin taḵu'ḵ musassu'tta nansabasabali ye amaamayon da long-ag taḵu ya da ginangganas taḵu. Losane aḻgaw taḵu lawweng ḵasomsomḵan taḵu'tta buḻun taḵu, an-aḵ-apos taḵu, lalawwengon ditaḵu ya an-sassanga taḵu.