Ephesians 6:9 - Sa Ugud Apudyus

⁹ Ḵan diḵayu bose ap-apuwonda, ḵasapuḻan ose ambaḻu ḵayu'tta musassuyu. Adiyu ḵoḻḵogon dida te igammuyu we sa antotollong Apuyu ad langit, an-iisu ḵayu'tta musassuyu ḵad ippun laḵsigona'ḵ tagu.

Ephesians 6:9 ပူးပေါင်းရင်းမြစ်များ

Matthew 22:10

Pun ummoy da sammiluna woḵ inayaganda da losane indasanda, lawweng man ḵan ambaḻu. Pun napnu'tta naayagan aḻwaaḻwae kasaran.

Matthew 22:8

Pun ḵanan ni Ari atta udume sammiluna, ‘Insagsaganaḵ da losane ḵasapuḻan si annae kasar yaḵon gapu ta adipun ummali da tagu we inayagaḵ, adidapun oḵyan miyunude umali si gayagaya.

Matthew 24:48

Yaḵon nu ḵanan ni sadi ye sammilu si long-agnae, ‘Adipun masapae dumatong apuḵ.’

Matthew 24:51

dusaonae ustu ya idogana si igaw da ḵapappailae igaw da umibiibil ya ngumalitod babada.”

Matthew 7:12

“Pun ḵoonyu'tta udum da pionyu we ḵoonda ḵan diḵayu te sana mungimung ni lintog Moses ya da intuttudun da profeta.”

Luke 6:31

Pun ḵoonyu'tta udum da pionyu we ḵoonda ḵan diḵayu.

John 13:13

Ngannonyu saḵon Mistulu ya Apu ḵad tuttuwa sanate imbagayu.

Acts 10:34

Pun insaḻad Peter we nan-ugud woḵ ḵanana, “Tuttuwae maawataḵe aḵ Apudyus ippun laḵlaḵsigona'ḵ tagu,

Romans 2:11

Te aḵ Apudyus ḵad ippun laḵsigona nu anḵuwis.

1 Corinthians 1:2

Ḵad annaya suḻatni ḵan diḵayu'tta magimugimunge namati ḵan Apudyus ad Corinth. Diḵayu da pinilina ya intotoḵḵonna'ḵ taguna gapu'tte niyossaananyu ḵan Jesu Kristu we nidoga da losane tagu'tta ḵinailin di ili ye anḵodaw aḵ ḵadagu ḵan Apuda ya Apu taḵu bos.

1 Corinthians 7:22

Te nu musassuḵa'tte napiliyam ta niyossaanḵa ḵan Apu, napuḵayanḵa'tte basuḻ gapu ḵan Kristu. Ḵad nu daḵanḵapun aḵ musassu'tte napiliyam, nambalinḵa'ḵ musassun Kristu sinsadi.

Colossians 3:25

Ngaimane angwa'ḵ lawweng, subalitan Apudyus si ustu we ḵadusaana te naippun tagu'ḵ laḵsigon Apudyus nu anḵuwis.

Colossians 4:1

Diḵayu ḵade ap-apuwon da musassu, ḵoonyu da ustu ya da ambaḻu ḵan dida te igammuyu we awad os apuyu'd langit.

James 2:13

Te nu anḵuwis aḵ Apudyus, adinapun ḵadaguwan da adipun ḵumadagu. Yaḵon ḵadaguwana da ḵumadagu ta adida umogyat nu anḵuwis.

James 2:8

Nu tuttuwaonyu da ḵapatogane Ugud Apudyus we impaigilina si awe ye ḵanana, “Ḵasapuḻane ayatom da asintatagume isun ni an-aayatnu'tte long-agnu.” Nu pasigyu unudon annae ugud, ambaḻu da ḵoonyu.

James 5:4

Andongoḻ ḵayu, adiyupun tinangdanan da pinanguyu'tta payawyu. Dongngonyu da lilida! Niduum ḵan Apudyus we maḵabooḻ da ibil da pinanguyu.