Ephesians 6:5 - Sa Ugud Apudyus

⁵ Ḵan diḵayu we musassu, tuttuwaonyu oḵyan da ap-apuwonyu sina'd luta. Patganyu ḵan dayawonyu oḵyan didae maḻpu'tta pusuyu ya ipapuutyu we angwa'tta paḵwada ḵan diḵayu we isun ni ḵoonyu nu aḵ Apu Jesu Kristu angibaga ḵan diḵayu.

Ephesians 6:5 ပူးပေါင်းရင်းမြစ်များ

Matthew 6:22

Pinagatupan Jesus woḵ ḵanana, “Sa ata silaw ni long-ag. Nu ambaḻu da atam, ampadda losane long-agnu.

Matthew 6:24

Pinagatupan Jesus woḵ ḵanana, “Adipun maḵwa'tte sammilu anserbi'tta duwae apu te aaddi ye ay-ayatona osa ya an-awidana osa. Ḵad ipapatinae anserbi si osa ya am-amsewona osa. Ḵad nu ḵatti, adipun maḵwae tuttuwae anserbiḵa ḵan Apudyus nu siya igaw ni somsomoḵnu gamgamam adu we binaḵnang.”

Matthew 8:9

Te taḵon ay saḵon, awad de nangatngatu ḵaḻabbonganae angipangat ḵan saḵon ya awad os da suḻdadu we ipangataḵ. Ḵad nu ḵanaḵ si osa, ‘Inḵa,’ umoy ya nu ḵanaḵ os si osa, ‘Awwaynu,’ umali. Ḵad nu ḵanaḵ os atte sammiluḵ, ‘Ḵoom anna,’ ḵoona.”

Acts 2:46

Inaḻgawe andatdatongda ya an-os-ossaandae andayaw atte templo we boḻoy Apudyus. Ḵad sillalaylayaddae anḵaḵaḵan atte tinapay atta boḻoyda ya sipupusu layadda.

Romans 9:3

Te nu maḵwa oḵyan, taḵon ay saḵon mipasani'tta susunudḵu we ganaḵ Israel madusa ya misina ḵan Kristu ta mataguda.

1 Corinthians 2:3

Sa inninggawaḵ ḵan diḵayu, anḵuya long-agḵu ya amilpilpilaḵ atte ḵimutḵu.

1 Corinthians 7:22

Te nu musassuḵa'tte napiliyam ta niyossaanḵa ḵan Apu, napuḵayanḵa'tte basuḻ gapu ḵan Kristu. Ḵad nu daḵanḵapun aḵ musassu'tte napiliyam, nambalinḵa'ḵ musassun Kristu sinsadi.

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.

2 Corinthians 7:15

Pun sa ayat Titus ḵan diḵayu, amo dummallu te sa sosomḵona losanyu tinuttuwa da imbagana ya sa ḵingwayu we nisagawe nammangili ḵan siya ya ambimbinsaw ḵayu nu ḵingwayu we ustu da nibaga ḵan diḵayu baḵon nu adiyupun.

Ephesians 5:22

Diḵayu ḵade bubbubai, ampakumbaba ḵayu'tta asawayu we isun ni ampakumbabaanyu ḵan Apu te sadi pionae ḵoonyu.

Ephesians 6:24

Awad oḵyan ḵan diḵayu ḵinabaḻu we maḻpu ḵan Apudyus ya da losane angipapati'tte ayatna ḵan Jesu Kristu we Apu taḵu.

Philippians 2:12

Pun annaya ibagaḵ ḵan diḵayu we buḻbuḻunḵu. Pasig ḵayu tummuttuwa atte inninggawaḵ ḵan diḵayu yaḵon sindumallu oḵyan si ḵamaidḵu ḵan diḵayu. Pun adiyu iwaḻange angwa si ambaḻu we siya ambanagan ni nataguwanyu. Ḵad sa angwaanyu si sadi, bumain ḵayu ya isipogyu we ustu'ḵ Apudyus.

Philemon 1:16

Yaḵon inggana sinsadi, daḵampun ogon aḵ musassu lawa, nu adi amo napatpatog nu sa musassu. Siya ampatoge sunud ḵan Apu Jesus. Amo ampatog ḵan saḵon! Ḵad amo dallu we napatpatog ḵan siḵa sinsadi ye musassum ḵan sunudnu ḵan Apu.

1 Peter 3:2

te itotollongda ampoḻḵase antataguyu ya sa angisipoganyu ḵan Apudyus.