Ephesians 6:18 - Sa Ugud Apudyus

¹⁸ Sa angiḵabotanyu'tta anna losan, pasigyu oḵyan iluwaḻu ḵan Apudyus da paipaspasmoḵ ni Ispiritu Santu ḵan diḵayu'tte ngaimane ḵasasaad. Ilanyu bos ta pasigyu iluwaḻuwan da losane tagun Apudyus.

Ephesians 6:18 ပူးပေါင်းရင်းမြစ်များ

Matthew 17:21

Yaḵon sa aḻane ḵatti, ippun maḵapaḻyaw nu adin ni amaḻyaw ipapati ye alluwaḻu ḵan Apudyus ya allaun si alluwaḻuwana.”

Matthew 26:41

Adi ḵayu masusuyop yaḵon alluwaḻu ḵayu ta adi ḵayu masulisug. Te ampigsa somsomoḵyu yaḵon anḵuya long-agyu.”

Mark 13:33

Pun ummanyu ya pasig ḵayu naḵasagana te ippun igammuyu nu ḵamaan ni maḵwaanda.

Mark 14:38

Adi ḵayu masusuyop yaḵon alluwaḻu ḵayu ta adi ḵayu masulisug. Te ampigsa somsomoḵyu yaḵon anḵuya da long-agyu.”

Luke 21:36

Ansasaggana ḵayu ya alluwaḻu ḵayu ta pumigsa ḵayu ḵan tumuḻod ḵayu we angiyattom atta annae maḵmaḵwa ta maḵwae sumangu ḵayu ḵan saḵone Abeng Di Tagu.”

Luke 22:46

Pun ḵanana ḵan dida, “Ngaipa ḵayu masusuyop? Bumangon ḵayu ta alluwaḻu ḵayu ta adi ḵayu masulisug.”

Luke 3:26

Aḵ Naggai, abeng Maath. Aḵ Maath, abeng Mattathias we abeng Semein. Aḵ Semein, abeng Josech we abeng Joda.

Luke 3:37

Aḵ Lamech, abeng Methuselah we abeng Enoch. Aḵ Enoch, abeng Jared we abeng Mahalaleel. Aḵ Mahalaleel, abeng Cainan.

Acts 1:14

Sana nan-os-ossaanandae nangipapati ye alluwaḻu we nidoga da udume bubbubai ya aḵ Mary ye inan Jesus ya da sunudna.

Acts 10:2

Naapudyusan losan da Cornelius we simbaḻyan ya isipogda'ḵ Apudyus. Allaayda'tta ḵapus ya patilayunda alluwaḻu ḵan Apudyus.

Acts 12:5

Pun aḵ Peter inninggaw si babaḻḻudan yaḵon impapatin da namati ye nangiluwaḻu ḵan siya.

Acts 6:4

ya ipapuutni ye alluwaḻu ḵan angiwaḻagawag si Ugud Apudyus.”

Romans 12:12

Gangganasonyu namnamayu, anuanusanyu da ampaḵaḻamanyu ya ipapatiyu we alluwaḻu.

Romans 8:15

Te sa Ispiritu we innatod Apudyus ḵan ditaḵu, adinapun ditaḵu nambalinon aḵ musassu we umogyate isun ni ḵasasaad taḵu si awe yaḵon nambalinon ditaḵu'ḵ abeng Apudyus. Pun gapu'tte ḵabooḻan ni Ispiritu Santu, maḵwa ḵanan taḵu ḵan Apudyus we Ama!

Galatians 4:6

Gapu ta abeng Apudyus ditaḵu, imbuunna Ispirituna we inkarin ni Abengna ta iinggaw ḵan ditaḵu. Ḵad gapu'tte Ispirituna, Ama usaron taḵu we angawag ḵan Apudyus si alluwaḻuwan taḵu ḵan siya.

Ephesians 1:16

adiḵpun iginoḵe anggappiya ḵan Apudyus gapu ḵan diḵayu ya patilayune idogaḵ diḵayu'tta luwaḻuḵ.

Ephesians 3:18

ta diḵayu ya da losane tagun Apudyus, maḵwae maawatanyu ḵaaḻwa ḵan ḵaandu ya ḵangatu ḵan ḵaadaḻom ni ayat Kristu ḵan ditaḵu we namati.

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

Ephesians 6:19

Iluwaḻuwanaḵ ud os ta ituttudun Apudyus da ustu we ibagaḵ nu isaḻadḵu we an-ugud ya tumuḻodaḵe angipaigammu si Ambaḻu we Damag we adipun nipaigammu si awe.

Philippians 1:4

Te inggan ni nangisaḻdanyu we namati inggana sinsana, binadanganaḵ si ḵewaaḻḵu we angipaigammu si Ambaḻu we Damag. Pun pasige amod de layadḵu we angiluwaḻu ḵan diḵayu losan.

Philippians 4:6

Adi ḵayu ambinsaw yaḵon siya ḵoonyu alluwaḻu ḵayu ḵan Apudyus. Ḵad ḵodawonyu ḵan siya da losane ḵasapuḻanyu ya anggappiya ḵayu bos.

Colossians 1:3

Iluwaḻuwanni ḵad diḵayu pasig ḵani anggappiya ḵan Apudyus we Aman Jesu Kristu we Apu taḵu,

Colossians 1:4

te dingngoḻni mipanggob atte pammatiyu ḵan Jesu Kristu ya sa ayatyu'tta losane tagun Apudyus.

Colossians 4:2

Ipapatiyu we alluwaḻu ḵad ummanyu sosomḵon da panggobyu we iluwaḻu ya anggappiya ḵayu bos ḵan Apudyus.

1 Thessalonians 5:17

patilayun ḵayu alluwaḻu,

1 Timothy 2:1

Pun annaya ibagaḵ ḵan siḵa. Umuna, ḵasapuḻane iluwaḻuwan taḵu da losane tagu ya anḵodaw taḵu ya anggappiya taḵu ḵan Apudyus para ḵan dida.

2 Timothy 1:3

Anggappiyaaḵ ḵan Apudyus we anserbiyaḵe ampoḻḵas somsomoḵḵu we isun ni nanseserbin da danaḵḵoḻ taḵu. Alluwaḻuwaḵ ḵad ḵan Apudyus atte inaḻgaw ḵan nilabi, adiḵpun maliwatane anggappiya ḵan Apudyus gapu si pammatim.

Philemon 1:5

te dingngoḻḵu mipanggob si pammatim ḵan Apu Jesus ya sa ayatnu'tta losane tagun Apudyus.

Hebrews 5:7

Sa inninggawan Jesus si annae lubung, indangsoḻna iyyibile nalluwaḻu ḵan nanḵodaw ḵan Apudyus we ḵallamog anagu ḵan siya si ḵatoy. Pun dingngoḻ Apudyus luwaḻuna te tummuttuwa ya impakumbabana long-agna.

1 Peter 4:7

Madam-an anungus da losane banag, pun ḵasapuḻane ansomsomoḵ ḵayu we ustu ya tupodonyu da long-agyu ta ambaḻu alluwaḻuwanyu.

Jude 1:20

Yaḵon ḵan diḵayu we ay-ayatoḵe buḻbuḻun, papigsaonyu da pammatiyu ḵan Apudyus. Ḵad alluwaḻu ḵayu'tte ḵabooḻan ni Ispiritu Santu.