Ephesians 6:13 - Sa Ugud Apudyus

¹³ Pun isun da suḻdadu we ansagsagana'tte gubate iḵabotda da aggomda ḵad ḵasapuḻan ose usaron taḵu da losane itton Apudyus ḵan ditaḵu ta anaḻaḵnib ḵan ditaḵu ḵan anullagi ḵan Satan we ḵabusuḻ taḵu'tte timpu we anuḵḵusana ḵan anulisugana ḵan ditaḵu. Te nu ḵoonyu ḵatti, anḵosdoḻ ḵayu we maḵagubat ḵan Satan inggana'ḵ magangput gubat ḵan adinapun paat ogon oḻgon diḵayu.

Ephesians 6:13 ပူးပေါင်းရင်းမြစ်များ

Luke 21:36

Ansasaggana ḵayu ya alluwaḻu ḵayu ta pumigsa ḵayu ḵan tumuḻod ḵayu we angiyattom atta annae maḵmaḵwa ta maḵwae sumangu ḵayu ḵan saḵone Abeng Di Tagu.”

Luke 8:13

Da naottag atte bibbisil, isuda da tagu we dingngoḻda ḵad Ugud Apudyus, allaylayaddae nangawat. Yaḵon adipun lummamut atta somsomoḵda. Amatida'ḵ sin-aḵitan, ḵad nu dumatong ampaḵaḻaman, iwaḻangda pammatida ḵan Apudyus.

Romans 13:12

Te sa ḵatuttuwaan, naḻaḵpus labi ya madam-an mabigat. Pun ḵaanon taḵu da ḵoḵoḵḵon taḵu si giḵbot ta iḵabot taḵu aggom ni padda.

2 Corinthians 10:4

Te sa armase usaronni daḵampun aḵ naḻpu'tte ḵabooḻan ni long-agni yaḵon naḻpu'tte ḵabooḻan Apudyus we usaronni ye amaginoḵ atta ḵinalaing da nalainge an-ugud.

Ephesians 5:16

Usaronyu da losane gundawayyu we angwa si ambaḻu te sinsana ḵad adu da angwa si lawweng.

Ephesians 5:6

Adi ḵayu oḵyan maallelaw atte tulin da angibagae maḵwa ḵoon taḵu da sanae banag te da sanae basuḻ gapunae dusaon Apudyus da adipun tumuttuwa ḵan siya.

Colossians 4:12

Aḵ Epaphras ḵad, osae kagrupuwanyu we angipapuute anserbi ḵan Jesu Kristu, pakumustaona bos diḵayu ya ipapatina iluwaḻuwan diḵayu ta pumigsa da pammatiyu, ta adi ḵayu anduwaduwae angunud si pinion Apudyus.

James 4:7

Pun paipangat ḵayu ḵan Apudyus ya sagangonyu'ḵ Satan woḵ umawid.

1 Peter 4:1

Gapu ta nampaḵaḻam ya natoy aḵ Kristu sina'd luta, isaganayu bos somsomoḵyu we ampaḵaḻame isuna. Te ngaimane ampaḵaḻam long-agna, nagangpute ingginoḵnae maḵabasuḻ.

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.

Revelation 6:17

Te dummatong ḵaog-ogyate aḻgaw ni umamdane sangada'tta tagu ya naippun paat angilasat!”