Ephesians 5:4 - Sa Ugud Apudyus

⁴ Adipun os mibagay ḵan diḵayu ḵaissaw an-uugudyu ya dinodong-og an-uugudyu we ippun anuna yaḵon siya oḵyan ḵoonyu anggappiya ḵayu ḵan Apudyus.

Ephesians 5:4 ပူးပေါင်းရင်းမြစ်များ

Mark 7:22

andomos atta ḵuḵuwan da udum, ḵoona da lawweng atta asintataguna, umallelaw, ḵoona da ḵababbain, maapos, an-amsew, ansoḵaḻ, ḵad andongdong-og.

John 6:23

Pune sadi, dummatong da udume bangkae naḻpu'd Tiberias woḵ dummaḵaḻda'tte adani si nanganan da tagu'tte tinapay si nanggappiyaan Jesus ḵan Apudyus.

Romans 1:28

Gapu'tte adidapun namigbigan ḵan Apudyus, iwwaḻangna dida ta iturayan da lawwenge somsomoḵda dida ta ḵoonda da baḻangnae daḵampun oḵyan aḵ maḵwa.

2 Corinthians 1:11

Bumadang ḵayu bose angiluwaḻu ḵan diḵani. Te nu adu da angiluwaḻu ḵan diḵani, adu bos da anggappiya ḵan Apudyus gapu'tte bindisyune innatodna ḵan diḵani mipagapu'tta adu we luwaḻu.

2 Corinthians 9:15

Pun anggappiya taḵu ḵan Apudyus gapu'tte innatodna ḵan ditaḵu we ippun miyisuwana!

Ephesians 1:16

adiḵpun iginoḵe anggappiya ḵan Apudyus gapu ḵan diḵayu ya patilayune idogaḵ diḵayu'tta luwaḻuḵ.

Ephesians 4:29

Adi ḵayu oḵyane namati an-ugud aḵ lawweng. Siya oḵyan abus aḵ ugudonyu da bumadang ḵan pumigsaan da somsomoḵ da andongoḻ sigun atte ḵasapuḻan ni sin-ossaossa'tte bumaḻuwana.

Philippians 4:6

Adi ḵayu ambinsaw yaḵon siya ḵoonyu alluwaḻu ḵayu ḵan Apudyus. Ḵad ḵodawonyu ḵan siya da losane ḵasapuḻanyu ya anggappiya ḵayu bos.

Colossians 3:8

Yaḵon sinsadi, ḵasapuḻane adiyu ḵoon da sana. Adi ḵayu ansasanga, adi ḵayu ansomsomoḵ aḵ ampaḵaḻaman da buḻunyu ya adiyu an-ugudan aḵ lawweng da udume tagu.

1 Thessalonians 3:9

Ngai inonni ye anggappiya ḵan Apudyus para ḵan diḵayu ta lamogna subbat laylayadni'tte sinagung Apudyus gapu ḵan diḵayu?

1 Thessalonians 5:18

ya ngaimane maḵwa, anggappiya ḵayu ḵan Apudyus te sana pinionae unudon taḵu gapu'tte nidog-an taḵu ḵan Jesu Kristu.

Philemon 1:8

Pune sadi gapu ta ansunudta ḵan Kristu, anna ḵaḻabbongaḵe amilin ḵan diḵayu we angwa'tta ustu we ḵoonyu. Yaḵon adiḵpun ḵoon ḵaḵnat.

Hebrews 13:15

Ḵad mipagapu ḵan Jesus ḵasapuḻane pagapagatupan taḵu we angidatun ḵan Apudyus si datune daydayaw. Te sadi ustu we ḵoon da losane amigbig ḵan siya.

2 Peter 2:18

Amod pagay os soḵaḻdae angibagabaga'tta ippun patogdae ugud. Usaronda da pipion ni long-agda'ḵ anulisug ya angawis atta tagu we ḵaḵ-isaḻaddae namati ya ḵaḵ-iwaḻangda'tta maḵabasuḻan ya da ugali ye ḵoḵoḵḵon da tagu.

2 Peter 2:7

Yaḵon aḵ Lot we naḵaumili ḵan dida, tinagun Apudyus te sa sanate naun-unane tagu inaḻgawe nasaliduduwan gapu'tte ḵababbain ḵan ḵingwan da ḵailiyanae innilana ḵan dingngoḻna.

Jude 1:10

Yaḵon da sanae tagu we adipun naapudyusan, an-ugudda'ḵ lawwenge misullagi'tta banage adidapun maawatan. Isudan ayam te adidapun maḵaḵasḵasmoḵ nu ngai ambaḻu ḵan lawweng ya siya unudonda da gagangaye lawwenge pipionda. Ḵad da sanae banag anadail ḵan dida.

Jude 1:13

Mipanida bos si daḵoḻe tupiyaḵ atte baybaye itupitupiyaḵna itoḵwaḻ da ḵaissawe taḻbutab da ḵababbaine ḵoḵoḵḵonda. Isuda bos da bituwon ad langite ansayasayape nalimuda si ustu we aayyonda. Pun sana gapunae insaganan Apudyus ḵagiḵbotane inggawanda'ḵ inggana.