Ephesians 5:28 - Sa Ugud Apudyus

²⁸ Pun diḵayu we lallaḻaḵi, ḵasapuḻane ayatonyu da asawayu we isun ni an-aayatyu'tta long-agyu. Nu ḵatti ḵoonyu, sa long-agyu ay-ayatonyu te diḵayu we an-asawa, nambalin ḵayu'ḵ ossaane long-ag.

Ephesians 5:28 ပူးပေါင်းရင်းမြစ်များ

Matthew 19:5

Pun ḵanan Apudyus, ‘Sadi gapunae tenan ni laḻaḵi da amana ḵan inana ḵad nitipun atte asawana ḵad didae duwa nambalinda'ḵ ossaane long-ag.’ ”

Ephesians 5:25

Ḵan diḵayu bose lallaḻaḵi, ḵasapuḻane ayatonyu da asawayu we isun ni an-aayat Kristu ḵan ditaḵu we namati. Te sa ḵingwana, innatodna biyagna para ḵan ditaḵu si natoyana,

Ephesians 5:29

Naippun tagu'ḵ sasangngaana long-agna yaḵon siya ḵoona ummana ayyuwanan. Ḵatti isun ni ḵingwan Jesu Kristu ḵan ditaḵu we namati,

Ephesians 5:31

Awad de Ugud Apudyus we ḵanana, “Sadi gapunae tenan ni laḻaḵi da amana ḵan inana ḵad nitipun atte asawana ḵad didae duwa nambalinda'ḵ ossaane long-ag.”

Ephesians 5:33

Yaḵon awad de amo piona ḵanan atta an-asawa. Ḵad siḵae laḻaḵi, ḵasapuḻane ayatom asawame isun ni an-aayatnu si long-agnu. Siḵae bubai, ḵasapuḻane patgam aḵ asawam.

1 Peter 3:7

Isuna bos ḵan diḵayu we laḻaḵi ye naasaw-an, ḵasapuḻane maawatanyu we ustu da asawayu te anḵuyada nu diḵayu. Patganyu bos dida te maḵatawidda ḵan diḵayu si biyag aḵ ingganae itton Apudyus gapu'tte ḵinabaḻuna. Unudonyu da sana ta ippun sumnod atta luwaḻuyu.