Ephesians 5:21 - Sa Ugud Apudyus

²¹ Sa osa bos an-asipakumbaba ḵayu gapu si angisipoganyu ḵan Kristu.

Ephesians 5:21 ပူးပေါင်းရင်းမြစ်များ

1 Corinthians 16:16

Patganyu oḵyan da tagu we ḵassadi ḵad taḵon ay os da losane maḵaḵewaaḻ ḵan maḵaserbi ḵan dida.

2 Corinthians 5:11

Pun gapu ta igammuni ye angisipog ḵan Apu, padasonni awison da tagu ta amatida ḵan siya. Yaḵon iniiggammun Apudyus diḵani ye naippun lawweng aḵ panggobni ya namnamaoḵe isuna bose iniiggammuyu diḵani.

2 Corinthians 7:1

Susunudḵu ḵan Kristu we ay-ayatoḵ, gapu'tta sanae inkarin Apudyus ḵan ditaḵu, iginoḵ taḵu we angwa'ḵ lawweng ya iginoḵ taḵu we ansomsomoḵ aḵ lawweng. Sa matattaguwan taḵu, isipog taḵu'ḵ Apudyus ta bumaḻubaḻu naapudyusane antatagu taḵu.

Galatians 5:13

Ḵan diḵayu susunudḵu ḵan Kristu, pinilin Apudyus diḵayu ta mapuḵayan ḵayu ta daḵampun aḵ ḵasapuḻane tuttuwaonyu lintog ta taguwon Apudyus diḵayu. Yaḵon adiyu usaron napuḵayanyu'ḵ lasunyu we angwa'tta pipion da long-agyu. Yaḵon siya oḵyan ḵoonyu an-asiserbi ḵayu gapu si an-asiayatanyu.

Ephesians 5:22

Diḵayu ḵade bubbubai, ampakumbaba ḵayu'tta asawayu we isun ni ampakumbabaanyu ḵan Apu te sadi pionae ḵoonyu.

Ephesians 5:24

Pun diḵayu we bubbubai ye namati, ḵasapuḻan ose ampakumbaba ḵayu we ustu'tta asawayu'tta losane banage isun ni gimung da namati ye paipangat ḵan Kristu.

Philippians 2:3

Sa panggobyu oḵyane angwa'tta ngaiman, daḵampun oḵyan atte maḵaas-asselanyu ya mitaḻayaganyu yaḵon siya oḵyan ḵoonyu ipakumbabayu da somsomoḵyu ta ibelangyu we nangatu da buḻunyu nu da long-agyu.

1 Timothy 2:11

Gumiginnoḵ oḵyan os da bubai si an-adaḻanda'tte Ugud Apudyus ya ipakumbabada da long-agda'tte antuttudu.

1 Timothy 3:4

Ḵasapuḻane ustu andadaḻanna'tte baḻyanna ḵan tuttuwaon ḵan patgan da abengna.

Hebrews 13:17

Tuttuwaonyu da angipangpangu ḵan diḵayu ya unudonyu da bilinda te dida angayyuwan ḵan diḵayu ta sissiyae ampigsa pammatiyu te ḵasapuḻane songbatanda ḵan Apudyus nu ḵingwada da ḵewaaḻda. Tuttuwaonyu dida ta maganasandae angwa'tta ḵewaaḻda. Nu adiyu dida tuttuwaon, andadauyda ya naippun ittona'ḵ bumaḻuwanyu.

1 Peter 2:13

Gapu ḵan Apu taḵu we Jesu Kristu, ḵasapuḻane paipangat ḵayu'tta losane tagu we awad da ḵaḻabbonganda ḵan diḵayu. Paipangat ḵayu'tta ari ye ḵangatuwane pangat,

1 Peter 2:17

Patganyu oḵyan da losane tagu, ay-ayatonyu da susunudyu ḵan Kristu ya isipogyu'ḵ Apudyus ya patganyu bos ari.

1 Peter 5:5

Diḵayu ḵad ose bagbagu, ḵasapuḻane paipangat ḵayu'tta angipangpangu. Pun diḵayu losane namati, ḵasapuḻane ipakumbabayu da long-agyu'tta buḻunyu ta anserbi ḵayu'tte sin-ossaossa. Te ḵanan ni nigili ye ugudna, “Sullagiyon Apudyus da ngaimane ampasindayaw, yaḵon ipailana ḵinabaḻuna'tta ngaimane napakumbaba.”