Ephesians 5:2 - Sa Ugud Apudyus

² ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

Ephesians 5:2 ပူးပေါင်းရင်းမြစ်များ

Matthew 20:28

Siya unudonyu saḵone Abeng Di Tagu te daḵampun aḵ ummaliyaḵ ta anserbi da tagu ḵan saḵon. Yaḵon ummaliyaḵ ta anserbiyaḵ ḵan dida ya ittoḵ biyagḵu ta masubut da adu we tagu'tte madusaanda'tta basuḻda.”

John 13:34

Ittoḵ ḵan diḵayu baru we bilin. Ḵasapuḻane an-asiayat ḵayu we isun ni an-aayatḵu ḵan diḵayu.

John 6:51

Saḵon maḵane angitod si biyag aḵ ingganae naḻpu'd langit. Ḵad ngaimane angan atte annae maḵan, matagu'ḵ inggana. Sa sanae maḵan, sa long-agḵu we ittoḵ ta matagu da tagu si lubung.”

Romans 15:16

ta anserbiyaḵ ḵan Jesu Kristu si antuttuduwaḵ atta Gentil. Anserbiyaḵe isun di padi atte angiwaḻagawagaḵ si Ambaḻu we Damag we naḻpu ḵan Apudyus ta ambalin da Gentil aḵ datune mas-oman Apudyus te intotoḵḵon ni Ispiritu Santu dida'ḵ taguna.

Romans 4:25

Impuḻang Apudyus aḵ matoy aḵ Jesus ta bayad da basuḻ taḵu ya tinaguna ta ibelang Apudyus ditaḵu'ḵ naun-unan.

Romans 8:3

Sa lintog daḵampun aḵ lamogna ditaḵu puḵayan atte ḵabooḻan ni basuḻ te tagu taḵu we abuse aditaḵupun lamog tuttuwaon da imbilin ni lintog. Yaḵon ḵingwan Apudyus adimpun ni lintog lamog ḵoon. Imbuunna abengnae isun da tagu we ḵabasbassuḻan ta maḵoddongan aḵ madusa para'tta basuḻ taḵu. Ḵad sadi inon Apudyus we nangaan atte ḵabooḻan ni basuḻe anturay atta tagu.

Romans 8:37

Yaḵon taḵon ay nu maḵwa losan da sadi ḵan ditaḵu, aangngog taḵu mipagapu ḵan Jesu Kristu we nangay-ayat ḵan ditaḵu.

1 Corinthians 16:14

Da losane ḵoonyu, ḵoonyu oḵyane gapu'tte ayatyu.

1 Corinthians 5:7

Ḵasapuḻane ḵaanonyu ugaliyu we mipani'tte yeast ta sa ugaliyu ambalin aḵ ampoḻḵas ḵasasaadyu si antotollong Apudyus. Ḵasapuḻane ḵoonyu ḵatti ta mipani ḵayu si ḵaḵ-utu we tinapaye ippun ḵamosna'ḵ yeast we mitoḵom nu ansida da Judyu atte karnero si Gayagayae ngannonda Nallausan. Te aḵ Kristu mipani'tte sadi ye karnero te natoy ta puḵayana ditaḵu'tta basuḻ.

2 Corinthians 2:14

Yaḵon anggappiyaaḵ ḵan Apudyus te gapu si niyossaananni ḵan Kristu, patilayune ipuyutna diḵani'tte sinagung da nadagupe tagu we isuni da baḻude illog Kristu. Ḵad mipagapu ḵan diḵani, sa ḵatuttuwaane mipanggob ḵan Kristu miwaḻagawag atta ḵinailin di ili ye mipani si bangun ni bangbanglu we misaḵnap atta adu we tagu.

2 Corinthians 2:15

Te ditaḵu bose angituttudu si mipanggob ḵan Kristu, isu taḵun bangbanglu we indatun Kristu ḵan Apudyus we susungsungon da losane andongoḻ ya da namati ḵan daḵampun aḵ namati.

2 Corinthians 8:9

Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.

Galatians 1:4

we nangitod si long-agna'tte natoyana ta mapakawan da basuḻ taḵu. Ḵingwana sadi ye mibatay si pinion Apudyus we Ama taḵu ta matagu taḵu ḵan mapuḵayan taḵu ta adi taḵu igunay ya adi taḵu ansomsomoḵ atta isun da ḵoḵoḵḵon da tagu si sanae timpu.

Galatians 2:20

Te mibelange naḵaḵatoyaḵ ḵan Kristu atte kros. Pun sinsadi, daḵampun ogon aḵ saḵon matattagu yaḵon aḵ Kristu we anna ḵan saḵon. Sa biyagḵu sinsadi, matattaguwaḵ si pammati atte Abeng Apudyus we nangayat ḵan saḵon ya nangitod si biyagna gapu ḵan saḵon.

Ephesians 1:4

Sa daan ni lubung maḵwaan, pinilin Apudyus ditaḵu'ḵ miyossaan ḵan Kristu ta ambaḻu ugali taḵu ya ippun ḵadellawan taḵu si antotollongna. Gapu si ayatna,

Ephesians 3:17

ya iinggaw oḵyan aḵ Kristu atta pusuyu mipagapu si pammatiyu ḵan siya. Ḵodaḵodawoḵ os ta amo lumamut antataguyu we nisaad atte ayat Apudyus,

Ephesians 3:19

Taḵon ay nu ansigab aḵ maawatane ustu sanae ḵinabaḻun ni ayat Kristu, iluwaḻuḵe madog-adog-an oḵyan igammuyu inggana'ḵ miyisu da ugaliyu'tte ugalin Apudyus we naippun kurangna.

Ephesians 4:15

Yaḵon ngaimane ugudon taḵu baḵon nu ḵoon taḵu, ḵasapuḻane ipapati taḵu ḵatuttuwaane midoga ayat inggana'ḵ gumodogodong antatagu taḵu we miyisu ḵan Kristu we isun di uḻun da losane gimung da namati.

Ephesians 4:2

Patilayun oḵyane napakumbaba ḵayu, naanus ḵayu ya an-anggom ḵayu'tta buḻunyu we mipagapu si ayat.

Ephesians 5:15

Pun ummanyu'tta antataguyu. Daḵampun oḵyan aḵ matagu ḵayu we isun di nadong-og yaḵon matagu ḵayu we isun di nalaing ḵan naangsane tagu.

Ephesians 5:25

Ḵan diḵayu bose lallaḻaḵi, ḵasapuḻane ayatonyu da asawayu we isun ni an-aayat Kristu ḵan ditaḵu we namati. Te sa ḵingwana, innatodna biyagna para ḵan ditaḵu si natoyana,

Philippians 4:18

Sinsadi masawasawaḻ da ḵasapuḻaḵ te inawatḵu ḵan Epaphroditus da losane indagasyu. Ḵad da sanae indagasyu, isunan ambangu we midatun ḵan Apudyus we mat-opana ḵan lumayadana.

Colossians 3:14

Ḵad ḵasapuḻan ose idogayu ayat atta annae ambaḻu we ugali te nu an-asiayat ḵayu, siya gaḻut ni an-os-ossaanan da somsomoḵyu.

1 Thessalonians 4:9

Yaḵon sa mipanggob si ayat atta sunud si pammati, naippun ibagani te aḵ Apudyus we mismu nanuttudu ḵan diḵayu'tte inonyu we an-asiayat.

1 Timothy 2:6

Siya nangitod si biyagna ta masubut da losane tagu atta madusaan da basuḻda. Naḵwa sadi si ustu we timpu we dinutuḵan Apudyus ya sadi nangipail-anae pionae matagu da losane tagu.

1 Timothy 4:12

Adim iyunude potogonda siḵa gapu'tte ḵinaabengnu. Yaḵon iggam ḵabooḻame ambalin aḵ unudon da namati'tte an-uugudnu, sa ambaḻu we antatagum, sa an-aayatnu, sa angogomgomam atte pammatim ya sa ḵinapoḻḵasnu.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Hebrews 8:3

Da nadutuḵan aḵ ḵangatuwane padi, dida angidatun atta atod ya da ayame midatun ḵan Apudyus. Gapu ta aḵ Jesu Kristu ḵangatuwane padi taḵu, ḵasapuḻane awad os idatunna ḵan Apudyus.

Hebrews 9:14

Sindumallu we pummoḻḵas taḵu si daḻan Kristu si nangidatunana si long-agna mipagapu'tte annanayune Ispiritu Santu. Ippun basuḻna ya mipagapu'tte natoyana pummoḻḵas somsomoḵ taḵu'tta ippun anunae ḵoon taḵu ta anserbi taḵu si matattagu we Apudyus.

Hebrews 9:23

Ḵad losan atta sanae banag isun di iglatun da awad ad langit, ḵad ḵasapuḻane pumoḻḵasda gapu'tte ḵatti ye datun. Yaḵon da awad ad langit, ḵasapuḻane pumoḻḵasdae nabaḻbaḻu we midatun nu da anna.

Hebrews 9:26

Te nu ḵatti ḵingwana, iḵasiḵasinna ampaḵaḻam inggan ni naḵwaan ni lubung. Yaḵon sa anungus ni timpu namingsan ummali'ḵ Kristu si annae lubung ta ḵaanona da basuḻ da tagu si nangidatunana si mismu we long-agna.

1 Peter 4:8

Sa ḵapatogane ḵoonyu, papigsaonyu an-asiayatanyu te nu an-asiayat ḵayu, adiyupun sosomḵon da amode basuḻ da buḻunyu yaḵon an-asianus ḵayu ya an-asipakawan ḵayu.

1 John 3:16

Pun ditaḵu ḵad os, sa nangittan Jesu Kristu si biyagna'ḵ natoy para ḵan ditaḵu, naḵasagana taḵu oḵyane angitod atta biyag taḵu para'tta susunud taḵu ḵan Kristu.

1 John 3:23

Pun annaya imbilinna ḵan ditaḵu: Amati taḵu oḵyan ḵan Jesu Kristu we Abengna ya an-asiayat taḵu te siya imbilin Kristu ḵan ditaḵu.

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.

Revelation 5:9

Ḵanandae angiḵanḵanta'tta baru we ḵanta, “Siḵa ḵallabbong angaḻa si naḻuḵube ḵopel ya alloḵta'tte maḻḵa. Te napatoyḵa woḵ sa daḻam nanubutnu'tta tagu ta ambalindae tagun Apudyus. Ḵad maḻpuda'tta losane ili ya da losane tribu ya da tagu we nansabasabali gingada ḵan naḻpuwanda.