Ephesians 5:19 - Sa Ugud Apudyus

¹⁹ Te nu siya angidaḻan si somsomoḵyu, magimung ḵayu ḵad, ḵantaonyu da ḵantae naḻpuda'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus. Ḵad daḵampun aḵ abus sungadyu'ḵ angiḵanta yaḵon maḻpu oḵyan si pusuyu.

Ephesians 5:19 ပူးပေါင်းရင်းမြစ်များ

Matthew 15:8

“ ‘Da annae tagu, dayawonda saḵon si sungadda, yaḵon adayu somsomoḵda ḵan saḵon.

Matthew 26:30

Naabus ḵad, ḵinantada ḵantae pammadayaw ḵan Apudyus woḵ asidaot umoyon atte Beleg Olives.

Acts 16:25

Anna ḵade gumawallabi, nalluluwaḻu ḵan nanḵanḵanta da Paul ḵan Silas we andaydayaw ḵan Apudyus. Pun nandodongngoḻ da buḻundae baḻud ḵan dida.

1 Corinthians 14:15

Ngai ḵad ain ḵooḵ nu? Alluwaḻuwaḵ atte ipaspasmoḵ ni Ispiritu Santu we maawatan ni somsomoḵḵu. Ḵad anḵantaaḵ atta naispirituwane ḵanḵanta ya anḵantaaḵ os atta ḵanḵantae maawatan ni somsomoḵḵu.

1 Corinthians 14:26

Susunudḵu ḵan Kristu, nu magimung ḵayu we andayaw ḵan Apudyus, awad oḵyan anḵanta ya awad os angituttudu'tte Ugud Apudyus ya awad os angibaga'tta ngaimane impaigammun Apudyus ḵan siya. Ḵad awad os an-ugud atte sabali ye ugude adinapun inadaḻ ya awad oḵyan angipaḵaawat atta inugudna. Yaḵon ilanyu ta da sanae ḵoonyu, ambanag atte pumigsaan da pammatiyu losan.

Colossians 3:16

Ḵad pasigyu oḵyan isisimoḵ mipanggob atta tuttudun Kristu. An-asituttudu ya an-asibagbaga ḵayu we usaronyu da losane ḵinalainge innatodna. Ḵantaonyu da ḵantae naḻpu'tta de Psalm, sa udume nigili'tte Ugud Apudyus ya da udume ḵantan da namati ye andayaw ḵan Apudyus ḵad pasig oḵyane anggappiya ḵayu ḵan Apudyus atta somsomoḵyu.

James 5:13

Awad ḵamman osa ḵan diḵayu'ḵ ampaḵaḻam? Alluwaḻu oḵyan. Awad ḵamman os allaylayad? Anḵanta oḵyan atta pammadayaw ḵan Apudyus.

Revelation 5:9

Ḵanandae angiḵanḵanta'tta baru we ḵanta, “Siḵa ḵallabbong angaḻa si naḻuḵube ḵopel ya alloḵta'tte maḻḵa. Te napatoyḵa woḵ sa daḻam nanubutnu'tta tagu ta ambalindae tagun Apudyus. Ḵad maḻpuda'tta losane ili ya da losane tribu ya da tagu we nansabasabali gingada ḵan naḻpuwanda.