Ephesians 5:15 - Sa Ugud Apudyus

¹⁵ Pun ummanyu'tta antataguyu. Daḵampun oḵyan aḵ matagu ḵayu we isun di nadong-og yaḵon matagu ḵayu we isun di nalaing ḵan naangsane tagu.

Ephesians 5:15 ပူးပေါင်းရင်းမြစ်များ

Matthew 10:16

Pinagatupan os Jesus woḵ ḵanana, “Sosomḵonyu anna. Ibuunḵu diḵayu'tta lawweng ya ḵaog-ogyate tagu ḵad isuyun karnero we umoy atte lugar we igaw da tanane asu. Ḵad ḵasapuḻane nalaing ḵayu we isun da uḻog ya adiyu ḵoon lawwenge isun da kalapati.

Matthew 25:2

Da lima anḵadong-ogda ya da lima nalaingda.

Matthew 27:24

Innilan ḵad Gobernor Pilate we ippun lamogna ḵoon yaḵon isaḻaddae magulu, nangaḻa'tte danum woḵ nambuḻuna'tta imana si sinagung da tagu. Ḵanana, “Ippun biyangḵu si magongatan ni annae tagu, ḵigadyu pagay.”

Matthew 27:4

Ḵanana, “Naḵabasuḻaḵ te intuyuḵḵu tagu we ippun basuḻna!” Pun ḵanandae summongbat, “Ngai ḵad ain biyangni si sanat? Te biyangnu pos pagay!”

Matthew 8:4

Ḵanan Jesus, “Inḵa ipaila long-agnu si padi ta panoḵnoḵanae naḵaan saḵitnu. Ḵad ittom ḵan siya idatunnu ḵan Apudyus we isun ni imbilin Moses ta amanoḵnoḵan da tagu we ḵawagase naḵaan pagay saḵitnu. Malaksid atte padi, adim paat ibaga ḵingwaḵ ḵan siḵa'tta ngaiman.”

Luke 24:25

Pun ḵanan Jesus ḵan dida, “Anḵadong-og ḵayu! Ngaipa anḵamnut amatiyanyu'tta losane imbagan da profetan Apudyus?

1 Corinthians 14:20

Susunudḵu ḵan Kristu, daḵampun oḵyan aḵ inaabbeng ansosomsomoḵyu. Yaḵon isuyu oḵyan uttinge ippun igammuna si lawweng ya sa mipanggob ḵan Apudyus, isuyu oḵyan ansosomsomoḵ ni naangsan.

Galatians 3:1

Nadongdong-ogan ḵayu we iGalatia! Ngai ḵad ain da nangallelaw ḵan diḵayu? Nalawag ḵad ose nipaila ḵan diḵayu we nipattoḻ aḵ Jesu Kristu atte kros!

Galatians 3:3

Nadongdong-ogan ḵayu ḵamman? Ummunae namati ḵayu ḵan Apudyus mipagapu'tte Ispiritu Santu. Pun sinsadi, ngaipayu ḵanane lamogyu baliwan da long-agyu ta naippun angkuranganyu mipagapu'tta mismu we ḵabooḻanyu?

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

Ephesians 5:33

Yaḵon awad de amo piona ḵanan atta an-asawa. Ḵad siḵae laḻaḵi, ḵasapuḻane ayatom asawame isun ni an-aayatnu si long-agnu. Siḵae bubai, ḵasapuḻane patgam aḵ asawam.

Philippians 1:27

Yaḵon taḵon ay nu ngai maḵwa, ilanyu ta mibagay antataguyu si Ambaḻu we Damag mipanggob ḵan Kristu ta umaliyaḵ ta iyyaḵ diḵayu ilan baḵon nu adiḵpun dongngon oḵyan mipanggob ḵan diḵayu, igammuwoḵ ose sissiyae ampigsa pammatiyu we os-ossaan panggobyu. Ḵad ḵasapuḻane an-os-ossaan os somsomoḵyu we angitaḵdoḻ si pammatiyu we mibatay si ḵatuttuwaan ni Ambaḻu we Damag,

Colossians 1:9

Sa inggan ni aḻgawe nangngoḻanni, adinipun iginoḵe angiluwaḻu ḵan diḵayu. Ḵodaḵodawonni ḵan Apudyus we itton oḵyan ni Ispirituna ḵan diḵayu da losane laing ḵan pannakaawat ta igammuwonyu nu ngai pinion Apudyus ḵan diḵayu.

Colossians 4:5

Ummanyu'tta gunayyu'tta daampun amati, ḵad usaronyu losane timpu we angibaga ḵan dida si mipanggob ḵan Kristu.

1 Thessalonians 5:15

Ilanyu bos ta sa lawweng, adi oḵyan masubbat os atte lawwenge maḵwa. Yaḵon pasig oḵyan ambaḻu da ḵoonyu'tta buḻunyu we namati ya da losane tagu.

1 Timothy 6:9

Yaḵon da tagu we piondae bumaḵnang, allasu we masubsubda ya matappoḵanda'tte dinodong-og ya maḵadadail atte pion ni long-ag. Ḵad siya anadail ḵan angilugut ḵan dida'tte dusae ippun anungusna.

Hebrews 12:25

Ilanyu ta adiyu idiyan aḵ Apudyus we an-ugud. Te nu adipun niligsi da adipun nandongoḻ atta bagbagana sina'd luta, ngai inon taḵu we angiligsi si dusa nu idiyan taḵu namagbaga ḵan didae naḻpu'd langit?

James 3:13

Ngai ḵan diḵayu nalaing ya maḵaawat? Nu awad, ḵasapuḻane ipailana ḵinalaingna si ambaḻu we antataguna ya ipakumbabana bos long-agna si angwaana'tta ambaḻu.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

Revelation 19:10

Sa nangugudan ni anghel atte sadi, nanalluḵuwaḵe andayaw ḵan siya. Yaḵon ḵanana, “Adipun ḵasapuḻane ḵoom ḵaḵnat! Aḵ Apudyus abuse andayawam! Saḵon ḵad, anserserbiyaḵ ose isum ḵan Apudyus ya da susunudnu ḵan Kristu we sissiyae amati'tta impaigammun Jesus. Te da impaibagan ni Ispiritu Santu atta profeta, naḻpuda si impaigammun Jesus.”