Ephesians 5:11 - Sa Ugud Apudyus

^11-12 Adi ḵayu maḵaḵwa'tta banage ḵababbain ḵan ippun anunae ḵoḵoḵḵon da tagu we awad si giḵbote nililimod. Siya oḵyan ḵoonyu ipaḵaawatyu ḵan didae lawwelawweng da ḵoonda taḵon ay nu ḵababbain aḵ ugudon da sanae banag.

Ephesians 5:11 ပူးပေါင်းရင်းမြစ်များ

Matthew 18:15

Ḵanan os Jesus, “Nu awad asintatagum aḵ maḵabasuḻ ḵan siḵa, inḵae ossaan ya ummam ipaḵaawat ḵan siya naḵabasuḻana ḵan siḵa. Nu dongngona ibagam, ambaḻu te iḵasinyu ambuḻbuḻun.

Luke 3:19

Dam-on os John sinuppaḵan aḵ Gobernor Herod gapu'tte ḵingwanae inasawana'ḵ Herodias we asawan ni sunudna ya da losane ḵingwana.

Acts 26:18

Ibuunḵu siḵa ḵan dida ta igammuwonda ḵatuttuwaan ta masilawan da somsomoḵda ya an-awidanda da lawweng ya ansagungda si padda. Ḵad an-awidanda ḵabooḻan Satan ḵad ansagungda si ḵabooḻan Apudyus ta amatida ḵan saḵon ḵad mapakawan da basuḻda ya mibelangda'tta intotoḵḵon Apudyus aḵ taguna.’

Romans 13:12

Te sa ḵatuttuwaan, naḻaḵpus labi ya madam-an mabigat. Pun ḵaanon taḵu da ḵoḵoḵḵon taḵu si giḵbot ta iḵabot taḵu aggom ni padda.

Romans 16:17

Susunudḵu ḵan Kristu, ḵodawoḵe ummanyu'tta tagu we anadail si nan-os-ossaananyu ya angulu'tta pammatiyu. Te sullagiyonda ḵatuttuwaane nituttudu ḵan diḵayu si awe ḵad maḵḵon ituttududa. Ḵasapuḻane umadayu ḵayu ḵan dida.

Romans 6:21

Yaḵon ngai ginanabyu we dam-on nangwa'tta ḵassadi ye siya mabainanyu sinsana? Sa ambanagan da ḵassadi ye ḵoḵoḵḵon, matoyan ḵan misinaan ḵan Apudyus aḵ inggana!

Galatians 6:8

Inigammuyu we ngaimane imuḻayu, sanat apitonyu. Pun sa tagu we siya imuḻamuḻana unudon da pipion ni long-agna, apitona madadailana'ḵ ingganae maḻpu'tte pipion ni long-agna. Yaḵon sa angimuḻamuḻa si pinion ni Ispiritu Santu, apitona biyag aḵ ingganae itton ni Ispiritu Santu.

Ephesians 4:22

Pun ḵasapuḻane ḵaanonyu da dadaane ugaliyu we nangidaḻan atte biyagyu we angwa'tte pinion ni long-ag. Sanat dadaane ugaliyu we angallelaw ya anadail ḵan diḵayu.

Ephesians 5:7

Pun adi ḵayu maḵabuḻbuḻun atta ḵassadi ye tagu.

Colossians 1:12

Pasig ḵayu anggappiya ḵan Apudyus we Ama taḵu we nangitod ḵan ditaḵu si ḵaḻabbongane maḵatawid atta insaganana'tta losane taguna si ampaddae ampangatana.

1 Thessalonians 5:7

Te da masuyop, labi masuyopanda ya da mabartek, labi mabartekanda.

2 Thessalonians 3:14

Nu awad adipun tumuttuwa'tte imbagani si annae suḻat, adi ḵayu miyisu ḵan siya ta mababbainan.

2 Thessalonians 3:6

Sinsadi susunudni ḵan Kristu bilinonni diḵayu'tte ngadan Apu Jesu Kristu we adiyu buḻbuḻunon da namati ye baduuḻe anḵewaaḻ ya da adipun tumuttuwa'tta inawatyu we tuttudu ḵan diḵani.

1 Timothy 5:20

Yaḵon nu pagapagatupan ni angipangpangu we maḵabasuḻ, suppaḵam si sinagung ni gimung ta umogyat da udume angwa'tte ḵingwana.

1 Timothy 5:22

Adim oḵyan ḵamḵammuwone andutuḵ atte ngaimane mabigbige angipangpangu'tta namati. Te nu maigammuwane naḵabasuḻ sadi ye tagu, madusaḵa'tte basuḻna. Ummam ta adiḵa maḵabasuḻ.

1 Timothy 6:5

ya patilayune susubog. Ḵaḵnat te lummaweng somsomoḵda ya naliwatanda ḵatuttuwaan. Te sa ḵananda, sa naapudyusane biyag gapun ni bumaḵnangan.

2 Timothy 3:5

Agindadayawda ḵan Apudyus yaḵon adidapun bigbigon ḵabooḻanae amaliw atta lawwenge ugalida. Adayuwam da tagu we ḵassadi.

2 Timothy 4:2

Iwaḻagawagnu Ugud Apudyus. Ḵasapuḻane pasigḵa maḵasagana, taḵon ay nu ambaḻu baḵon nu lawwenge timpu. Awisom dida ta amatida ḵan Jesus. Ḵad suppaḵam da angwa'ḵ lawweng ya soḻgagom dida ta ḵoonda ambaḻu ya anusam ose antuttudu.

Titus 2:15

Sana da ituttudum atta tagu sinat, dam-om dida bagbagaan ya suppaḵam nu awad lawweng aḵ ḵoonda. Sa angwaam atta sadi, ipailam da losane ḵaḻabbongam ta adida siḵa potogon.

Revelation 18:4

Pune sadi dingngoḻḵu osae gingae naḻpu'd langite ḵanana, “Diḵayu we taguḵ, ḵumunud ḵayu, tenanyu sanate ili te uni ḵad naḵaḵwa ḵayu si basuḻna ya midoga ḵayu bos si dusana.