Ephesians 4:29 - Sa Ugud Apudyus

²⁹ Adi ḵayu oḵyane namati an-ugud aḵ lawweng. Siya oḵyan abus aḵ ugudonyu da bumadang ḵan pumigsaan da somsomoḵ da andongoḻ sigun atte ḵasapuḻan ni sin-ossaossa'tte bumaḻuwana.

Ephesians 4:29 ပူးပေါင်းရင်းမြစ်များ

Matthew 5:16

Isuna bose ḵasapuḻane silawanyu oḵyan da tagu ta ilanda ambaḻu we ḵoonyu ḵad dayawonda'ḵ Amayu'd langit.”

Luke 4:22

Losan da tagu nan-ugud aḵ ambaḻu mipanggob ḵan Jesus te nataagda'tte allin-awae nan-uugudna. Inninggaw os da sin-aayutimtime ḵananda, “Daḵampun ḵamman aḵ siya abeng Joseph?”

John 1:37

Dingngoḻ ḵad ay da duwae disipulu imbagan John, nitun-udda ḵan Jesus.

Romans 14:19

Pun ḵasapuḻane igga taḵu ḵabooḻan taḵu ta allin-awa maḵabuḻbuḻunan taḵu'tta udum ya ngaimane amapigsa'tta pammati taḵu.

Romans 15:2

Siya oḵyan somsomḵon taḵu mas-oman da sunud taḵu ḵan pumigsaan os da pammatida.

1 Corinthians 14:19

Yaḵon nu maḵagimungaḵ atta udume namati, un-unnoyoḵ abuse limae ugud ibagaḵe maawatanda si antuttuduwaḵ nu sa an-ugudaḵ aḵ simpuḻullibu we ugude adidapun maawatan.

Ephesians 4:12

Ḵingwana ḵatti ta ansagana taḵu we tagun Apudyus we anserbi ḵan Kristu ta pumigsa taḵu we isun di long-agna,

Ephesians 4:16

Ḵad gapu ta siya mipani ye uḻu taḵu, siya bos asi ḵigade angiyuḻnus ḵan ditaḵu we namati ye isun di ḵamangay ni sanae long-agna ta mibagaydae ustu. Pun nu ḵoon ni sin-ossaossae ḵamangay ni sanae long-ag naatode ḵewaaḻna, pumigsapigsa ya dumaḵodaḵoḻ sanae long-ag mipagapu si ayat.

Colossians 4:6

Ḵad pasig oḵyan ampalayad ḵan ustu da ugudonyu ta awad ḵad angimus ḵan diḵayu igammuyu ustu we isongbatyu.

1 Thessalonians 5:11

Pun an-asisoḻgag ḵayu oḵyan ya an-asipapigsa ḵayu'tte pammati ye isun ni annate ḵoonyu.

1 Peter 2:12

Ḵasapuḻane unudonyu ambaḻu we antatagu ta taḵon ay nu ḵanan da adipun amati ye lawweng da ḵoonyu nu ilanda da ambaḻu we ḵoonyu, idayawda'ḵ Apudyus atte umaliyana.

1 Peter 3:1

Diḵayu we bubbubai ye naasaw-an, ḵasapuḻane paituray ḵayu'tta asawayu ta awad ḵad ḵan dida da adipun tumuttuwa gapu si adidapun amatiyan atte Ugud Apudyus, maawisdae amati gapu si ambaḻu we ugaliyu taḵon ay nu adi ḵayu an-ugud

2 Peter 2:18

Amod pagay os soḵaḻdae angibagabaga'tta ippun patogdae ugud. Usaronda da pipion ni long-agda'ḵ anulisug ya angawis atta tagu we ḵaḵ-isaḻaddae namati ya ḵaḵ-iwaḻangda'tta maḵabasuḻan ya da ugali ye ḵoḵoḵḵon da tagu.