Ephesians 4:18 - Sa Ugud Apudyus

¹⁸ Ḵad sissiyae anggiḵbot da an-aawatda ya naippun ḵan dida biyage itton Apudyus te naippun igammuda ḵan tummungitong da somsomoḵda.

Ephesians 4:18 ပူးပေါင်းရင်းမြစ်များ

Matthew 13:15

Te tummungitong da somsomoḵda. Antuḻtullongda ta adida dongngon da ḵatuttuwaan ya ḵimitonda bos da atada ta adida maḵaila, te nu maḵadongoḻda, maḵailada ya maḵaawatda ḵad ansinagungda ḵan saḵon ta pakawanoḵ da basuḻda.’ ”

Mark 3:5

Nallangḻanga ḵad ḵan dida summanga ya ansigab atte pusuna gapu'tte tummungitong somsomoḵda. Ḵanana si naangḵet, “Uyadom imam.” Inuyadna ḵad, nipaḻ-og.

John 12:40

“Ḵinuḻap Apudyus dida ya tummungitong da pusuda ta adida maḵaimatun ḵan maawatan ya ansagungda ḵan saḵon ta pakawanoḵ dida.”

Acts 17:30

Sa awe, inan-anusan Apudyus da ḵingwan da tagu te daandapun igammuwon. Yaḵon sinsadi, imbilinnae losane tagu ibabawida da basuḻda ya agaydae angwa.

Acts 3:17

“Susunude ganaḵ Israel inigammuḵe gingngatyu ḵad aḵ Jesus, ippun igammuyu nu ngai'ḵ siya taḵon ay da papangatyu ippun os igammuda.

Romans 1:28

Gapu'tte adidapun namigbigan ḵan Apudyus, iwwaḻangna dida ta iturayan da lawwenge somsomoḵda dida ta ḵoonda da baḻangnae daḵampun oḵyan aḵ maḵwa.

Romans 11:25

Susunudḵu ḵan Kristu, awad de ḵaḵ-ipaigammun Apudyus we pioḵe maawatanyu ta adi ḵayu ampasindayawe ansomsomoḵe nalaing ḵayu. Tummungitong da somsomoḵ da udume ganaḵ Israel gapu si adidapun amatiyan inggana'ḵ wadawad belang da Gentil we amati.

Romans 11:7

Pun ngai maawatan taḵu nu? Adimpun da ganaḵ Israel indasan da singsingtonda. Yaḵon abus da pinilin Apudyus aḵ naḵaodas te da ḵaaduwan ḵan dida tummungitong da somsomoḵda.

Romans 2:19

Ḵad nu aaddi ye diḵayu angidaḻan atta naḵuḻape ippun igammuda si mipanggob ḵan Apudyus, diḵayu silawe allangḻang atta awad atte pongot.

1 Corinthians 1:21

Gapu si ḵinalaing Apudyus, adimpun ni tagu we adipun amati lamog igammuwon aḵ Apudyus mipagapu'tte laingnae mismu. Te sa pinion Apudyus taguwona da tagu we amati si ugudnae ngannonda dinodong-og, sadi Ambaḻu we Damag we iwwaḻagawagni ḵan diḵayu.

1 Corinthians 2:8

Naippun naḵaawat atta pangat si sanae timpu. Te nu naawatanda oḵyan, adidapun impaipattoḻ ḵangatuwane Apu atte kros.

2 Corinthians 3:14

Isun di tummungitong da somsomoḵda. Taḵon ay sinsadi nu basaonda lintog Moses atte Dadaane Tuḻag, adidapun maawatan. Te adipun maḵaan anatallingod atta somsomoḵda nu adida amati ḵan Kristu.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

Galatians 4:8

Sa awe ye daanyupun angigammuwan ḵan Apudyus, isuyu musassu we anserserbi'tta sinan-apudyus.

Ephesians 2:1

Sa daanyu amatiyan, isuyun nanattoy atte mipanggob ḵan Apudyus gapu'tta basuḻyu.

Ephesians 2:12

Sosomḵonyu we sa awe, nisisina ḵayu ḵan Kristu. Nanaḻsin ḵayu'tta ganaḵ Israel we pinilin Apudyus aḵ taguna. Adiḵayupun os nidoga si intuḻag Apudyus we inkarina'tta tagunae awad de umali ye anagu ḵan dida ya diḵayu we tagu we adipun amati ippun namnamayu ḵan ippun Apudyusyu.

Colossians 1:21

Taḵon ay diḵayu'tte awe, adayu ḵayu ḵan Apudyus ḵad sinullagiyu gapu'tte ḵingwayu ya ansosomsomoḵyu.

1 Thessalonians 4:5

Daḵampun oḵyan aḵ siya unudonyu pipion ni long-agyu we isun ni ḵoon da Gentil we adipun angigammu ḵan Apudyus.

Hebrews 5:2

Siya ḵad anna bos anḵuyaana ḵad maanusana da ḵabasbassuḻane adidapun igammu we lawweng da ḵooḵoonda.

Hebrews 9:7

Yaḵon abus ḵangatuwane padi'ḵ maḵaḻnoḵ si uḵuḵ ni ḵumagwae kuwartu ḵad amingsane abus si sintawon lumnoḵ. Adipun os maḵwae lumnoḵ nu ippun daḻa'ḵ idatunna ḵan Apudyus gapu'tte basuḻna ya da basuḻ da tagu we adipun nigagaḻa.

James 4:4

Diḵayu we adipun mataḻgodan da pammatiyu ḵan Apudyus. Adiyupun ḵamman igammu we nu siya ayatonyu da gangganason da tagu we adipun amati, ḵabusuḻ diḵayu ḵan Apudyus? Pun ngaimane angunud atta ugali ye misullagi'tta pinion Apudyus, ambalinona long-agna'ḵ ḵabusuḻ Apudyus.

1 Peter 1:14

Gapu ta diḵayu da abeng Apudyus we tumuttuwa, adiyu ogon unudon da inamaamayyu si awe si daanyu angigammuwan ḵan Apudyus.

1 John 2:11

Yaḵon ngaimane naippun ayatna'tte asintataguna, sa giḵbot inggawana ḵan anaddaḻanana. Ḵad naippun igammuna'ḵ ayonana te sa giḵbot nanguḻap ḵan siya.