Ephesians 4:16 - Sa Ugud Apudyus

¹⁶ Ḵad gapu ta siya mipani ye uḻu taḵu, siya bos asi ḵigade angiyuḻnus ḵan ditaḵu we namati ye isun di ḵamangay ni sanae long-agna ta mibagaydae ustu. Pun nu ḵoon ni sin-ossaossae ḵamangay ni sanae long-ag naatode ḵewaaḻna, pumigsapigsa ya dumaḵodaḵoḻ sanae long-ag mipagapu si ayat.

Ephesians 4:16 ပူးပေါင်းရင်းမြစ်များ

John 15:5

“Saḵon puun ni waḵaḻ ya diḵayu pangana. Ngaimane iinggaw ḵan saḵon ya iinggawaḵ os ḵan siya, aduadu ibungana. Te nu misina ḵan saḵon, ippun lamogna ḵoon.

Romans 12:4

Ipaniḵ ditaḵu si long-ag ni tagu. Te sa ossaane long-ag, adu ḵamangayna ya nansabasabali ḵausaranda.

1 Corinthians 10:17

Ḵad gapu'tte ossaane tinapaye ḵanon taḵu, isu taḵun ossaane long-ag taḵon ay nu adu taḵu.

1 Corinthians 13:13

Pun sana da tuḻu we iinggaw aḵ inggana: sa pammati, namnama ya sa ayat. Yaḵon sa ḵapatogan atta anna ayat.

1 Corinthians 8:1

Annaya bos ibagaḵ ḵan diḵayu si mipanggob atte anganan atte maḵane midatun atta sinan-apudyus. Tuttuwa anna ya igammu taḵu losan. Yaḵon umman taḵu te allasu we sumoḵaḻ taḵu gapu'tte anna igammu taḵu. Yaḵon nu an-asiayat taḵu, sanat pumigsaan da pammati taḵu.

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

Galatians 5:6

Te sa niyossaanan taḵu ḵan Jesu Kristu, ippun paat nisabaliyana si antotollong Apudyus nu nasogyatan taḵu baḵon nu aditaḵupun. Yaḵon sa awad de patogna, sa pammati taḵu we mipaila si angayatan taḵu'tta buḻun taḵu.

Ephesians 1:4

Sa daan ni lubung maḵwaan, pinilin Apudyus ditaḵu'ḵ miyossaan ḵan Kristu ta ambaḻu ugali taḵu ya ippun ḵadellawan taḵu si antotollongna. Gapu si ayatna,

Ephesians 3:17

ya iinggaw oḵyan aḵ Kristu atta pusuyu mipagapu si pammatiyu ḵan siya. Ḵodaḵodawoḵ os ta amo lumamut antataguyu we nisaad atte ayat Apudyus,

Ephesians 3:7

Impailan Apudyus ḵinabaḻuna ḵan saḵon te mipagapu'tte ḵabooḻana intaḻgodna ḵan saḵon ampatoge ḵewaaḻe angiwaḻagawag atte Ambaḻu we Damag.

Ephesians 4:12

Ḵingwana ḵatti ta ansagana taḵu we tagun Apudyus we anserbi ḵan Kristu ta pumigsa taḵu we isun di long-agna,

Ephesians 4:15

Yaḵon ngaimane ugudon taḵu baḵon nu ḵoon taḵu, ḵasapuḻane ipapati taḵu ḵatuttuwaane midoga ayat inggana'ḵ gumodogodong antatagu taḵu we miyisu ḵan Kristu we isun di uḻun da losane gimung da namati.

Philippians 1:9

Annaya da iluwaḻuḵ ḵan Apudyus. Ḵodawoḵe pumigsapigsa oḵyan ayatyu ḵan siya ya da buḻunyu, ḵad madog-an oḵyan igammuyu si mipanggob ḵan Apudyus ya sa ḵabooḻanyu we angigammu nu ngai da ustu we ḵoonyu,

Colossians 2:19

Pun nisinada ḵan Kristu we isun di siya uḻu taḵu we namati. Ditaḵu ḵad, niyossaan taḵu ḵan siya te ditaḵu isun di long-agna. Pun sa uḻu asi ḵigad atte losane ḵamangay ni long-ag ta awaton ni sin-ossaossa da ḵasapuḻana ya miyustu-ustu uḻnus da losan. Pun siya dumaḵoḻan taḵu gapu'tte pigsae itton Apudyus ḵan ditaḵu.

Colossians 2:2

ta masoḻgag oḵyan da somsomoḵyu ya an-os-ossaan ḵayu gapu si an-asiayat ḵayu ta adi ḵayu anduwaduwa yaḵon maawatanyu planun Apudyus we adipun nipaigammu'tte awe ye sa mipanggob ḵan Kristu.

1 Thessalonians 1:3

Te nu alluwaḻu ḵani ḵan Ama taḵu we Apudyus, iḵagasmoḵni inonyu we nangigunay atta pammatiyu, pangogyu we nanḵewaaḻ gapu'tte ayat ḵan impapatiyu te antaḻgod ḵayu'tte namnamayu ḵan Apu Jesu Kristu taḵon ay nu ampaḵaḻam ḵayu.

1 Thessalonians 2:13

Susunudḵu ḵan Kristu, pasig ḵani anggappiya ḵan Apudyus te dingngoḻyu ḵad ugudnae imbagani, namati ḵayu we daḵampun aḵ naḻpu'tta tagu yaḵon tuttuwae naḻpu ḵan Apudyus. Ḵad sa Ugud Apudyus, siya anḵewaaḻ atta biyagyu we namati.

1 Thessalonians 3:12

Dog-an oḵyan Apu ayatyu ta lumay-as atta buḻunyu ya losane tagu we isun ni ayatni ye lummay-as ḵan diḵayu.

2 Thessalonians 1:3

Susunudḵu ḵan Kristu, ḵasapuḻane patilayun ḵani anggappiya ḵan Apudyus gapu ḵan diḵayu, ḵad mibagay nu ḵoonni ḵaḵna te pumigsapigsa da pammatiyu ḵad amo madog-adog-an ayat ni sin-ossaossa ḵan diḵayu we an-asiayat.

1 Timothy 1:5

Yaḵon sa panggob ni sanae bilin, an-asiayat ḵayu we maḻpu si ampoḻḵas ya ambaḻu we somsomoḵ ya sa gattoḵe pammati.

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

1 John 4:16

Pun igammu taḵu ya patiyon taḵu we ayaton ditaḵu ḵan Apudyus. Aḵ Apudyus pasig naayat. Pun sa tagu we pagatupanae angayat ḵan Apudyus ya da buḻunna, iinggaw ḵan Apudyus ya iinggaw os aḵ Apudyus ḵan siya.